ព័ត៌មានអន្ដរជាតិ

ចម្លែក! ឆ្មាមួយក្បាលធ្វើឲ្យយន្តហោះដឹកអ្នកដំណើរ បង្ខំចុះចតភ្លាមៗ

បានផុស

៣ years មុន

នៅ

ថ្ងៃពុធ ៣ មីនា ២០២១

ដោយ

ជើងហោះហើររបស់ក្រុមហ៊ុនអាកាសចរណ៍ Tarco Airlines ចេញពីប្រទេសស៊ូដង់ទៅកាតា បានជួបប្រទះបញ្ហាប្រហែល ៣០ នាទីក្នុងអំឡុងពេលធ្វើដំណើរ។

ភ្លាមៗនោះដែរ យន្តហោះក៏បានបង្ខំចុះចតជាបន្ទាន់ បន្ទាប់ពីមានសត្វឆ្មាមួយក្បាលបានបង្ហាញខ្លួន និងវាយប្រហារអ្នកបើកយន្តហោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការសន្និដ្ឋាន ឆ្មាមួយក្បាលនោះឡើងមកដេកលើយន្តហោះក្នុងអំឡុងពេលសម្អាត ហើយវាបានភ្ញាក់ឡើងក្នុងពេលហោះហើរ រួចវាយប្រហារសមាជិកនាវិកតែម្ដង។ ក្រុមអ្នកបើកយន្តហោះបានប៉ុនប៉ងចាប់វាដែរ ប៉ុន្តែមិនបានផលឡើយ។

លោក Al-Sudani បានរាយការណ៍ថា ដោយដឹងអំពីការគំរាមកំហែងរបស់ថនិកសត្វនេះ អាចបង្កឲ្យមានបញ្ហាដល់អ្នកបើកបរយន្តហោះ លោកក៏បានសម្រេចចិត្តបង្វែរជើងហោះហើរត្រឡប់ទៅទីក្រុង Khartoum វិញ។

ទោះយ៉ាងណា អ្នកនៅលើយន្តហោះមិនជឿថា ឆ្មាបានលូនចូលទៅកន្លែងផ្ទុករបស់របររបស់អ្នកដំណើរឡើយ។ ផ្ទុយទៅវិញវាអាចវង្វេង ហើយដើរចូលទៅកន្លែងដាក់យន្តហោះនៅពេលយប់ ខណៈពេលដែលយន្តហោះកំពុងត្រូវបានគេរៀបចំត្រួតពិនិត្យមុនហោះហើរ៕

ប្រែសម្រួល៖ សាង ស្រីល័ក្ខ

ប្រភព៖mirror

ចុចអាន៖WHO ថា ជំងឺកូវីដ ១៩ នឹងមិនរលាយបាត់នៅឆ្នាំនេះទេ ទោះមានវ៉ាក់សាំងក៏ដោយ

ចុចអាន៖មូលហេតុដែលទីក្រុងតូចៗច្រើននៅម៉ិកស៊ិកបដិសេធចាក់វ៉ាក់សាំងកូវិដ-១៩