Connect with us

ព័ត៌មានអន្ដរជាតិ

តៃវ៉ាន់​ ប្រុងខ្លួន ក្រោយនាវាមុជទឹកនុយក្លេអ៊ែរចិន ចូលកៀក

បានផុស

នៅ

អ្នកនេសាទតៃវ៉ាន់ បានប្រទះឃើញនាវាមុជទឹកនុយក្លេអ៊ែររបស់ចិន លេចវត្តមាននៅខ្សែបន្ទាត់កណ្តាលជិតឆ្នេររបស់ខ្លួន ហើយថែមទាំងថតរូបទុកទៀតផង ជាហេតុធ្វើឲ្យកងកម្លាំងស្វ័យការពារទីក្រុងតៃប៉ិ ប្រុងខ្លួន និងតាមដានស្ថានការណ៍យ៉ាងយកចិត្តទុកដាក់ជាទីបំផុត។

នាវាមុជទឹកចិន (រូបថត៖ Liberty Times)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបថតប៉ុន្មានសន្លឹក ដែលបង្ហោះដោយប្រព័ន្ធផ្សព្វផ្សាយតៃវ៉ាន់ បានបង្ហាញឲ្យឃើញនូវនាវាមុជទឹកនុយក្លេអ៊ែរថ្នាក់ Type-094 របស់កងទ័ពជើងទឹកចិន ដែលកំពុងងើបពីទឹកបណ្តែតខ្លួន នៅក្បែរខ្សែបន្ទាត់កណ្តាល ដែលពុះចែកច្រកសមុទ្រតៃវ៉ាន់។

កាសែត Liberty Times បានដកស្រង់សម្តីអ្នកនេសាទម្នាក់ដែលនិយាយថា នាវាមុជទឹកស្រាប់តែងើបក្បាលឡើងមកបណ្តែតខ្លួន ហើយក៏មាននាវា​កងទ័ព​ជើង​ទឹក​ចិនមួយគ្រឿងនៅផ្ទៃខាងលើ ​បាន​ចូល​ទៅ​ជិត រួចនាវាទាំងពីរក៏បែរក្បាល ឆ្ពោះដំណើរទៅចិនដីគោកវិញ។

(រូបថត៖ អ្នកនេសាទ)

ទោះបីជាយ៉ាងណាក៏ដោយ នាវាមុជទឹកនុយក្លេអ៊ែរនេះត្រូវបានគេសន្មត់ថា មានបញ្ហាបច្ចេកទេស ព្រោះវាមិនជ្រមុជទឹក តែបែរជាងើបឡើងបណ្តែតខ្លួនទៅវិញ។

ពាក់ព័ន្ធបញ្ហានេះ មេដឹកនាំអង្គភាពការពារជាតិតៃវ៉ាន់ លោក Co Lap Hung ប្រកាសថា កងកម្លាំងខ្លួនកំពុងពិនិត្យនិងតាមដានស្ថានការណ៍យ៉ាងដិតដល់ ប៉ុន្តែមិនផ្តល់ព័ត៌មានលម្អិតបន្ថែមនោះទេ ខណៈក្រសួងការពារជាតិចិន ក៏មិនធ្វើអត្ថាធិប្បាយលើរឿងនេះដែរ។

(រូបថត៖ Rappler)

សូមបញ្ជាក់ថា ច្រក​សមុទ្រ​តៃវ៉ាន់ គឺជា​ទីតាំង​ដ៏គ្រោះថ្នាក់ផ្នែកភូមិសាស្រ្តសម្រាប់ការធ្វើដំណើររបស់​នាវា​មុជ​ទឹក។ រាល់ដង នៅពេលធ្វើដំណើរពីភាគខាងត្បូងទៅខាងជើង នាវាមុជទឹកចិន មិនឆ្លងកាត់ទីនេះទេ ពោលគឺត្រូវឆ្លងកាត់ច្រកសមុទ្រ Bashi និង Miyako វិញ។

ដូច្នេះហើយទើបគេសន្និដ្ឋានថា វត្តមាននាវាមុជទឹកនុយក្លេអ៊ែរថ្នាក់ Type-094 នាពេលនេះ គឺមិនមែនជារឿងធម្មតាឡើយ ជាពិសេសគឺការបង្ហាញវត្តមាននៅទីតាំងដែលក៏មានសហរដ្ឋអាមេរិក តាមឃ្លាំមើលផងដែរ៕

អត្ថបទ៖ សុខ សុវណ្ណ

ចុចអាន៖ លោក ស៊ី ជីនពីង ថា អាមេរិក​ចង់​ឲ្យ​ចិន​វាយ​ប្រហារ​តៃវ៉ាន់

Helistar Cambodia - Helicopter Charter Services
Sokimex Investment Group
សន្តិសុខសង្គម២ ម៉ោង មុន

បញ្ជូន​ជន​សង្ស័យ​​១២នាក់​ទៅ​តុលាការ ករណី​លួច​ផលិត​ចែកចាយ​វិដេអូ​អាសអាភាស​តាម​វេបសាយ

សេចក្ដីជូនដំណឹង៣ ម៉ោង មុន

សេចក្តីជូនដំណឹង ស្តីពីការ​អញ្ជើញ​ចូលរួមពិគ្រោះ​ថ្លៃការងារ​ជួសជុលរោងចត​ឡានទំហំ​៥,៥មx២៦ម និងការ​ងារ​ជួសជុលបន្ទប់ទឹកទំហំ៤មx៦ម មាន២ជាន់ ជូន​មន្ទីរអភិវឌ្ឍន៍ជនបទ ខេត្តព្រះសីហនុ

សេដ្ឋកិច្ច៣ ម៉ោង មុន

ឯកអគ្គរដ្ឋទូតបារាំងសន្យាជំរុញការវិនិយោគមកម្ពុជា

ជីវិតកម្សាន្ដ៤ ម៉ោង មុន

ពេជ្រ សូលីកា ក្តុកក្តួលរំភើបចិត្តក្រោយឃើញមិត្តអង្គុយផ្ទឹមនឹងគូគាប់ជីវិត ដ្បិតឆ្លងព្យុះភ្លៀងរាប់មិនអស់

កីឡា៤ ម៉ោង មុន

គ្រូ​បង្វឹក​ជម្រើស​ជាតិ​កម្ពុជា​៖​ ខ្ញុំ​ពិត​ជា​ចង់​ឈ្នះ​ខ្លាំង​ណាស់​ជូន​អ្នកគាំទ្រ​យប់​មិញ​ ប៉ុន្តែ​យើង​ធ្វើ​មិន​បាន​

Sokha Hotels

ព័ត៌មានពេញនិយម