Connect with us

ព័ត៌មានអន្ដរជាតិ

ក្រុមប្រឆាំង និងគាំទ្ររដ្ឋប្រហារមីយ៉ាន់ម៉ា ប៉ះទង្គិចគ្នាមួយប្រាវ ខណៈការតវ៉ាកាន់តែខ្លាំងឡើង

បានផុស

នៅ

ក្រុមអ្នកគាំទ្រ និងក្រុមប្រឆាំងយោធាមីយ៉ាន់ម៉ាបានប៉ះទង្គិចគ្នានៅតាមដងផ្លូវនៃទីក្រុងយ៉ាំងហ្គោននៅថ្ងៃព្រហស្បតិ៍នេះ នៅពេលដែលអាជ្ញាធរបានរារាំងសិស្សនិស្សិតមិនឲ្យចាកចេញពីបរិវេណសាលារបស់ពួកគេដើម្បីដើរក្បួន ពោលមួយថ្ងៃបន្ទាប់ពីការតែងតាំងការទូតលើកដំបូងក្នុងគោលបំណងដោះស្រាយវិបត្តិនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសនេះស្ថិតក្នុងភាពច្របូកច្របល់ចាប់តាំងពីកងទ័ពបានកាន់កាប់អំណាចនៅថ្ងៃទី ១ ខែកុម្ភៈ និងបានឃុំខ្លួនមេដឹកនាំរដ្ឋាភិបាលស៊ីវិលលោកស្រី អ៊ុងសាន ស៊ូជី និងមេដឹកនាំគណបក្សជាច្រើន បន្ទាប់ពីយោធាបានតវ៉ាពីការក្លែងបន្លំសន្លឹកឆ្នោតនៅក្នុងការបោះឆ្នោតខែវិច្ឆិកា ។

មានការតវ៉ា និងកុបកម្មប្រឆាំងការធ្វើរដ្ឋប្រហារយោធាប្រចាំថ្ងៃប្រមាណ ៣ សប្តាហ៍មកហើយ ហើយសិស្សនិស្សិតបានសន្យាថានឹងចេញដើរក្បួនម្តងទៀតនៅក្នុងមជ្ឈមណ្ឌលពាណិជ្ជកម្មនៃទីក្រុងយ៉ាំងហ្គោននៅថ្ងៃព្រហស្បតិ៍នេះ ។

ក្នុងពេលជាមួយគ្នានេះដែរអ្នកគាំទ្រយោធាប្រហែល ១,០០០ នាក់ក៏បានចេញមកប្រមូលផ្តុំគ្នានៅកណ្តាលទីក្រុងយ៉ាំងហ្គោនផងដែរ ។

ពួកគេមួយចំនួនបានគំរាមអ្នកថតរូប អ្នកសារព័ត៌មាន ហើយការវាយតប់គ្នាបានផ្ទុះឡើងរវាងក្រុមបាតុករគាំទ្រនិងប្រឆាំងនឹងយោធា ។ ក្រោយមកអ្នកគាំទ្រយោធាបានគប់ដុំថ្ម និងបាញ់ចំពាមកៅស៊ូ ។

ការប្រឈមមុខដាក់គ្នានេះបានបញ្ជាក់ពីភាពមិនចុះសម្រុងនៅក្នុងប្រទេសមួយដែលរងគ្រោះយ៉ាងខ្លាំងដោយការតវ៉ា និងយុទ្ធនាការស៊ីវិលនៃកុបកម្មប្រឆាំងនឹងយោធា ខណៈអ្នកជំនាញ និងបុគ្គលិករដ្ឋាភិបាលជាច្រើនក៏បានចូលរួមផងដែរ ។

ទន្ទឹមនោះក្រុមគ្រូពេទ្យក៏គ្រោងនឹងធ្វើការតវ៉ានៅថ្ងៃព្រហស្បតិ៍នេះដែលជាផ្នែកមួយនៃបដិវត្តអាវស ។

ចំណែកមេបញ្ជាការយោធាលោកឧត្តមសេនីយ៍ Min Aung Hlaing និយាយថា អាជ្ញាធរកំពុងដើរតាមមាគ៌ាប្រជាធិបតេយ្យក្នុងការដោះស្រាយការតវ៉ា ហើយប៉ូលិសកំពុងប្រើកម្លាំងតិចតួចប៉ុណ្ណោះដូចជាការប្រើគ្រាប់កាំភ្លើងជ័រ ។

យ៉ាងណាក៏ដោយក្រុមបាតុករ ៣ នាក់ និងប៉ូលិសម្នាក់ត្រូវបានសម្លាប់នៅក្នុងអំពើហិង្សា និងបាតុកម្មនេះ ។ ក្រុមសិទិ្ធមនុស្សបាននិយាយថា គិតត្រឹមថ្ងៃពុធមនុស្ស ៧២៨ នាក់ត្រូវបានចាប់ខ្លួនដោយចោទប្រកាន់ ឬកាត់ទោសទាក់ទងនឹងការតវ៉ាគាំទ្រលទ្ធិប្រជាធិបតេយ្យ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ ប្រមុខ UN ជំរុញរបបយោធាមីយ៉ាន់ម៉ា គោរពឆន្ទៈប្រជាជន

ចុចអាន ៖ រដ្ឋមន្ត្រីមីយ៉ាន់ម៉ា ទៅដល់ថៃ រកវិធីគេចចេញពីវិបត្តិក្រោយរដ្ឋប្រហារ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម