អាយុត្រឹម ១២ឆ្នាំ តែក្មេងស្រី តៃវ៉ាន់ ត្រូវលាងឈាមមួយជីវិត ព្រោះទម្លាប់ញ៉ាំអាហារបំពងរាល់ថ្ងៃ

កាលពីថ្មីៗនេះ មានការចែករំលែកនៅក្នុងកម្មវិធី Health 2.0 អ្នកឯកទេសខាងជំងឺសរសៃប្រសាទ លោកវេជ្ជបណ្ឌិត Hong Vinh Tuong ធ្វើការនៅមន្ទីរពេទ្យ Tam Quan General Hospital នៅតៃវ៉ាន់ បាននិយាយថា គាត់បានព្យាបាលអ្នកជំងឺកុមារម្នាក់ដែលមានជំងឺខ្សោយតម្រងនោមនៅពេលគាត់មានអាយុត្រឹមតែ១២ ឆ្នាំ។

អ្នកជំនាញខាងសរសៃប្រសាទតៃវ៉ាន់បានចែករំលែកបទពិសោធន៍ព្យាបាលកុមារអាយុទើបតែ១២ឆ្នាំ តែកើតជំងឺខ្សោយតម្រងនោម ដើម្បីជាការដាស់តឿនកុំឲ្យទទួលទានមុខម្ហូបដ៏ពេញនិយម តែមានហានិភ័យសុខភាពជាច្រើន​យើងមិនដឹងទាល់តែសោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដូចដែលវេជ្ជបណ្ឌិតបាននិយាយ ឪពុកម្តាយរបស់ក្មេងស្រីបាននាំនាងទៅមន្ទីរពេទ្យដើម្បីពិនិត្យ។ ក្រោយ​ពី​រក​ឃើញ​រោគ​សញ្ញា​អស់កម្លាំង ក្អួត និង​ក្តៅខ្លួន គេ​បាន​រក​ឃើញ​ថា កុមារ​មាន​ជំងឺ​ទឹកនោមផ្អែម, ខ្សោយតម្រងនោមរ៉ាំរ៉ៃ ហើយត្រូវធ្វើការលាងឈាមអស់មួយជីវិត ដែល​បណ្តាល​មក​ពី​ការ​បរិភោគ​អាហារ​មិន​ល្អ​ចំពោះ​សុខភាព។ ជារឿយៗពួកគេញ៉ាំអាហារមានជាតិខ្លាញ់ និងប្រៃជារៀងរាល់ថ្ងៃ។

ក្មេងស្រីវ័យ១២ឆ្នាំរូបនេះជារឿយៗតែងតែប្រើ​លុយ​ហោប៉ៅ​ដែល​ឪពុក​ម្តាយ​​ឲ្យ​ យកទៅទិញមាន់​បំពង​ញ៉ាំ​ក្រោយ​ពី​ចេញពីរៀន។ ទម្លាប់​នេះ​ចាប់​ផ្ដើម​នៅ​ពេល​នាង​រៀន​ថ្នាក់​ទី​២ ដោយ​ញ៉ាំ​មាន់​បំពង ៤-៥ ដង​ក្នុង​មួយ​សប្ដាហ៍ ដោយ​ដឹងពីមូលហេតុមួយនេះ ទើបគេអាច​ប៉ាន់​ប្រមាណ​ថា​ នាងតូចញ៉ាំ​មាន់​បំពង​ច្រើន​ជាង ២០០ដង​ក្នុង​មួយ​ឆ្នាំ។

លោកវេជ្ជបណ្ឌិតបាននិយាយថា មាន់បំពងដែលស្រោបដោយម្សៅ និងរបស់ចៀនផ្សេងៗ ពួកវាជាធម្មតាត្រូវបានប្រោះដោយអំបិលមុនពេលបំពង។ ដូច្នេះហើយ វាមានកាឡូរីខ្ពស់ និងខ្លាញ់អាក្រក់។ ការ​ញ៉ាំ​សាច់​មាន់​បំពង ឬ​ចៀន​ជា​ប្រចាំ វាមិនត្រឹមតែបណ្តាលឲ្យលើសទម្ងន់ និងធាត់ប៉ុណ្ណោះទេ។ ប៉ុន្តែវាក៏បង្កើនបន្ទុកលើថ្លើម និងតម្រងនោមផងដែរ។ ក្នុងនោះវាក៏បង្កើនហានិភ័យនៃជំងឺមេតាប៉ូលីសដូចជាសម្ពាធឈាមខ្ពស់ ការកើនឡើងជាតិស្ករក្នុងឈាម ខ្លាញ់ក្នុងឈាម។

លើសពីនេះ បញ្ហាមេតាប៉ូលីសអាចបង្កើនហានិភ័យនៃជំងឺសរសៃឈាមបេះដូង ជំងឺទឹកនោមផ្អែម ជំងឺបេះដូង និងជំងឺដាច់សរសៃឈាមខួរក្បាល និងជំងឺទឹកនោមផ្អែម បើ​មិន​បាន​ព្យាបាល​ទាន់​ពេល​ទេ វា​អាច​បង្ក​ឲ្យមាន​ផលវិបាក​ក្នុង​តម្រងនោម​ថែមទៀតផង។

ជាពិសេសក្នុងអំឡុងពេលដំណើរការបំពងឬចៀនជាមួយខ្លាញ់ ប្រសិនបើប្រេងចម្អិនអាហារត្រូវបានប្រើសម្រាប់ការបំពងម្តងហើយម្តងទៀត។ ដំណើរការនេះអាចផលិតសារធាតុ polycyclic aromatic hydrocarbons (PAH) នេះគឺជាសារធាតុគីមីពុលដែលអាចបង្កឲ្យមានជំងឺមហារីក និងមានគ្រោះថ្នាក់ដល់សុខភាព ប្រសិនបើទទួលទានក្នុងបរិមាណច្រើនពេកក្នុងមួយថ្ងៃ៕

អត្ថបទ៖ សាង ស្រីល័ក្ខ

ចុចអាន៖ស្រ្តីចាស់ជាងគេនៅ វៀតណាមអាយុ ១១៩ ឆ្នាំ ប្រាប់អាថ៌កំបាំងងាយបំផុតនាំឲ្យរស់បានយូរ