Connect with us

ព័ត៌មានអន្ដរជាតិ

មីយ៉ាន់ម៉ា ចង់ចូលខ្លួនជាមួយប្លុកដែលមាន រុស្ស៊ី និងចិន

បានផុស

នៅ

ប្រទេសមីយ៉ាន់ម៉ាបង្ហាញពីកូនចិត្តចង់ចូលរួមជាមួយប្លុក BRICS ដែលរួមមានប្រទេសប្រេស៊ីល រុស្ស៊ី ឥណ្ឌា ចិន និងអាហ្វ្រិកខាងត្បូង ហើយក៏កំពុងសិក្សាពីការដាក់បញ្ចូលរូបិយប័ណ្ណតែមួយជាមួយប្លុកមួយនេះផងដែរ ។ នេះជាការលើកឡើងរបស់រដ្ឋមន្ត្រីក្រសួងវិនិយោគ និងទំនាក់ទំនងសេដ្ឋកិច្ចបរទេសមីយ៉ាន់ម៉ា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងកិច្ចសម្ភាសន៍ជាមួយសារព័ត៌មានរុស្ស៊ី Sputnik កាលពីថ្ងៃទី២១ ខែកុម្ភៈកន្លងទៅ លោករដ្ឋមន្ត្រី Kan Zaw បានលើកឡើងថា “ចាប់តាំងពីខែឧសភា ឆ្នាំ ២០២៣ មក មីយ៉ាន់ម៉ាត្រូវបានគេទទួលស្គាល់ជាដៃគូសន្ទនានៅក្នុងអង្គការសហប្រតិបត្តិការសៀងហៃ (SCO) ហើយឥឡូវនេះ យើងក៏ចាប់អារម្មណ៍ចូលរួមក្នុងគំនិតផ្ដួចផ្ដើមរូបិយប័ណ្ណរួមតែមួយរបស់ក្រុមប្រទេស BRICS ផងដែរ ។

ពាក់ព័ន្ធនឹងគំនិតផ្ដួចផ្ដើមនេះដែរ នៅខែមិថុនា ឆ្នាំ ២០២២ លោកប្រធានាធិបតីរុស្ស៊ី វ្ល៉ាឌីមៀរ ពូទីន បានប្រាប់វេទិកាធុរកិច្ច BRICS ថា ប្រទេសដែលមានសេដ្ឋកិច្ចកំពុងជឿនលឿនកំពូលៗទាំង ៥ គួរតែបង្កើតប្រព័ន្ធបម្រុងអន្តរជាតិដោយផ្អែកលើកញ្ចប់រូបិយប័ណ្ណ BRICS ហើយបើទោះបីជា វាអាចចំណាយពេលច្រើនឆ្នាំសម្រាប់ប្លុក BRICS បង្កើតប្រព័ន្ធរូបិយវត្ថុបែបនេះក៏ដោយ ក៏វាទំនងជាអាចរក្សាតុល្យភាពរវាងប្រាក់ដុល្លារ និងកញ្ចប់រូបិយប័ណ្ណ BRICS ។

ទន្ទឹមនោះ នៅខែសីហា ឆ្នាំ ២០២៣ ប្រធានសភាពាណិជ្ជកម្ម និងឧស្សាហកម្មរុស្ស៊ី លោក Sergey Katyrin បានប្រាប់សារព័ត៌មាន Sputnik ដែរថា ប្រទេសជិត ៥០ បានបង្ហាញពីចំណាប់អារម្មណ៍របស់ពួកគេក្នុងការចូលរួមជាមួយប្លុក BRICS ហើយ ១៧ ប្រទេសបានដាក់ពាក្យស្នើសុំជាផ្លូវការរួចហើយ ។

ចំណែកនៅក្នុងខែកញ្ញា ឆ្នាំ ២០២៣ ក្រុមអ្នកវិភាគភូមិសាស្ត្រនយោបាយ Pepe Escobar បានប្រាប់សារព័ត៌មានរុស្ស៊ីដដែលថា ក្រុមប្រទេស BRICS គួរតែធ្វើការបង្រួបបង្រួមនៃប្រព័ន្ធទូទាត់ និងយន្តការមួយចំនួនដើម្បីធ្វើពាណិជ្ជកម្មរូបិយប័ណ្ណជាតិ ជំរុញពាណិជ្ជកម្មទៅវិញទៅមក និងមានភាពឯករាជ្យជាងមុនជាដើម ។

គួរបញ្ជាក់ថា នៅថ្ងៃទី១ ខែមករា ឆ្នាំ២០២៤ ប្រទេសអេហ្ស៊ីប អេត្យូពី អ៊ីរ៉ង់ អារ៉ាប់រួម និងអារ៉ាប៊ីសាអូឌីត បានក្លាយជាសមាជិកពេញសិទ្ធិនៃក្រុមប្រទេស BRICS ជាផ្លូវការ ដោយនាំឲ្យប្លុកមួយនេះកើនសមាជិកឡើងដល់ ៩ ប្រទេស ហើយអាចនឹងមានសមាជិកចូលរួមបន្ថែមទៀតផងដែរ ៕

ដោយ ៖ សុខ ជីវ័ន្ត

ចុចអាន ៖ មីយ៉ាន់ម៉ា កាត់ទោសប្រហារជីវិតឧត្តមសេនីយ៍ផ្កាយមួយ ៣ រូប ក្រោយលើក ទង់ ស ចុះចាញ់ក្រុមឧទ្ទាមទ័ពព្រៃ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម