ព័ត៌មានអន្ដរជាតិ
រោគសញ្ញាមួយទៀតនៃវីរុសកូវីដ-១៩ ស្ត្រីប្រឈមហានិភ័យនេះខ្ពស់
យោងតាមការស្រាវជ្រាវថ្មីៗនេះ បានរកឃើញថា បន្ទាប់វីរុសកូវីដ-១៩បានចម្លង ជិត១ភាគ៤នៃអ្នកជំងឺនឹងប្រឈមការជ្រុះសក់រយៈពេល ៦ ខែ ក្នុងនោះស្ត្រីមានហានិភ័យខ្ពស់ជាងបុរស។
ក្រុមអ្នកស្រាវជ្រាវដែលសិក្សារោគសញ្ញារយៈពេលវែង នៅទីក្រុងអ៊ូហានប្រទេសចិន បានរកឃើញថា អ្នកជំងឺ ៣៥៩ នាក់ក្នុងចំណោម ១,៦៥៥ នាក់ទទួលរងនឹងការបាត់បង់សក់ពីវីរុសកូវីដ។
ទន្ទឹមគ្នាដែរ ការសិក្សាដែលចេញផ្សាយនៅក្នុងទស្សនាវដ្តីវេជ្ជសាស្ត្រ The Lancet បានរកឃើញថា ការជ្រុះសក់មិនមែនជាអាការៈតែមួយនោះទេ ប៉ុន្តែការអស់កម្លាំង ថប់ដង្ហើម វិលមុខ និងឈឺសន្លាក់ ក៏ជារោគសញ្ញាដំបូងនៃជំងឺកូវីដ១៩ផងដែរ។
ការសិក្សានេះបានធ្វើឡើងចំពោះអ្នកជំងឺដែលចេញពីសម្រាកព្យបាលមន្ទីរពេទ្យ Jin Yin-tan ចន្លោះថ្ងៃទី ៧ ខែមករា ដល់ថ្ងៃទី ២៩ ខែឧសភា ឆ្នាំ ២០២០ ។
ក្រោយសិក្សាប្រមាណ ៦ ខែមក ក្រុមអ្នកស្រាវជ្រាវរកឃើញថា អ្នកជំងឺ ៦៣% មានបញ្ហាអស់កម្លាំងឬខ្សោយសាច់ដុំ ២៦% ជួបបញ្ហាគេងមិនលក់ ២៣% ថប់បារម្ភឬធ្លាក់ទឹកចិត្ត និង ២២% រងនឹងការជ្រុះសក់។ ទិន្នន័យបន្ថែមរកឃើញថា ៧៦% នៃអ្នកជំងឺដែលមានបញ្ហាទាំងនេះគឺជាស្ត្រី។
អ្នកនិពន្ធទស្សនាវដ្តីវេជ្ជសាស្ត្របានឱ្យដឹងថា “នៅ ៦ ខែបន្ទាប់ពីរោគសញ្ញាចាប់ផ្តើមលេចឡើង អ្នកជំងឺភាគច្រើនអស់កម្លាំងឬខ្សោយសាច់ដុំ លំបាកក្នុងការគេង និងថប់បារម្ភឬធ្លាក់ទឹកចិត្ត ដែលនេះជារោគសញ្ញារយៈយូរនៃជំងឺកូវីដ បើទោះបីបានព្យាបាលសះស្បើយក៏ដោយ។”
រីឯនៅក្នុងការស្ទង់មតិ តាមដានរយៈពេល ៣ ខែលើអ្នកជំងឺ ៥៣៨ នាក់ ក្រុមអ្នកស្រាវជ្រាវបានរកឃើញលទ្ធផលស្រដៀងគ្នាថា រាងកាយអ្នកជំងឺនឹងចុះខ្សោយ ឬអស់កម្លាំងខ្លាំងដោយពួកគេដកដង្ហើមញាប់ជាងមុនក្រោយបញ្ចេញកម្លាំងពលកម្ម ហើយអាការៈនេះកើតមានចំពោះស្ត្រីច្រើនជាងបុរស ។ បន្ថែមពីលើនោះ ស្ត្រីក៏ប្រឈមហានិភ័យនៃបញ្ហាផ្លូវចិត្តរយៈពេលវែងជាងបុរស ក្រោយពីឆ្លងវីរុស។
ដោយឡែក នាយកដ្ឋានសុខភាពជាតិរបស់អង់គ្លេស (NHS) បញ្ជាក់ដែរថា ការអស់កម្លាំង ដកដង្ហើមញាប់ និងវិលមុខ ជារោគសញ្ញារយៈវែងនៃអ្នកជំងឺកូវីដ ១៩ ប៉ុន្តែផ្ទុយពីការសិក្សាខាងលើ ការជ្រុះសក់មិនត្រូវបានរាប់បញ្ចូលទេ៕
ប្រែសម្រួល៖ សន្យា
ប្រភព៖ sky news
ចុចអាន៖ អ្នកជំងឺកូវីដអាចបាត់បង់ក្លិននិងរសជាតិរហូតដល់ ៥ ខែ បន្ទាប់ពីការឆ្លងមេរោគ
ចុចអាន៖ ការស្រាវជ្រាវ៖កុមារ១ភាគ៣ដែលឆ្លងកូវីដមិនបង្ហាញរោគសញ្ញាទេ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង