ព័ត៌មានអន្ដរជាតិ
UN ប៉ាន់ស្មានថា មនុស្សស្លាប់ ដោយសារបាក់ដីសង្កត់នៅ ប៉ាពូអាស៊ីនូវែលហ្គីណេ ឈានដល់ជាង ៦៧០នាក់ឯណោះ
តាមសេចក្តីរាយការណ៍របស់ Al Jazeera កាលពីថ្ងៃអាទិត្យទី២៦ខែឧសភា អង្គការចំណាកស្រុកអន្តរជាតិ បានចេញការប៉ាន់ស្មានរបស់ខ្លួនអំពីចំនួនមនុស្សស្លាប់ ដោយសារការបាក់ដីដ៏ធំនៅប្រទេសប៉ាពូអាស៊ីនូវែលហ្គីណេ ពោលគឺដំឡើងតួលេខដល់ទៅជាង ៦៧០នាក់ឯណោះ។
លោក Serhan Aktoprak ប្រធានបេសកកម្មរបស់ទីភ្នាក់ងារអង្គការសហប្រជាជាតិប្រចាំប្រទេសដែនកោះប៉ាស៊ីហ្វិកខាងត្បូងមួយនេះ បាននិយាយថា តួលេខមនុស្សស្លាប់ដែលត្រូវបានកែសម្រួលនេះ គឺផ្អែកលើការគណនាដោយមន្ត្រីភូមិ Yambali និងខេត្ត Enga ព្រោះថា មានផ្ទះជាង១៥០ខ្នងឯណោះ ត្រូវបានដីបាក់សង្កត់កាលពីថ្ងៃសុក្រសប្តាហ៍មុន ខុសពីការសន្និដ្ឋានដំបូងដែលថា មានផ្ទះត្រឹម៦០ខ្នង។
លោកបន្ថែមថា “ស្ថានភាពគឺយ៉ាប់យ៉ឺន ព្រោះដីនៅតែបន្តបាក់ ខណៈទឹកកំពុងហូរខ្លាំង ហើយកត្តាទាំងប៉ុន្មាននេះ កំពុងបង្កើតហានិភ័យដ៏ធំសម្រាប់គ្រប់គ្នាតែម្តង”។
ស្របពេលជាមួយគ្នានោះដែរ តាមការបញ្ជាក់ពីអង្គការ CARE Australia, ប្រតិបត្តិការជួយសង្គ្រោះត្រូវជួបឧបសគ្គព្រោះថាផ្លូវធំ ដែលតភ្ជាប់ទៅតំបន់រងគ្រោះ គឺត្រូវកាត់ផ្តាច់ដោយសារបំណាក់ដី ដូច្នេះមានមធ្យោបាយតែមួយគត់ដើម្បីចូលទៅទីនោះបាន នោះគឺប្រើឧទ្ធម្ភាគចក្រ។
ម្យ៉ាងវិញទៀត គ្រឿងចក្រធុនធ្ងន់ដើម្បីជីកដីនិងរើកម្ទេចកម្ទី មិនទាន់បញ្ជូនទៅដល់ឡើយ ដូចនេះ ក្រុមការងារនៅទីនោះ ត្រូវបង្ខំចិត្តប្រើចបឬប៉ែល និងដៃទទេ ដើម្បីជីកកកាយយកបំណែកបាក់បែកចេញ។
សូមបញ្ជាក់ជាថ្មី គ្រោះធម្មជាតិដ៏សាហាវនេះ កើតឡើងនៅម៉ោង៣ព្រឹកថ្ងៃសុក្រទី២៤ខែឧសភា ក្នុងភូមិដាច់ស្រយាល Kaokalam នៃខេត្ត Enga ចម្ងាយប្រហែល ៦០០គីឡូម៉ែត្រពីរដ្ឋធានី ព័រម៉ូរេសប៊ី។
តាមសេចក្តីរាយការណ៍របស់ Reuters បំណាក់ដីបានបំផ្លាញផ្ទះជាង ១ ១៨២ខ្នង និងសង្កត់ផ្ទះជាង១៤០ខ្នងទៀត ហើយថ្វីបើមានសេចក្តីរាយការណ៍អំពីមនុស្សរាប់រយនាក់ បាត់បង់ជីវិតក៏ដោយ ប៉ុន្តែបច្ចុប្បន្ន គេទើបរកឃើញសាកសពត្រឹម ៥-៦នាក់ប៉ុណ្ណោះ៕
អត្ថបទ៖ សុខ សុវណ្ណ
ចុចអាន៖ បាក់ដីដ៏សាហាវ កម្ទេចផ្ទះ ១ ១៨២ខ្នង, កប់មនុស្សជាង ៣០០នាក់ នៅ ប៉ាពូអាស៊ីនូវែលហ្គីណេ
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ២ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ១២ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានជាតិ៦ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ