ព័ត៌មានអន្ដរជាតិ

ប្រេស៊ីល ត្រៀមបញ្ចេញមូសសិប្បនិម្មិតផ្ទុកមេរោគប្រឆាំងជំងឺគ្រុនឈាម

បានផុស

១២ ខែ មុន

នៅ

ថ្ងៃសុក្រ ១៩ មេសា ២០២៤

ដោយ

ប្រទេសប្រេស៊ីលកំពុងព្យាយាមការពារការរីករាលដាលនៃជំងឺគ្រុនឈាមដោយការបញ្ចេញមូសសិប្បនិម្មិតដែលផ្ទុកបាក់តេរីមានសមត្ថភាពទប់ស្កាត់មេរោគគ្រុនឈាម ។ នេះបើយោងតាមការចេញផ្សាយដោយទូរទស្សន៍ជាតិជប៉ុន NHK នៅថ្ងៃទី១៩ ខែមេសានេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីក្រុង Rio de Janeiro ថ្មីៗនេះបានចាប់ផ្តើមបញ្ចេញសត្វមូសសិប្បនិម្មិតមួយចំនួនធំដែលចម្លងបាក់តេរី Wolbachia ដែលជាបាក់តេរីមានប្រសិទ្ធភាពក្នុងការទប់ស្កាត់ការរីកលូតលាស់នៃមេរោគគ្រុនឈាម ហើយមូសទាំងនេះគេរំពឹងថានឹងកាត់បន្ថយការឆ្លងមេរោគយ៉ាងខ្លាំងក្លា ដោយសារបាក់តេរីមួយនេះអាចចម្លងទៅកូនចៅរបស់វាផ្សេងទៀត ។

ទីក្រុងនេះគ្រោងនឹងបញ្ចេញសត្វមូសផ្ទុកបាក់តេរី Wolbachia ប្រហែល ១២ លានក្បាលនៅត្រឹមខែសីហា ខណៈគម្រោងនេះត្រូវបានត្រួតពិនិត្យដោយលោក Gabriel Sylvestre ប្រធានការិយាល័យនៃកម្មវិធីមូសពិភពលោកដែលមិនរកប្រាក់ចំណេញ ហើយគម្រោងនេះនឹងពង្រីកបន្ថែមទៀតនៅទូទាំងប្រទេស ។

គួរបញ្ជាក់ថា ជំងឺគ្រុនឈាម គឺជាជំងឺដែលចម្លងពីមូសខ្លា ហើយបណ្តាលឲ្យមានគ្រុនក្តៅខ្លាំង និងឈឺក្បាលធ្ងន់ធ្ងរ ក៏ដូចជាការឈឺចាប់សាច់ដុំ និងសន្លាក់ជាដើម ហើយមកទល់ពេលនេះ ប្រទេសនៅអាមេរិកខាងត្បូងមួយនេះបានបញ្ជាក់ថា មានជំងឺគ្រុនឈាមជាង ៣.៣ លានករណី និងមានអ្នកស្លាប់ ១,៤៥៧ នាក់ ខណៈតួលេខនេះទៀតសោត គឺលើសពីចំនួនសរុបកាលពីឆ្នាំមុន ហើយជាតួលេខខ្ពស់បំផុត ចាប់តាំងពីឆ្នាំ២០០០ មក ៕