ព័ត៌មានអន្ដរជាតិ
បង់ក្លាដែស ជម្លៀសមនុស្ស ៨០ ម៉ឺននាក់ ខណៈព្យុះស៊ីក្លូនខិតជិតមកដល់
ប្រទេសបង់ក្លាដែសបាននិងកំពុងប្រញាប់ប្រញាល់ជម្លៀសមនុស្សជិត ៨០០,០០០ នាក់ចេញពីតំបន់ងាយរងគ្រោះ ខណៈដែលប្រទេសនេះ និងប្រទេសឥណ្ឌានឹងទទួលរងព្យុះស៊ីក្លូនដ៏ខ្លាំងក្លានៅឈូងសមុទ្រ Bengal ក្នុងពេលឆាប់ៗនេះ ។ នេះបើយោងតាមការចេញផ្សាយរបស់ទីភ្នាក់ងារព័ត៌មាន AP នៅថ្ងៃទី២៧ ខែឧសភានេះ ។
![](https://www.kampucheathmey.com/wp-content/uploads/2024/05/Bangladesh-evacuates-hundreds-of-thousands-as-a-severe-cyclone-approaches-from-the-Bay-of-Bengal-scaled-e1716748411783-1.webp)
ព្យុះនេះរំពឹងថានឹងបោកបក់ឆ្លងកាត់ឆ្នេរបង់ក្លាដែស និងតំបន់ឈូងសមុទ្រ Bengal ភាគខាងលិចរបស់ឥណ្ឌា ខណៈក្រសួងឧតុនិយមរបស់ប្រទេសឥណ្ឌាបានឲ្យដឹងថា ព្យុះនេះមានល្បឿនខ្យល់អតិបរមារហូតដល់ ១២០ គីឡូម៉ែត្រក្នុងមួយម៉ោងដែលនឹងវាយប្រហារកោះ Sagar នៅឈូងសមុទ្រ Bengal និងតំបន់ Khepupara នៅប្រទេសបង់ក្លាដែស ។
ដើម្បីគ្រប់គ្រងគ្រោះមហន្តរាយ រដ្ឋាភិបាលបង់ក្លាដែសបានបញ្ជូនអ្នកស្ម័គ្រចិត្តដើម្បីជម្លៀសមនុស្សទៅកាន់ទីជម្រកចំនួន ៤,០០០ កន្លែងនៅទូទាំងតំបន់ឆ្នេររបស់ប្រទេសនេះ រួមទាំងប្រកាសបិទសាលារៀន និងអាកាសយានដ្ឋាននៅក្នុងតំបន់ក្នុងទីក្រុង Chattogram ភាគអាគ្នេយ៍ ហើយថែមទាំងបានលុបចោលជើងហោះហើរក្នុងស្រុកទាំងអស់ទាំងទៅ និងមកពីតំបន់ Cox’s Bazar រហូតដល់មានការជូនដំណឹងបន្ថែម ។
គួរបញ្ជាក់ថា នេះជាព្យុះស៊ីក្លូនដំបូងគេនៅឈូងសមុទ្រ Bengal នៅមុនរដូវខ្យល់មូសុងឆ្នាំនេះ ដែលចាប់ពីពីខែមិថុនាដល់ខែកញ្ញា ។ ឥទ្ធិពលរបស់ខ្យល់ព្យុះនេះអាចបក់ប៉ើងដើមឈើ និងបង្កការខូចខាតយ៉ាងធ្ងន់ធ្ងរដល់ផ្ទះឈើ និងបណ្តាញអគ្គិសនី រួមទាំងបណ្តាញទំនាក់ទំនងផងដែរ ខណៈឆ្នេរសមុទ្រនៃប្រទេសឥណ្ឌា និងបង់ក្លាដែសជារឿយៗរងការវាយប្រហារដោយព្យុះស៊ីក្លូន ៕
![](https://www.kampucheathmey.com/wp-content/uploads/2024/05/5ZPXZBYJPFE5SIORJW5OB2FXJA-scaled.jpg)
អត្ថបទ៖ ប៊ុន សុភាព
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៧ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១៩ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ៧ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ