ព័ត៌មានអន្ដរជាតិ
វីដេអូស្ដែងៗ ខ្មាន់កាំភ្លើងបាញ់ប្រហារលើក្បួនរថយន្តរបស់ UN សម្លាប់ឯកអគ្គរដ្ឋទូតអ៊ីតាលី
វីដេអូស្ដែងៗបង្ហាញពីពេលដែលក្បួនរថយន្តរបស់ UN ត្រូវបានវាយប្រហារដោយខ្មាន់កាំភ្លើង ហើយបានសម្លាប់ឯកអគ្គរដ្ឋទូតអ៊ីតាលី និងមនុស្ស ២ នាក់ផ្សេងទៀត ។
គោលបំណងចាប់ជំរិតនេះបានកើតឡើងកាលពីថ្ងៃចន្ទនៅទីក្រុង Goma ខេត្ត North Kivu នៃសាធារណរដ្ឋប្រជាធិបតេយ្យកុងហ្គោ (DRC) លើផ្លូវហាយវ៉េដែលឆ្លងកាត់ព្រៃក្រាស់ និងជួរភ្នំនៅជាប់ព្រំប្រទល់ជាប់ជាមួយប្រទេស រវ៉ាន់ដា ហើយក៏មានមនុស្សស្លាប់ផងដែរដូចជា លោកឯកអគ្គរដ្ឋទូត Luca Attanasio អាយុ ៤៣ ឆ្នាំ លោក Vittorio Iacovacci អាយុ ៣០ ឆ្នាំជាប៉ូលិសយោធាអ៊ីតាលី និងម្នាក់ទៀតជាអ្នកបើកបររបស់ពួកគេជនជាតិកុងហ្គោដែលមិនត្រូវបានគេស្គាល់អត្តសញ្ញាណនោះទេ ។
វីដេអូនេះបានបង្ហាញពីភាពចលាចល ខណៈដែលស្នូរកាំភ្លើងបានផ្ទុះឡើង ហើយមនុស្សម្នានាំគ្នាស្រែកក្បែរឡានដឹកទំនិញតាមផ្លូវ ។
កាលពីថ្ងៃអង្គារក្រុមឧទ្ទាម Rwandan Hutu បានបដិសេធរាល់ការចោទប្រកាន់ដែលថាពួកគេនៅពីក្រោយការវាយឆ្មក់ដែលគេជឿថាជាការចាប់ជំរិតដ៏ឃោរឃៅលើក្បួនរថយន្តកម្មវិធីស្បៀងអាហារពិភពលោក (WFP) របស់អង្គការសហប្រជាជាតិ និងបានស្តីបន្ទោសកងទ័ពរបស់ប្រទេសកុងហ្គោ និងប្រទេស រវ៉ាន់ដា (Rwanda) ។
ខ្សែវីដេអូដែលត្រូវបានចេញផ្សាយនោះបង្ហាញថា យានយន្តបានឈប់នៅលើផ្លូវភក់មួយដែលព័ទ្ធជុំវិញដោយព្រៃរួមទាំងអ្វីដែលមើលទៅដូចជា ម៉ូតូដែលត្រូវបានផ្ដួល និងឡានដឹកទំនិញ ។ ក្រោយមករថយន្តទាំងនោះមិនត្រូវបានបង្ហាញម្តងទៀតទេនៅក្នុងវីដេអូនោះ ហើយគេមិនទាន់ច្បាស់ថាតើរថយន្តណាដែលមានលោក Attanasio និងអ្នករួមដំណើរជាមួយគាត់បានស្ថិតនៅក្នុងហេតុការណ៍នោះទេ ។
សេចក្តីរាយការណ៍បាននិយាយថា លោក Attanasio បានចាកចេញនៅព្រឹកថ្ងៃចន្ទនៅក្នុងក្បួនរថយន្ត WFP ពីរគ្រឿងធ្វើដំណើរឆ្ពោះទៅកាន់ទីក្រុង Kiwanja ក្នុងតំបន់ Rutshuru អមដំណើរដោយអង្គរក្ស និងបុគ្គលិក WFP ។
ក្បួនរថយន្តត្រូវបានពួនស្ទាក់ ៣ គីឡូម៉ែត្រពីគោលដៅរបស់ពួកគេដោយពួកអ្នកវាយប្រហារ ៦ នាក់ប្រដាប់ដោយកាំភ្លើង AK-47 ចំនួន ៥ ដើម និងកាំបិត ។ ពួកគេបានបន្តបាញ់ព្រមានមុនពេលបង្ខំឲ្យមនុស្សនៅក្នុងយានយន្តចេញ និងដើរតាមពួកគេទៅក្នុងឧទ្យាន Virunga បន្ទាប់ពីបានបាញ់ប្រហារទៅលើអ្នកបើកបរម្នាក់ដើម្បីបង្កភាពភិតភ័យ ។
ទន្ទឹមនោះតម្រួតឧទ្យាន និងកងទ័ពនៅក្បែរនោះបានឮសម្លេងស្នូរកាំភ្លើង និងដេញតាមអ្នកវាយប្រហារ ហើយនៅចម្ងាយ ៥០០ ម៉ែត្រពីកន្លែងវាយឆ្មក់ ក្រុមចាប់ជំរិតបានបាញ់សម្លាប់កងអង្គរក្សនៅនឹងកន្លែង ខណៈឯកអគ្គរដ្ឋទូតអ៊ីតាលីត្រូវបានគេចាក់ចំពោះ” ។
ក្រោយមកលោក Attanasio ត្រូវបានបញ្ជូនទៅមន្ទីរពេទ្យក្នុងស្ថានភាពធ្ងន់ធ្ងរ ប៉ុន្តែបានស្លាប់ដោយសាររបួសរបស់គាត់ ខណៈសមាជិកផ្សេងទៀតនៃក្បួនរថយន្តក៏រងរបួសដែរ ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ Daily Mail
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត