ព័ត៌មានអន្ដរជាតិ
ថៃ ប្រកាសបន្ថយពន្ធលើវិស័យអចលនទ្រព្យដើម្បីជំរុញសេដ្ឋកិច្ចឲ្យមានដង្ហើមដកឡើងវិញ
ប្រទេសថៃត្រៀមនឹងប្រកាសច្បាប់អចលទ្រព្យថ្មីនៅអង្គារនេះ ស្របពេលដែលរដ្ឋាភិបាលកំពុងឈ្មុសឈ្មុលកែប្រែមុខមាត់ប្រទេសដែលជាខ្លាសេដ្ឋកិច្ចធំបំផុតទី ២ របស់អាស៊ានមួយនេះមានដង្ហើមដកឡើងវិញ ។ នេះបើតាមសេចក្ដីប្រកាសរបស់ក្រសួងហិរញ្ញវត្ថុ និងចេញផ្សាយដោយទីភ្នាក់ងារព័ត៌មាន Reuters កាលពីថ្ងៃទី៨ ខែមេសាកន្លងទៅ ។
![](https://www.kampucheathmey.com/wp-content/uploads/2024/04/property-4.jpg)
ក្រសួងហិរញ្ញវត្ថុនឹងស្នើទៅគណៈរដ្ឋមន្ត្រីគ្រប់គ្រងលើវិស័យអចលនទ្រព្យ រួមទាំងការកាត់បន្ថយថ្លៃជួញដូរផ្ទះសម្បែងដែលមានតម្លៃរហូតដល់ ៧ លានបាត (១៩០,៨៩១ ដុល្លារ) ដោយតម្លៃផ្ទេរកម្មសិទ្ធិត្រូវបានកាត់បន្ថយពី ២ ភាគរយមកត្រឹម ០.០១ ភាគរយ ។
យោងតាមប្រព័ន្ធផ្សព្វផ្សាយថៃក៏បានរាយការណ៍ផងដែរថា ច្បាប់អចលទ្រព្យថ្មីនេះនឹងមានការកាត់ពន្ធសម្រាប់អ្នកដែលចង់សាងសង់ផ្ទះ និងប្រាក់កម្ចីទិញផ្ទះសម្រាប់អ្នកដែលមានប្រាក់ចំណូលទាប ហើយក្រសួងនឹងស្នើកែសម្រួលច្បាប់ទាក់ទងនឹងកម្មសិទ្ធិលំនៅដ្ឋានរបស់ជនបរទេស រួមទាំងការបន្តរយៈពេលជួលពី ៣០ ឆ្នាំដល់ ៩៩ ឆ្នាំ ក៏ដូចជាអនុញ្ញាតឲ្យជនបរទេសអាចចាយលុយទិញលំនៅដ្ឋានមួយចំនួនក្នុងប្រទេសថៃផងដែរ ។
![](https://www.kampucheathmey.com/wp-content/uploads/2024/04/Srettha-62.jpg)
ពាក់ព័ន្ធនឹងបញ្ហានេះដែរ លោកនាយករដ្ឋមន្រ្តី សេដ្ឋា ថាវីស៊ីន បានរំឭកឡើងវិញកាលពីថ្ងៃចន្ទថា សេដ្ឋកិច្ចថៃត្រូវការវិធានការជំរុញលើវិស័យធំៗ ស្របពេលដែលកំណើនសេដ្ឋកិច្ចក្នុងប្រទេសអាចនឹងមានតិចជាង ១ ភាគរយប៉ុណ្ណោះនៅក្នុងត្រីមាសទីមួយនៃឆ្នាំ ២០២៤ នេះ បន្ទាប់ពីកើនឡើង ១.៧ ភាគរយនៅក្នុងត្រីមាសមុន ។
ទន្ទឹមនោះ ការប្រកាសចាត់វិធានការលើវិស័យអចលនទ្រព្យថ្មីនេះទៀតសោតក៏កើតមានឡើង បន្ទាប់ពីថៃកំពុងមានវិបត្តិសេដ្ឋកិច្ចយ៉ាប់យ៉ឺន ហើយក៏ស្របពេលដែលកាលពីពេលថ្មីៗនេះ ធនាគារពិភពលោកបានទម្លាក់ការព្យាករណ៍ចំពោះសេដ្ឋកិច្ចរបស់ប្រទេសដែលល្បីរន្ទឺលើវិស័យទេសចរណ៍នៅអាស៊ានមួយនេះពី ៣.៤ ភាគរយមក ២.៨ ភាគរយសម្រាប់ក្នុងឆ្នាំ ២០២៤ នេះផងដែរ ៕
![](https://www.kampucheathmey.com/wp-content/uploads/2024/04/Property-5.jpg)
ដោយ ៖ សុខ ជីវ័ន្ត
ចុចអាន ៖ ចាប់ពីថ្ងៃនេះ ខេត្តភាគខាងជើង ថៃ ប៉ះសីតុណ្ហភាព ៤៣ អង្សាសេ ខណៈទីក្រុងបាងកកក៏ក្ដៅចង់ខ្លោច
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ