ព័ត៌មានអន្ដរជាតិ
ជំនួយជាង ៥០០តោន ដឹកតាមផែបណ្ដែតទឹកអាមេរិក ចូលទៅកាន់តំបន់ហ្គាហ្សា
ទីបញ្ជាការកណ្ដាលអាមេរិក បានប្រកាសនៅថ្ងៃទី២១ ខែឧសភានេះថា ជំនួយមនុស្សធម៌ច្រើនជាង ៥៦៩តោន ត្រូវបានបញ្ជូនតាមរយៈផែ និងផ្លូវបណ្ដែតទឹកចូលក្នុងតំបន់ហ្គាហ្សា ប៉ុន្តែជំនួយទាំងនោះមានខ្លះមិនអាចយកចូលដល់ឃ្លាំងស្តុកទុកបាននោះឡើយ។
ការដឹកជញ្ជូនជំនួយតាមរយៈផែបណ្ដែតទឹកអាមេរិក ធ្វើឡើងតាំងតែពីថ្ងៃទី១៧មកម៉្លេះ ដើម្បីផ្គត់ផ្គង់បន្ថែមទៀតចូលទៅក្នុងតំបន់ឆ្នេរសមុទ្រដែលត្រូវបានឡោមព័ទ្ធ ខណៈដែលផ្លូវគោកសម្រាប់ដឹកជំនួយមនុស្សធម៌ចំនួន ២ ដែលស្ថិតនៅតំបន់ Kerem Shalom និងក្រុង Rafah ត្រូវបានបិទ។
អង្គការសហប្រជាជាតិ បាននិយាយថា ជំនួយជាអាហារចំនួន ១០រថយន្ត ត្រូវបានបញ្ជូនពីទីតាំងផែបណ្ដែតទឹក ហើយបានដឹកចូលក្នុងឃ្លាំងស្តុកទុករបស់ UN បានជោគជ័យ ដែលមានទីតាំងស្ថិតនៅទីក្រុង Deir El Balah នៃតំបន់ហ្គាហ្សា។ ប៉ុន្តែនៅថ្ងៃទី១៨ មានតែរថយន្តជំនួយ៥គ្រឿងប៉ុណ្ណោះ ដែលអាចដឹកចូលឃ្លាំង ក្រោយពី១១គ្រឿងផ្សេងទៀតត្រូវបានកាក់ទុកជាប់ដោយក្រុមប៉ាឡេស្ទីន។ ដោយឡែក នៅថ្ងៃទី១៩ និងថ្ងៃទី២០ UN នៅហ្គាហ្សា មិនទទួលបានជំនួយទាល់តែសោះ។
សូមរំឭកថា យោធាអាមេរិក បានចាប់ផ្ដើមដំឡើងផ្លូវ និងផែបណ្ដែតទឹក កាលពីយប់ថ្ងៃទី១៥ ខែឧសភា ក្នុងគោលបំណងដឹកជញ្ជូនជំនួយមនុស្សធម៌ចូលទៅឲ្យប្រជាពលរដ្ឋរស់នៅតំបន់ហ្គាហ្សា។ ការដំឡើងនេះ ចំំណាយពេល ៤៨ម៉ោង ដែលសង់ចេញពីកំពង់ផែ Ashdod របស់អ៊ីស្រាអែល មានចម្ងាយប្រមាណ ២៤គីឡូម៉ែត្រពីភាគខាងជើងតំបន់ហ្គាហ្សា។ ក្រសួងការពារជាតិអាមេរិក បានឲ្យដឹងថា ក្នុងជំហានដំបូង ផ្លូវទឹកថ្មីនេះ នឹងអនុញ្ញាតឲ្យមានឡានដឹកជំនួយប្រហែល ៩០គ្រឿងក្នុង១ថ្ងៃ ហើយតួលេខនេះ នឹងកើនដល់ប្រមាណ ១៥០គ្រឿងក្នុង១ថ្ងៃ នៅពេលផែ និងផ្លូវបណ្ដែតទឹកត្រូវបានដំឡើងរួចរាល់ជាស្ថាពរ។ មន្ត្រីមន្ទីរបញ្ចកោណ បានប៉ាន់ស្មានថា ការសង់ផែ និងផ្លូវបណ្ដែតទឹក ក្នុងគោលបំណងដឹកអាហារ និងជំនួយផ្សេងៗទៅហ្គាហ្សា នឹងចំណាយអស់ថវិកាប្រហែល ៣២០លានដុល្លារ៕
ដោយ៖ ឈាង
អានបន្ថែម៖ អាមេរិក ដំឡើងផែបណ្ដែតទឹក ដឹកជំនួយចូលតំបន់ហ្គាហ្សា
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១៥ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ