ព័ត៌មានអន្ដរជាតិ
ថៃ ហាមទេសចរបរទេស២នាក់ មិនឲ្យចូលប្រទេស អស់មួយជីវិត
តាមការចុះផ្សាយរបស់ Bangkok Post នៅថ្ងៃចន្ទទី១៨ខែមីនា ប្រទេសថៃ បានដាក់អ្នកទេសចរនូវែលសេឡង់ពីរនាក់ចូលក្នុងបញ្ជីខ្មៅ ដោយហាមឃាត់ចូលប្រទេសនេះអស់មួយជីវិត បន្ទាប់ពីពួកគេវាយប៉ូលិសចរាចរណ៍នៅភូកេត។
![](https://www.kampucheathmey.com/wp-content/uploads/2024/03/image-893.png)
អគ្គស្នងការរងនគរបាលជាតិ លោក Surachate Hakparn និយាយថា មេប៉ូលិសអន្តោប្រវេសន៍នៅភូកេត បានទទួលការណែនាំឲ្យហាមឃាត់ជនជាតិនូវែលសេឡង់ឈ្មោះ Oscar Day អាយុ៣៦ឆ្នាំ និង Hamish Day អាយុ៣៤ឆ្នាំ បន្ទាប់ពីបញ្ចប់សំណុំរឿងតុលាការ។ លោក Surachate បានបង្ហោះលើទំព័រ Facebook របស់ខ្លួនថា អ្នកទាំងពីរនឹងមិនអនុញ្ញាតឲ្យវិលត្រលប់មកប្រទេសថៃវិញឡើយ។
ពាក់ព័ន្ធហេតុការណ៍នេះ អ្នកទេសចរនូវែលសេឡង់ បានបើកបករលើសល្បឿនកំណត់ក្នុងតំបន់សហគមន៍នៅស្រុក Muang និងមិនគោរពគន្លងខាងឆ្វេង។ ពេលប៉ូលិសតាមចាប់ ពួកគេមិនឈប់ឡើយ ហើយថែមទាំងបន្ថែមល្បឿនដើម្បីរត់គេចខ្លួនទៀតផង។ ក្រោយមក ពួកគេក៏វាយប៉ូលិស ហើយបង្កជារបួសស្នាម។
![](https://www.kampucheathmey.com/wp-content/uploads/2024/03/image-894.png)
បងប្អូន២នាក់នេះ ត្រូវបានចោទប្រកាន់ពីបទប្លន់, រារាំងប៉ូលិសដែលកំពុងបំពេញកាតព្វកិច្ច, វាយប្រហារលើរាងកាយប៉ូលិស, បើកបរដោយគ្មានប័ណ្ណបើកបរ និងស៊ីសំណូក។
សូមបញ្ជាក់ ពួកគេបានចូលថៃនៅថ្ងៃទី១១ខែមីនា ហើយត្រូវបន្តស្នាក់នៅក្នុងប្រទេសនេះ រហូតដល់ថ្ងៃទី៩ខែមេសា ព្រោះថា ភ្ញៀវទេសចរមកពីនូវែលសេឡង់ គឺអាចមកលេងប្រទេសថៃដោយគ្មានទិដ្ឋាការបានរយៈពេល៣០ថ្ងៃ៕
អត្ថបទ៖ សុខ សុវណ្ណ
ចុចអាន៖ ថៃ ព្រមានក្រុមមនុស្ស៤ប្រភេទ ប្រឈមហានិភ័យ ស្លាប់ដោយសារកម្តៅក្តៅខ្លាំង
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៧ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ១ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ