Connect with us

ព័ត៌មានអន្ដរជាតិ

ថៃ បញ្ជាក់ថា គុណភាពទឹកទន្លេមេគង្គ នៅតែមានសុវត្ថិភាព ក្រោយហេតុការណ៍ធ្លាយអាស៊ីត

បានផុស

នៅ

ក្រោយមានក្តីព្រួយបារម្ភចំពោះទឹកទន្លេមេគង្គថាមានគ្រោះថ្នាក់ បន្ទាប់ពីការធ្លាយអាស៊ីតចូលស្ទឹង ណាម ខាន់ ចាក់ចូលទន្លេនៅប្រទេសឡាវ ពេលនេះ មន្ត្រីថៃ បានចេញមកបញ្ជាក់ថា គុណភាពទឹកនៅតាមដងទន្លេមេគង្គហូរពីឡាវមកថៃ គឺមានសុវត្ថិភាពនៅឡើយ ប៉ុន្តែខ្លួនកំពុងបន្តតាមដានយ៉ាងយកចិត្តទុកដាក់ជាទីបំផុត រហូតដល់ថ្ងៃសុក្រ។ នេះបើតាមការចុះផ្សាយរបស់ Bangkok Post នៅថ្ងៃអង្គារទី៩ខែមេសា។

(រូបថត៖ MRC Mekong)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះហេតុការណ៍គ្រោះថ្នាក់ចរាចរណ៍នៅខេត្តហ្លួងប្រាបាង ប្រទេសឡាវ, រថយន្តមួយគ្រឿងដឹកអាស៊ីត៣០តោន បានក្រឡាប់ចាក់សារធាតុគីមី ចូលទៅក្នុងស្ទឹងដែលជាដៃទន្លេមេគង្គ ហូរមកចាក់មកប្រទេសថៃ ជាហេតុបណ្តាលឲ្យថៃ ប្រកាសអាសន្នក្នុងខេត្តចំនួន៧តាមដងទន្លេ ឲ្យមានការប្រុងប្រយ័ត្នខ្ពស់។

ឧបនាយករដ្ឋមន្ត្រី និងជាប្រធានគណៈកម្មាធិការទន្លេមេគង្គជាតិថៃ លោក Somsak Thepsutin គូសបញ្ជាក់ថា លោកបានណែនាំដល់ការិយាល័យធនធានទឹកជាតិ ឲ្យត្រួតពិនិត្យទន្លេចំពោះការបំពុលណាមួយ ខណៈលោក​បារម្ភ​ថា សារធាតុ​គីមី​ដែល​លេច​ធ្លាយ​នេះ ​នឹងបង្កផល​ប៉ះពាល់​ដល់​ប្រជាពលរដ្ឋ​នៃ​ប្រទេស​ទាំង​ពីរ។

(រូបថត៖ MRC Mekong)

ស្របពេលជាមួយគ្នានោះ លោកសង្កត់ធ្ងន់ថា គណៈកម្មាធិការជាតិទន្លេមេគង្គរបស់ថៃ បាននិងកំពុងសហការយ៉ាងសកម្ម ជាមួយលេខាធិការដ្ឋានគណៈកម្មការទន្លេមេគង្គ (MRCS) និងរដ្ឋាភិបាលឡាវ ដើម្បីដោះស្រាយបញ្ហានេះ។

ទោះបីជាយ៉ាងណាក៏ដោយ អាជ្ញាធរថៃ ប្រកាសថា ពេលនេះ ប្រជាពលរដ្ឋនៅតែអាចហែលទឹក និងស្ទូចត្រីក្នុងទន្លេមេគង្គ ហើយយកទឹកពីទន្លេនេះ ទៅលេងក្នុងពិធីបុណ្យសង្ក្រាន្តឆ្នាំថ្មីបានដដែល។

(រូបថត៖ The Star)

ទាក់ទិនបញ្ហានេះ ក្រសួងធនធានទឹក និងឧតុនិយមកម្ពុជា ក៏បានចេញមកបញ្ជាក់ដែរថា ខ្លួន និងគណៈកម្មាធិការជាតិទន្លេមេគង្គកម្ពុជាបាននិងកំពុងយកចិត្តទុកដាក់ខ្ពស់ អំពីផលប៉ះពាល់ដែលអាចកើតមាន ហើយនឹងជូនដំណឹងបន្ថែម ក្នុងករណីចំបាច់។

ស្ទឹងណាម ខាន់ គឺជាដៃ ទន្លេមេគង្គ ហូរចាក់ចូលទន្លេត្រង់ចំណុចទីក្រុងហ្លួងប្រាបាង ហើយមានចម្ងាយពីព្រំប្រទល់កម្ពុជា-ឡាវ ដល់ទីនោះ ប្រមាណ ១ ៣៧០គីឡូម៉ែត្រ។

តាមការជូនដំណឹងពីលេខាធិការដ្ឋានគណៈកម្មការទន្លេមេគង្គ សារធាតុគីមីដែលកំពប់នោះ គឺអាស៊ីតស៊ុលផូរិច តែមិនហូរចូលក្នុងទឹកទាំង៣០តោនទេ ហើយករណីនេះទៀតសោត នាយកដ្ឋានបរិស្ថានឡាវ បានសហការជាមួយការិយាល័យក្រុងហ្លួងប្រាបាង អនុវត្តវិធានការត្រួតពិនិត្យដើម្បីឆ្លើយតបទៅនឹងស្ថានភាពខាងលើរួចទៅហើយ៕

អត្ថបទ៖ សុខ សុវណ្ណ

ចុចអាន៖ ក្រសួងធនធានទឹក៖ ករណីធ្លាយសារធាតុគីមីចូលដៃទន្លេមេគង្គឡាវ មិនប៉ះពាល់ដល់ទឹកទន្លេមេគង្គកម្ពុជាឡើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៩ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ៩ ម៉ោង មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ១០ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ១១ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង១១ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ២២ ម៉ោង មុន

Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា  

សេចក្ដីជូនដំណឹង៩ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ១៤ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ២៣ ម៉ោង មុន

បង្ហើប​តម្លៃ​ស្នាក់នៅ​បន្ទប់​សណ្ឋាគារ​ប្រណិត​ឋានសួគ៌​បូកគោ​ នៅ​លើ​កំពូល​ភ្នំ​បូកគោ

ព័ត៌មានជាតិ១៤ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

Sokha Hotels

ព័ត៌មានពេញនិយម