Connect with us

ព័ត៌មានអន្ដរជាតិ

លោក គីម ជុងអ៊ុន ដឹកដៃកូនស្រី ទៅមើលសមយុទ្ធ ផ្គើនអាមេរិក

បានផុស

នៅ

កាសែត Rodong Sinmun បានចុះផ្សាយកាលពីថ្ងៃសៅរ៍ទី១៦ខែមីនាថា មេដឹកនាំកូរ៉េខាងជើងលោក គីម ជុងអ៊ុន បានដឹកដៃកូនស្រី ទៅពិនិត្យមើលសមយុទ្ធឆ័ត្រយោង ហើយនេះគឺជាលើកទីបួនហើយ ក្នុងរយៈពេលពីរសប្តាហ៍ ដែលលោកគីម ចុះទៅពិនិត្យសមយុទ្ធយោធាដោយផ្ទាល់ ក្នុងអ្វីត្រូវគេអះអាងថា ជាទង្វើ​ផ្គើន​អាមេរិក និង​កូរ៉េ​ខាង​ត្បូង។

(រូបថត៖ KCNA)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបថត​មួយ​សន្លឹក​បាន​បង្ហាញ ​កូន​ស្រី​របស់​លោក គីម ឆ្លុះកែវយឹតមើលសមយុទ្ធ​ ដែល​មាន​ការចូលរួម​ពី​ទាហាន​លោត​ពីលើ​យន្តហោះ​ដឹកជញ្ជូន ចុះ​លើ​ទីតាំងរបស់​សត្រូវ។

ក្នុងអំឡុងពេលចុះពិនិត្យសមយុទ្ធនោះដែរ លោក គីម ក៏បានសរសើរយោធាកូរ៉េខាងជើង ដែលហ៊ានប្តូរជីវិត ដើម្បីសុភមង្គលរបស់ប្រជាជន។

(រូបថត៖ KCNA)

ស្របពេលជាមួយគ្នានោះ ទីភ្នាក់ងារសារព័ត៌មាន Yonhap របស់កូរ៉េខាងត្បូង ក៏រាយការណ៍ដែរថា វត្តមានលោក គីម និងកូនស្រី នាពេលនេះ ហាក់មានបំណងចង់បញ្ចុះបញ្ចូលប្រជាជន ឲ្យទទួលស្គាល់កូនស្រីថាជាអ្នកស្នងតំណែងរបស់គាត់។

មុននេះ នៅក្នុងសមយុទ្ធកងរថក្រោះកាលពីថ្ងៃព្រហស្បតិ៍ទី១៤ខែមីនា លោក គីម ថែមទាំងចូលបើករថក្រោះដោយផ្ទាល់យ៉ាងកម្រ ហើយអះអាងថា នេះគឺជារថក្រោះដែលទំនើបជាងគេបំផុតលើពិភពលោកទៀតផង។

(រូបថត៖ KCNA)

ទោះបីជាយ៉ាងណាក៏ដោយ លោក គីម មិនបានបញ្ជាក់ច្បាស់ៗថាតើ រថក្រោះនេះ មានសមត្ថភាពខ្លាំងកម្រិតណានោះទេ។

សមយុទ្ធរបស់កូរ៉េខាងជើងនេះ កើតឡើងចំពេលសត្រូវគឺកូរ៉េខាងត្បូងនិងសហរដ្ឋអាមេរិក ទើបបញ្ចប់យោធាប្រចាំឆ្នាំ ដែលទីក្រុងព្យុងយ៉ាង ចាត់ទុកថាជាការហាត់សមដើម្បីឈ្លានពាន។

ភាព​តានតឹង​នៅ​ឧបទ្វីប​កូរ៉េ​ បានឡើងកម្តៅខ្លាំងកាលពីឆ្នាំមុន ចំ​ពេល​​ទីក្រុងព្យុងយ៉ាង បាញ់សាកល្បងមីស៊ីលមិនដកដៃ។ តាមពិតទៅ សង្រ្គាមកូរ៉េឆ្នាំ១៩៥០-១៩៥៣ បានបញ្ចប់ទៅដោយបទឈប់បាញ់ មិនមែនសន្ធិសញ្ញាសន្តិភាពឡើយ ដូចនេះមានន័យថា បើតាមបច្ចេកទេស កូរ៉េទាំង ២ នៅតែស្ថិតក្នុងស្ថានភាពសង្រ្គាមជាមួយគ្នាដដែល៕

អត្ថបទ៖ សុខ សុវណ្ណ

ចុចអាន៖ កម្រឃើញ! លោក គីម ចូលបើករថក្រោះដែលខ្លួនអួតថា ទំនើបបំផុតលើលោក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម