Connect with us

ព័ត៌មានអន្ដរជាតិ

អ្នកដំណើរនៅ ចិន ម្នាក់ បោះកាក់ចូលម៉ាស៊ីនយន្តហោះ បួងសួងសុំសេចក្តីសុខ

បានផុស

នៅ

តាមការចុះផ្សាយរបស់ CNN កាលពីថ្ងៃសុក្រទី៨ខែមីនា, ជើងហោះហើររបស់ក្រុមហ៊ុនអាកាសចរណ៍ China Southern ត្រូវពន្យារពេលជាង៤ម៉ោង បន្ទាប់ពីអ្នកដំណើរម្នាក់ បោះកាក់ជាច្រើន ចូលទៅក្នុងម៉ាស៊ីនរបស់យន្តហោះ ដើម្បីបួងសួងសុំសេចក្តីសុខនិងសំណាងល្អ។

(រូបថត៖ AFP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក៏ដោយ រឿងនេះកើតឡើងតាំងពីថ្ងៃទី៦ខែមីនាមកម្ល៉េះ ពោលគឺដើមឡើយ ជើងហោះហើរ CZ8805 គ្រោងចេញដំណើរពីទីក្រុង Sanya ទៅកាន់ទីក្រុងប៉េកាំង នៅម៉ោងប្រហែល១០ព្រឹក ប៉ុន្តែយន្តហោះ ​មិន​អាច​ចេញ​ដំណើរ​បានទេ ​រហូត​ដល់​ម៉ោង​២​រសៀលឯណោះ ក្រោយ​អ្នក​បម្រើ​លើ​យន្តហោះ​ដឹង​ថា មានអ្នក​ដំណើរ​ម្នាក់​បាន​បោះ​កាក់​ចូល​ក្នុង​ម៉ាស៊ីន។

ដោយដកស្រង់ប្រភពពីប្រព័ន្ធផ្សព្វផ្សាយរដ្ឋរបស់ចិន, CNN រាយការណ៍ថា នៅពេលត្រូវបានសាកសួរ អ្នកដំណើរក៏សារភាពថា គាត់ពិតជាបោះកាក់៣ទៅ៥កាក់ចូលទៅក្នុងម៉ាស៊ីន ដើម្បីបួងសួងសុំសំណាងល្អមែន។ ដើម្បី​ធានា​សុវត្ថិភាព អាកាសយានិកបាន​ពិនិត្យ​ម៉ាស៊ីន ហើយក៏​រក​ឃើញកាក់ ខណៈបុរសរូបនោះ ត្រូវបានប៉ូលិសឃាត់ខ្លួន។

(រូបថត៖ EPA)

នៅក្នុងការបង្ហោះលើបណ្តាញទំនាក់ទំនងសង្គម Weibo របស់ប្រទេសចិន, ក្រុមហ៊ុនអាកាសចរណ៍ China Southern បានព្រមានថា ការបោះកាក់ចូលទៅក្នុងម៉ាស៊ីនយន្តហោះ មិនត្រឹមតែជាទង្វើអសីលធម៌ប៉ុណ្ណោះទេ ប៉ុន្តែថែមទាំងគំរាមកំហែងដល់សុវត្ថិភាពអាកាសចរណ៍ផងដែរ ហើយនឹងត្រូវទទួលទណ្ឌកម្ម ចៀសមិនរួច។

សូមបញ្ជាក់ នេះមិនមែនជាលើកទីមួយឡើយ ដែលអ្នកដំណើរបោះកាក់ចូលម៉ាស៊ីនយន្តហោះដើម្បីសុំសេចក្តីសុខ តួយ៉ាងកាលពីឆ្នាំមុន ហេតុការណ៍ដូចគ្នា បានកើតឡើងលើជើងហោះហើររបស់ក្រុមហ៊ុនដដែលនេះ នៅក្នុងទីក្រុងក្វាងចូវ។ ចំណែកក្នុងឆ្នាំ២០២១ ជើងហោះហើររពី Weifang និង Haikou ត្រូវបានលុបចោល នៅពេល កាក់ជាច្រើនដែលរុំដោយក្រដាសក្រហម ត្រូវបានរកឃើញនៅលើវាលយន្តហោះ៕

អត្ថបទ៖ សុខ សុវណ្ណ

ចុចអាន៖ យន្តហោះក្រុមហ៊ុនអាកាសចរណ៍ United Airlines ឆេះម៉ាស៊ីន ខណ:កំពុងហោះលើអាកាស

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង២ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ៣ ម៉ោង មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ៤ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ៤ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង៤ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ១៥ ម៉ោង មុន

Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា  

សេចក្ដីជូនដំណឹង២ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ជីវិតកម្សាន្ដ១៨ ម៉ោង មុន

ទេព បូព្រឹក្ស ប្រកាសដាក់បទ«ទេវរាជ» ប្រកួតពានរង្វាន់អន្តរជាតិ និងស្នើឱ្យទស្សនាបទនេះតាម YouTube វិញ

ព័ត៌មានជាតិ៧ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ១៦ ម៉ោង មុន

បង្ហើប​តម្លៃ​ស្នាក់នៅ​បន្ទប់​សណ្ឋាគារ​ប្រណិត​ឋានសួគ៌​បូកគោ​ នៅ​លើ​កំពូល​ភ្នំ​បូកគោ

Sokha Hotels

ព័ត៌មានពេញនិយម