Connect with us

ព័ត៌មានអន្ដរជាតិ

លោក Blinken ថា អាវុធ អាមេរិក កំពុងជួយស្ដារមុខមាត់សមរភូមិប្រយុទ្ធ​របស់ អ៊ុយក្រែន

បានផុស

នៅ

អាវុធរបស់សហរដ្ឋអាមេរិកដែលដឹកទៅឲ្យរដ្ឋាភិបាលលទីក្រុងកៀវកំពុងជួយស្ដារមុខមាត់ស្ថានភាពសមរភូមិជួរមុខរបស់អ៊ុយក្រែន ចំពេលដែលប្រទេសមួយនេះកាន់តែត្រដាបត្រដួសពីការវាយសន្ធាប់ពីកងកម្លាំងរុស្ស៊ី ។ នេះបើយោងតាមការលើកឡើងរបស់លោករដ្ឋមន្ត្រីការបរទេសអាមេរិក Antony Blinken និងចេញផ្សាយដោយទីភ្នាក់ងារព័ត៌មាន Reuters កាលពីថ្ងៃទី២៩ ខែឧសភាកន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងចេញពីរដ្ឋធានី Chisinau ក្នុងជំនួបជាមួយលោកស្រីប្រធានាធិបតីម៉ុលដាវី Maia Sandu កាលពីថ្ងៃពុធ, លោក Blinken បានលើកឡើងថា “បច្ចុប្បន្នការផ្គត់ផ្គង់សព្វាវុធរបស់សហរដ្ឋអាមេរិកកំពុងមានឥទ្ធិពលលើសមរភូមិពិតប្រាកដ ហើយប្រធានាធិបតីរុស្ស៊ី Vladimir Putin មិនអាចសម្រេចបានគោលដៅតាមចិត្តចង់នៅក្នុងតំបន់ Kharkiv ភាគឦសានប្រទេសអ៊ុយក្រែននោះទេ” ។

លោករដ្ឋមន្ត្រីបានបញ្ជាក់ទៀតថា “ទោះយ៉ាងណា អាមេរិកមិនលើកទឹកចិត្ត ឬអនុញ្ញាតឲ្យអ៊ុយក្រែនប្រើប្រាស់អាវុធរបស់រដ្ឋាភិបាលទីក្រុងវ៉ាស៊ីនតោនសម្រាប់ការវាយប្រហារដោយផ្ទាល់ទៅលើប្រទេសរុស្ស៊ីនោះទេ ប៉ុន្តែអាមេរិកនៅតែរក្សាជំហរជាខ្នងបង្អែករបស់អ៊ុយក្រែនដដែល” ។

ទន្ទឹមនោះ អ្នកនាំពាក្យក្រុមប្រឹក្សាសន្តិសុខជាតិរបស់សេតវិមានលោក John Kirby ក៏បានប្រាប់អ្នកយកព័ត៌មាននៅទីក្រុងវ៉ាស៊ីនតោនផងដែរថា “កិច្ចគាំទ្ររបស់សហរដ្ឋអាមេរិកសម្រាប់អ៊ុយក្រែនបានវិវត្តន៍ទៅតាមស្ថានការណ៍លើសមរភូមិប្រយុទ្ធ ហើយរដ្ឋបាលលោក Biden ក៏នឹងមិនផ្លាស់ប្ដូរគោលនយោបាយរបស់ខ្លួននោះដែរ” ។

ពាក់ព័ន្ធនឹងបញ្ហានេះដែរ លោក Putin ក៏បានចេញការព្រមានពីការគំរាមកំហែងនៃជម្លោះជាសកលបន្ថែមទៀតផងដែរ ប្រសិនបើសម្ព័ន្ធមិត្តលោកខាងលិចរបស់អ៊ុយក្រែនហ៊ានបើកភ្លើងខៀវអនុញ្ញាតឲ្យរដ្ឋាភិបាលទីក្រុងកៀវប្រើប្រាស់អាវុធដែលពួកគេបានផ្ដល់ទៅឲ្យអ៊ុយក្រែនដើម្បីបើកការវាយប្រហារមកកាន់ប្រទេសរុស្ស៊ីមែននោះ ។

ប្រធានាធិបតីរុស្ស៊ីរូបនេះបានអះអាងម្ដងជាពីរម្ដងហើយថា រាល់ការដឹកអាវុធបន្ថែមទៀតក្នុងកម្រិតណាមួយក៏ដោយទៅកាន់អ៊ុយក្រែន គឺនឹងមិនអាចប្ដូរស្ថានការណ៍ប្រយុទ្ធនៅសមរភូមិជួរមុខនោះទេ ប៉ុន្តែវាគឺកាន់តែអូសបន្លាយពេលជម្លោះមួយនេះប៉ុណ្ណោះ ហើយជាក់ស្ដែងភ្លើងសង្គ្រាមរវាងរុស្ស៊ី និងអ៊ុយក្រែនបានចាយពេលជាង ២ ឆ្នាំទៅហើយ ។

គួរបញ្ជាក់ថា សហរដ្ឋអាមេរិក គឺជាបងធំមួយរូបដែលផ្គត់ផ្គង់សព្វាវុធដ៏ច្រើនសន្ធឹកសន្ធាប់ទៅឲ្យរដ្ឋាភិបាលទីក្រុងកៀវ ហើយថ្មីនេះលោក Biden ក៏ទើបតែចុះហត្ថលេខាអនុម័តកញ្ចប់ជំនួយយោធាថ្មីចំនួន ៦១ ពាន់លានដុល្លារ ក្រោយជាប់គាំងនៅក្នុងសភាអស់រយៈពេលជាច្រើនខែ ហើយនេះក៏ជាកញ្ចប់ជំនួយសន្តិសុខទី ៥ ផងដែរដែលប្រធានាធិបតីអាមេរិករូបនេះស៊ីញ៉េអនុម័តផ្ដល់ទៅឲ្យអ៊ុយក្រែន ៕

ដោយ ៖ សុខ ជីវ័ន្ត

ចុចអាន ៖ អ្នកសារព័ត៌មាន អាមេរិក ថា លោក Biden ចង់បន្តសង្គ្រាមជាមួយ រុស្ស៊ី ដើម្បីទាញប្រជាប្រិយភាព មុនការបោះឆ្នោត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១៥ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ២០ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ១៩ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

សេចក្ដីជូនដំណឹង១៧ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

វប្បធម៌ ជំនឿ២២ ម៉ោង មុន

សាស្ត្រាចារ្យ ព្រឿង ឈៀង៖ ចាស់កុំមាក់ងាយក្មេង ឯក្មេងកុំបោះបង់ចោលចាស់

Sokha Hotels

ព័ត៌មានពេញនិយម