ព័ត៌មានអន្ដរជាតិ
Meta ឆ្លើយតបនឹងម៉ាឡេស៊ី ទាក់ទិនរឿងលុបការបង្ហោះពីជំនួបជាមួយហាម៉ាស
Meta ដែលជាក្រុមហ៊ុនមេរបស់ហ្វេសប៊ុក បានស្ដារឡើងវិញនូវការបង្ហោះព័ត៌មានអំពីជំនួបរវាងនាយករដ្ឋមន្ត្រីម៉ាឡេស៊ី និងមេដឹកនាំក្រុមហាម៉ាស ដែលត្រូវបានលុបចោលកាលពីពេលថ្មីៗកន្លងទៅ។ នេះបើយោងតាមការចេញផ្សាយដោយទីភ្នាក់ងារព័ត៌មាន Reuters នៅថ្ងៃទី១៦ ខែឧសភា។
ក្រោយមានការជជីកសួរពីរដ្ឋាភិបាលម៉ាឡេស៊ី ក្រុមហ៊ុន Meta បានឆ្លើយតបថា ការលុបនូវមាតិកាព័ត៌មានជំនួបរវាងលោក Anwar Ibrahim និងលោក Ismail Haniyeh កាលពីថ្ងៃទី១៣ សប្ដាហ៍នេះ គឺបណ្ដាលមកពីកំហុសបច្ចេកទេស។ “ការបង្ហោះចំនួន២ ត្រូវបានលុប ដោយកំហុសបច្ចេកទេស ហើយឥលូវត្រូវបានស្ដារយកមកវិញហើយ” នេះជាសារដែលអ្នកនាំពាក្យហ្វេសប៊ុកផ្ញើតាមអ៊ីម៉ែលទៅកាន់ទីភ្នាក់ងារព័ត៌មាន Reuters។
ក្រុមហ៊ុន Meta បានបន្ថែមថា ខ្លួនមិនមានបំណងហាមឃាត់ការបញ្ចេញមតិតាមរយៈបណ្ដាញសង្គមរបស់ខ្លួនឡើយ ហើយវាក៏មិនមែនជាការពិតទេ ដែលអះអាងថា ហ្វេសប៊ុកកំពុងរឹងបន្តឹងនូវរាល់មាតិកាណាដែលគាំទ្រប៉ាឡេស្ទីន។
សូមរំឭកថា ក្រោយជំនួបជាមួយមេដឹកនាំក្រុមសកម្មប្រយុទ្ធប៉ាឡេស្ទីនរួច លោកនាយករដ្ឋមន្ត្រីម៉ាឡេស៊ី បានថ្លែងថា លោកមានទំនាក់ទំនងល្អជាមួយលោក Ismail Haniyeh តែមិនជាប់ទាក់ទិននឹងរឿងដោះដូរឧបករណ៍យោធាអ្វីឡើយ។ យ៉ាងណាមិញ ការបង្ហោះព័ត៌មានអំពីជំនួបនេះ ត្រូវបានក្រុមហ៊ុនហ្វេសប៊ុកធ្វើការលុបចោល។ កត្តានេះហើយបានបង្កជាការមិនពេញចិត្តជាខ្លាំងសម្រាប់រដ្ឋាភិបាលម៉ាឡេស៊ី ហើយពួកគេបានគំរាមចាត់វិធានតឹងរ៉ឹងប្រឆាំងនឹងក្រុមហ៊ុន Meta ដែលតែងតែលុបចោលនូវមាតិកាណាដែលបង្ហាញការគាំទ្រប៉ាឡេស្ទីន។
គួរបញ្ជាក់ថា ម៉ាឡេស៊ី គឺជាប្រទេសដែលសម្បូរទៅជនជាតិមូស្លីមភាគច្រើន ហើយក៏ជាអ្នកបញ្ចេញសម្លេងគាំទ្រចំពោះប៉ាឡេស្ទីនផងដែរ។ ជាងនេះទៅទៀត ម៉ាឡេស៊ីក៏ធ្លាប់បានបង្ហាញការគាំទ្រចំពោះដំណោះស្រាយរដ្ឋ២ ដែលជាមធ្យោបាយស្វែងរកសន្តិភាពបិទបញ្ចប់ជម្លោះរវាងអ៊ីស្រាអែល និងប៉ាឡេស្ទីន៕
ដោយ៖ ឈាង
អានបន្ថែម៖ ម៉ាឡេស៊ី សួរនាំ Meta ចង់ដឹងមូលហេតុអ្វីបានលុបការបង្ហោះពីជំនួបជាមួយមេដឹកនាំហាម៉ាស
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ