ព័ត៌មានអន្ដរជាតិ
កើតការវាយប្រហារនិងផ្ទុះបាតុកម្ម នៅថ្ងៃបោះឆ្នោតរុស្ស៊ី
ថ្ងៃអាទិត្យទី១៧ខែមីនា គឺជាថ្ងៃចុងក្រោយនៃការបោះឆ្នោតប្រធានាធិបតីរុស្ស៊ី ខណៈទីក្រុងមូស្គូ ចោទអ៊ុយក្រែនថា បើកការវាយប្រហារតាមអាកាស ដើម្បីព្យាយាមបំផ្លាញដំណើរការបោះឆ្នោត។ នេះបើតាមការចុះផ្សាយរបស់ Reuters។
![](https://www.kampucheathmey.com/wp-content/uploads/2024/03/image-842.png)
តាមការបញ្ជាក់ពីមន្ត្រីរុស្ស៊ី, ជាងពាក់កណ្តាលនៃអ្នកមានសិទ្ធិបោះឆ្នោត បានទៅបោះរួចហើយត្រឹមថ្ងៃទី២ នៃការបោះឆ្នោតដែលមានរយៈពេល៣ថ្ងៃ។
ការអំឡុងការបោះឆ្នោតនេះដែរ គេឃើញមានបាតុកម្មខ្លះៗ ហើយកាលពីថ្ងៃសៅរ៍ លោក វ្ល៉ាឌីមៀរ ពូទីន បានចោទប្រកាន់ទីក្រុងកៀវថា ព្យាយាមរំខានដល់ការបោះឆ្នោតជាមួយនឹងការវាយប្រហារដោយ ដ្រូននិងមីស៊ីលក្នុងប្រទេសរុស្ស៊ី និងនៅលើទឹកដីដែលគ្រប់គ្រងដោយទីក្រុងមូស្គូ ក្នុងប្រទេសអ៊ុយក្រែន។
![](https://www.kampucheathmey.com/wp-content/uploads/2024/03/image-844.png)
ដោយឡែក អតីតប្រធានាធិបតី Dmitry Medvedev បានហៅក្រុមបាតុករថាជាជនក្បត់ ព្រោះថា ពួកគេព្យាយាមដុតការិយាល័យបោះឆ្នោត និងចាក់ថ្នាំពណ៌ ចូលទៅក្នុងធុងសន្លឹកឆ្នោត។
មកដល់ព្រឹកថ្ងៃអាទិត្យ តាមសេចក្តីរាយការណ៍របស់មន្ត្រីរុស្ស៊ីក្នុង, កងកម្លាំងទីក្រុងកៀវ នៅតែបន្តវាយប្រហារ លើទឹកដីរុស្ស៊ីជាប់ព្រំដែនអ៊ុយក្រែនគឺ Belgorod និង Kursk ហើយការបាញ់មីស៊ីលរបស់អ៊ុយក្រែន បានសម្លាប់មនុស្ស២នាក់ ចំណែកដ្រូន បានបាញ់បំផ្ទុះរោងចក្រចម្រាញ់ប្រេងមួយ។
![](https://www.kampucheathmey.com/wp-content/uploads/2024/03/image-843-1024x576.png)
ទោះបីជាយ៉ាងណាក៏ដោយ ប្រធានាធិបតីអ៊ុយក្រែនលោក វ្ល៉ាឌីមៀរ ហ្សេលេនស្គី មិននិយាយអ្វីទាំងអស់ ពាក់ព័ន្ធការវាយប្រហារនោះ ប៉ុន្តែលោកបានថ្លែងអំណរគុណដល់កងកម្លាំងយោធា និងចារបុរស សម្រាប់ប្រតិបត្តិការថ្មីរបស់អ៊ុយក្រែន។ លើសពីនេះ ទីក្រុងកៀវ ចាត់ទុកការបោះឆ្នោតដែលធ្វើឡើងនៅផ្នែកខ្លះនៃទឹកដីរបស់ខ្លួនដែលគ្រប់គ្រងដោយរុស្ស៊ី ថា “ខុសច្បាប់ និងមោឃៈ”។
សូមបញ្ជាក់ ប្រជាជនរុស្ស៊ីជាង១១៤លាននាក់ មានសិទ្ធិបោះឆ្នោត រួមទាំងនៅក្នុងតំបន់អ៊ុយក្រែនចំនួន៤ ដែលទីក្រុងមូស្គូកាត់យកផងដែរ ខណៈក្រុមអ្នកវិភាគហ៊ានធានាថា លោកពូទីន មានភាគរយឈ្នះច្រើនបំផុត៕
អត្ថបទ៖ សុខ សុវណ្ណ
ចុចអាន៖ លោក ពូទីន មិនបានអញ្ជើញទៅបោះឆ្នោតជ្រើសរើសប្រធានាធីបតីនៅ ការិយាល័យផ្ទាល់នោះទេ
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
កីឡា១ សប្តាហ៍ ago
លោក សួង បញ្ញា ប្រកាសឈប់ពីការបង្ហាត់គុនខ្មែរ និងការងារនៅទទក