ព័ត៌មានអន្ដរជាតិ
ណាតូ ស្ដីឲ្យចិន ថាជាអ្នកចាក់ឲ្យមានភ្លើងសង្គ្រាមនៅអ៊ុយក្រែន
នៅក្នុងកិច្ចប្រជុំកំពូលក្នុងរដ្ឋធានីវ៉ាស៊ីតោន សហរដ្ឋអាមេរិក, ក្រុមមេដឹកនាំអង្គការណាតូ មិនត្រឹមតែបានអនុម័តកញ្ចប់ជំនួយយោធាថ្មីសម្រាប់អ៊ុយក្រែនប៉ុណ្ណោះទេ ប៉ុន្តែថែមទាំងពិភាក្សាគ្នាយ៉ាងតឹងរ៉ឹងអំពីការបង្ករឿងរបស់ប្រទេសចិនផងដែរ។ នេះបើយោងតាមការចុះផ្សាយរបស់សារព័ត៌មាន DW នៅថ្ងៃទី១០ ខែកក្កដា ឆ្នាំ២០២៤។
នៅក្នុងបទសម្ភាសន៍ជាមួយប្រព័ន្ធផ្សព្វផ្សាយអាមេរិកនៅមុនកិច្ចប្រជុំកំពូល អគ្គលេខាធិការអង្គការណាតូ លោក Jens Stoltenberg បានពណ៌នាប្រទេសចិនថាជា អ្នកបង្កាត់ភ្លើងដ៏សំខាន់នៃសង្គ្រាមឈ្លានពានរបស់រុស្ស៊ីប្រឆាំងនឹងអ៊ុយក្រែន។ អាកប្បកិរិយារបស់ចិនក្នុងអំឡុងពេលសង្រ្គាមនៅអ៊ុយក្រែន កំពុងត្រូវបានបណ្ដាប្រទេសជាសមាជិកអង្គការណាតូ ចាត់ទុកជាភស្តុតាងដែលអឺរ៉ុបយល់ថា មិនអាចមិនអើពើនឹងបញ្ហាប្រឈមដែលក្រុងប៉េកាំងបង្កឡើងបាននោះឡើយ។
ពាក់ព័ន្ធនឹងការលើកឡើងបែបនេះ លោក Antony Blinken រដ្ឋមន្ត្រីការបរទេសអាមេរិក ក៏ធ្លាប់បានប្រាប់សារព័ត៌មាន DW នៅឯកិច្ចប្រជុំរដ្ឋមន្ត្រីការបរទេសនៅទីក្រុង Prague កាលពីខែឧសភាកន្លងទៅដែរថា នៅពេលនេះប្រទេសចិន ប្រៀបដូចជាអ្នកគ្រប់គ្រងស្ថានការណ៍លើសមរភូមិអីចឹង ពោលគឺអ្វីគ្រប់យ៉ាងនៅក្នុងសង្គ្រាមអ៊ុយក្រែនអាចប្រែប្រួលក៏អាស្រ័យលើការសម្រេចចិត្តរបស់ចិន។ លោកបានបន្ថែមថា ចិនតែងតែអះអាងចង់ស្វែងរកទំនាក់ទំនងល្អ និងកាន់តែប្រសើរឡើងជាមួយអឺរ៉ុប ប៉ុន្តែស្របពេលជាមួយគ្នានេះ ចិនបានលួចជំរុញការគំរាមកំហែងដ៏ធំបំផុតចំពោះសន្តិសុខរបស់អឺរ៉ុបទៅវិញ។
រដ្ឋាភិបាលទីក្រុងប៉េកាំង បានបដិសេធម្តងហើយម្តងទៀតចំពោះការផ្តល់អាវុធដល់ក្រុងម៉ូស្គូ។ ទោះជាយ៉ាងណាក៏ដោយ សមាជិកអង្គការណាតូ នៅតែចោទប្រកាន់ចិនថា បានផ្ដល់នូវសមាសធាតុសំខាន់ៗឲ្យរុស្ស៊ីសម្រាប់យកទៅកសាងសព្វាវុធធ្វើសង្គ្រាម។ យោងតាមការវាយតម្លៃរបស់សហរដ្ឋអាមេរិក ចិនគឺជាអ្នកផ្គត់ផ្គង់លំដាប់កំពូលនៃបង្គំឧបករណ៍ម៉ាស៊ីន មីក្រូអេឡិចត្រូនិច និងសារធាតុ nitrocellulose ដែលមានសារៈសំខាន់ក្នុងការផលិតគ្រាប់រំសេវ និងគ្រាប់រ៉ុកកែត ព្រមទាំងរបស់ប្រើប្រាស់ផ្សេងៗមួយចំនួនទៀត ដែលទីក្រុងម៉ូស្គូអាចប្រើប្រាស់ដើម្បីបង្កើនមូលដ្ឋានឧស្សាហកម្មការពារជាតិរបស់ខ្លួន។
យោងតាមមន្ត្រីជាន់ខ្ពស់ក្រសួងការបរទេសអាមេរិក អង្គការណាតូឥឡូវនេះ កំពុងផ្ដោតសំខាន់ជាទីបំផុតលើទំនាក់ទំនងរវាងចិន និងរុស្ស៊ី៕
ដោយ៖ ឈាង
-
ព័ត៌មានអន្ដរជាតិ៧ ថ្ងៃ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សេដ្ឋកិច្ច១៥ ម៉ោង agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ៦ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
កីឡា៧ ថ្ងៃ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានអន្ដរជាតិ១ សប្តាហ៍ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានជាតិ៥ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ២០ ម៉ោង agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
កីឡា១ សប្តាហ៍ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi