Connect with us

ព័ត៌មានអន្ដរជាតិ

ចិន បង្ហាញដ្រូនយោធាខ្នាតតូចដ៏ទំនើបមានសមត្ថភាពមិនធម្មតា ដើម្បីប្រកួតប្រជែងជាមួយអាមេរិក

បានផុស

នៅ

ក្រុមហ៊ុនចិនមួយ បានបង្ហាញនូវដ្រូនយោធាខ្នាតតូចថ្មីមួយប្រភេទ ដែលអាចប្រកួតប្រជែងជាមួយ Black Hornet Nano របស់សហរដ្ឋអាមេរិកបាន។

ដ្រូនស៊ើបការណ៍ដ៏តូចនេះមានឈ្មោះ Fengniao ឬ Hummingbird ដែលមានប្រវែងត្រឹមតែ១៧សង់ទីម៉ែត្រ និងទម្ងន់៣៥ក្រាមប៉ុណ្ណោះ។

ក្រុមហ៊ុនផលិត Huaqing Innovation ដែលមានមូលដ្ឋាននៅទីក្រុង Shenzhen បាននិយាយថា ដ្រូនដ៏ទំនើបនេះអាចបញ្ជូនរូបភាពក្នុងកម្រិតខ្ពស់ ឬវីដេអូពិតៗក្នុងរយៈចម្ងាយជាង២គីឡូម៉ែត្រ។

ដ្រូននេះត្រូវបានដាក់បង្ហាញនៅឯពិព័រណ៍និងសន្និសីទ ការពារអន្តរជាតិ អាប៊ូដាប៊ី កាលពីសប្តាហ៍មុន។

Fengniao មានបន្សំកាមេរ៉ាស្រដៀងគ្នា ដែលអនុញ្ញាតឲ្យថតរូបបែប Panoramic នៅរយៈកម្ពស់ខ្ពស់ និងកាមេរ៉ាកម្តៅសម្រាប់ថតពេលយប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លក្ខណៈពិសេសផ្សេងទៀតរបស់ Fengniao រួមមាន ឧបករណ៍ចាប់សញ្ញាឡាស៊ែរនៅជ្រុងទាំងបួន ដើម្បីជួយឲ្យវារកឃើញនិងចៀសវាងឧបសគ្គ។ វាក៏ស្គាល់បណ្តាញទិន្នន័យផងដែរ ដែលនេះមានន័យថា វាអាចត្រូវបានប្រើជាផ្នែកមួយនៃហ្វូងយន្តហោះគ្មានមនុស្សបើករហូតដល់១៦គ្រឿងសម្រាប់បេសកកម្មមួយ។

ប្រព័ន្ធបញ្ជាយុទ្ធសាស្ត្រចុងក្រោយបំផុត អាចត្រូវបានប្រើដើម្បីគ្រប់គ្រងដ្រូនពីលើដីតាមរយៈកម្មវិធីស្មាតហ្វូន។

ក្រុមហ៊ុននិយាយថា ដ្រូនខ្នាតតូចនេះអាចត្រូវបានប្រើនៅក្នុងបេសកកម្មនានាដូចជា ចារកម្មសន្តិសុខសាធារណៈនិងការល្បាត និងសម្រាប់ការត្រួតពិនិត្យកន្លែងដែលមានគ្រោះថ្នាក់ដូចជាឃ្លាំងគីមីនិងបំពង់បង្ហូរប្រេងជាដើម។

ទោះបីជាយ៉ាងណាក៏ដោយ គេមិនច្បាស់ទេថាតើកងទ័ពរំដោះប្រជាជនចិន (PLA) បានកុម្ម៉ង់ទិញដ្រូន Fengniao ដែរឬក៏អត់ប៉ុន្តែ PLA បានប្រើយានគ្មានមនុស្សបើកជាច្រើនសម្រាប់គោលបំណងនានារួមមានការឃ្លាំមើល ចារកម្មនិងជួយក្រុមបាញ់កាំភ្លើងធំ។

ប្រទេសចិនគឺជាអ្នកនាំចេញដ្រូនយោធាដ៏ធំមួយ ហើយក្រុមហ៊ុន Huaqing Innovation និយាយថា Fengniao បានទាក់ទាញចំណាប់អារម្មណ៍ពីបណ្តាប្រទេសនៅមជ្ឈិមបូព៌ាក្នុងអំឡុងការតាំងពិព័រណ៍អាប៊ូដាប៊ី។

មជ្ឈិមបូព៌ាគឺជាទីផ្សារសំខាន់សម្រាប់យានយោធាគ្មានមនុស្សបើកដែលផលិតដោយចិន។ ដ្រូនចារកម្មនិងវាយប្រហារខ្នាតធំ ដូចជាស៊េរី Caihong និង Wing Loong ត្រូវបានប្រើប្រាស់យ៉ាងទូលំទូលាយនៅក្នុងតំបន់នេះ៕

ប្រែសម្រួលដោយ៖ Vann Vann

ប្រភព៖ SCMP

ចុចអាន៖ អ៊ីរ៉ង់បង្អួតមីស៊ីលផ្លោងជំនាន់ថ្មី និងយន្តហោះដ្រូនទម្លាក់គ្រាប់បែកក្នុងសមយុទ្ធទ្រង់ទ្រាយធំប្រចាំឆ្នាំ (មានវីដេអូ)

ចុចអាន៖ អាមេរិកបង្ហាញយន្តហោះដ្រូនធ្ងន់បំផុតលើលោក បំពាក់ដោយផ្កាយរណបតូចៗ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ នាទី មុន

​ព្រះអង្គ ប៉ោ សុខឿន​ ត្រូវបាន​តែងតាំងជាព្រះអនុគណក្រុងប៉ោយប៉ែតថ្មី ជំនួសព្រះអង្គ ប៉ុក ចំរើន ដែលលាចាកសិក្ខាបទក្រោយផ្ទុះរឿងអាស្រូវ

ព័ត៌មានអន្ដរជាតិ១១ នាទី មុន

ជនដៃដល់យកដុំថ្មវាយពីក្រោយក្បាលសមាជិកសភាបក្សកាន់អំណាច កូរ៉េខាងត្បូង ១៥ ដងក្នុងពេល ១០ វិនាទី

សន្តិសុខសង្គម១២ នាទី មុន

រកឃើញយានយន្ដល្មើសសរុប២៣៤គ្រឿង និងល្មើស​ជាតិអាលកុល២៣នាក់ ក្នុងយុទ្ធនាការរឹតបន្តឹងច្បាប់ចរាចរណ៍កាលពីយប់មិញ

វប្បធម៌ ជំនឿ២២ នាទី មុន

ពណ៌អាវនាំសំណាងក្នុង​​ថ្ងៃ​ចូល​ឆ្នាំ​ចិន ​២០២៤ និងពណ៌ត្រូវហាមឃាត់ដាច់ខាត

វប្បធម៌ ជំនឿ១ ម៉ោង មុន

១ ឆ្នាំ ក្រសួងវប្បធម៌ ត្រូវការថវិកាជាង ១៨០ លានដុល្លារ អភិរក្ស លើកស្ទួយ និងអភិវឌ្ឍន៍វប្បធម៌ជាតិ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៤ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម