Connect with us

ព័ត៌មានអន្ដរជាតិ

អ៊ីស្រាអែល ប្រកាសទម្លាក់គ្រាប់បែកនៅហ្គាហ្សាដល់ឆ្នាំ ២០២៥ មិនខ្វល់ពាក្យរិះគន់

បានផុស

នៅ

លោក Tzachi Hanegbi ដែលជាទីប្រឹក្សាសន្តិសុខជាតិរបស់លោកនាយករដ្ឋមន្ត្រី Benjamin Netanyahu បានប្រាប់សារព័ត៌មាន Times of Israel ថា រដ្ឋាភិបាលទីក្រុងហ្ស៊េរុយសាឡិម នឹងបន្តទម្លាក់គ្រាប់បែកលើតំបន់ហ្គាហ្សា រហូតដល់ឆ្នាំ២០២៥ ហើយសង្គ្រាមនឹងអូសបន្លាយពេល យ៉ាងតិចក៏៧ខែទៀតដែរ មិនខ្វល់ការរិះគន់ពីមជ្ឈដ្ឋានអន្តរជាតិឡើយ។

(រូបថត៖ Flash 90)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានោះ លោកបញ្ជាក់ថា “បច្ចុប្បន្ន កងទ័ពអ៊ីស្រាអែល បានគ្រប់គ្រងដែនដី Philadelphi Route ជាប់ព្រំដែនអេហ្ស៊ីបបានចំនួន៧៥%ហើយ ហើយពេលដ៏ខ្លីខាងមុខ អ៊ីស្រាអែលនឹងគ្រប់គ្រងទីនោះទាំងស្រុងតែម្តង ព្រោះខ្លួនត្រូវទប់ស្កាត់លំហូរអាវុធដែលរត់ពន្ធចេញពីអេហ្ស៊ីប ចូលហ្គាហ្សា។

រឿងនេះកើតឡើងស្របពេលអន្តរជាតិ កំពុងថ្កោលទោសអ៊ីស្រាអែលយ៉ាងចាស់ដៃ ចំពោះការទម្លាក់គ្រាប់បែកដ៏សាហាវឃោរឃៅលើជំរំជនភៀសខ្លួននៅទីក្រុង Rafah ដែលផ្តាច់ជីវិតជនស្លូតត្រង់រាប់សិបនាក់។

(រូបថត៖ Anadolu)

អ៊ីស្រាអែល បានប្រកាសម្តងហើយម្តងទៀតថា ខ្លួនត្រូវតែវាយយកទីក្រុង Rafah ឲ្យខាងតែបាន ដើម្បីសម្រេចជ័យជម្នះក្នុងសង្គ្រាម ដែលឆាបឆេះឡើងនៅពេលក្រុមហាម៉ាស វាយប្រហារឆ្លងដែនកាលពីថ្ងៃទី៧ខែតុលាឆ្នាំ២០២៣ សម្លាប់មនុស្សប្រហែល ១ ២០០នាក់ និង២៥២នាក់ទៀតត្រូវបានចាប់ធ្វើជាចំណាប់ខ្មាំង។

ដោយឡែកតាមការបញ្ជាក់ពីក្រសួងសុខាភិបាលហ្គាហ្សា មនុស្សយ៉ាងតិច ៣៦ ១៧០នាក់ ត្រូវបានសម្លាប់ចាប់តាំងពីអ៊ីស្រាអែល បើកការសងសឹកមក៕

អត្ថបទ៖ សុខ សុវណ្ណ

ចុចអាន៖ អាមេរិក ចេញមុខការពារអ៊ីស្រាអែលថា ការវាយប្រហារនៅ Rafah មិនទាន់ឆ្លងផុត បន្ទាត់ក្រហមទេ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១ ម៉ោង មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ២ ម៉ោង មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ៣ ម៉ោង មុន

ប័ណ្ណ​សម្គាល់​ជលយាន​ចំនួន​៩៨​ប័ណ្ណ ត្រូវ​បាន​ប្រគល់​ជូន​ព​ល​រដ្ឋ​ស្រុក​កោះកុង

ព័ត៌មានអន្ដរជាតិ៣ ម៉ោង មុន

​ភាព​តាន​តឹង​លើ​បញ្ហា​ដំឡើង​ពន្ធ​របស់​អឺរ៉ុប​ បង្ក​កង្វល់​​​នៃ​ «សង្រ្គាម​ពាណិជ្ជកម្ម​អឺរ៉ុប​-ចិន​»

ព័ត៌មានជាតិ៣ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

ព័ត៌មានជាតិ៧ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៥ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៩ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានអន្ដរជាតិ១១ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

ព័ត៌មានជាតិ៦ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម