បាងកក ជាទីក្រុងមានមហាសេដ្ឋីច្រើនជាងគេបំផុត នៅអាស៊ីអាគ្នេយ៍

យោងតាមបញ្ជីមហាសេដ្ឋីពិភពលោករបស់គេហទំព័រ Hurun បានបង្ហាញថា បាងកក គឺជាទីក្រុងដែលមានមហាសេដ្ឋីច្រើនជាងគេបំផុតក្នុងតំបន់អាស៊ីអាគ្នេយ៍សម្រាប់ឆ្នាំ២០២៤នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមទិន្នន័យ ឆ្នាំនេះ ទីក្រុងបាងកក នៃប្រទេសថៃ មានមហាសេដ្ឋីចំនួន៤៩នាក់ ឈរពីលើសិង្ហបុរី ដែលមាន ៤២នាក់ ចំណែកលេខ៣គឺទីក្រុង ហ្សាការតា នៃប្រទេសឥណ្ឌូណេស៊ី ដែលមានមហាសេដ្ឋីចំនួន៣៧នាក់។

បើនិយាយពីក្របខណ្ឌជាសកលវិញ ញូវយ៉កនៃសហរដ្ឋអាមេរិក គឺជាទីក្រុងឈរលេខ១ មានមហាសេដ្ឋីច្រើនជាងគេបំផុត ពោលគឺ១១៩នាក់ និងលេខ២ បានទៅលើទីក្រុងឡុងដ៍ នៃចក្រភពអង់គ្លេស មាន៩៧នាក់ រីឯលេខ៣ បានទៅលើទីក្រុង Mumbai នៃប្រទេសឥណ្ឌា មាន៩២នាក់។

អ្វីដែលគួរឲ្យកត់សម្គាល់ខ្លាំងគឺថា រាប់ចាប់ពីលេខ៤ដល់លេខ៦គឺ សុទ្ធតែជាទីក្រុងនៃប្រទេសចិនតែម្តង ពោលគឺលេខ៤បានទៅលើទីក្រុង ប៉េកាំង មានមហាសេដ្ឋី ៩១នាក់, លេខ៥ សៀងហៃ មាន៨៧នាក់ និងលេខ៦គឺទីក្រុង សេនជិន មាន៨៤នាក់៕

អត្ថបទ៖ សុខ សុវណ្ណ