ព័ត៌មានអន្ដរជាតិ

ម៉ាឌូរ៉ូកោះហៅនិងបណ្តេញទូត៧ប្រទេសក្នុងអាមេរិកឡាទីន

បានផុស

២ years មុន

នៅ

ថ្ងៃអង្គារ ៣០ កក្កដា ២០២៤

ដោយ

លោក នីកូឡាស់ ម៉ាឌូរ៉ (Nicolas Maduro) ដែលត្រូវបានប្រកាសថាជាប់ឆ្នោតជាថ្មីក្នុងព្រឹត្តិការណ៍បោះឆ្នោតដ៏សែនចម្រូងចម្រាស់ បានកោះហៅទូតខ្លួន និងបណ្តេញទូតនៃប្រទេសស្ទើរទាំងអស់នៅអាមេរិកឡាទីន ដោយសារតែការមិនទទួលស្គាល់លទ្ធផលបោះឆ្នោតប្រធានាធិបតីដ៏ចម្រូងចម្រាស់ និង ចោទប្រទេសទាំងនោះថា ជ្រៀតជ្រែកកិច្ចការប្រទេសខ្លួន។

លោក នីកូឡាស់ ម៉ាឌូរ៉ូ ពេលថ្លែងក្នុងអំឡុងពេលឃោសនាបោះឆ្នោត។ Nicolas Maduro

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រហូតមកដល់ពេលនេះ ប្រទេសវ៉េណេស៊ុយអេឡា កោះហៅអ្នកការទូតរបស់ខ្លួនមកពីប្រទេសយ៉ាងហោច៧ក្នុងតំបន់អាមេរិកឡាទីន ដោយសារតែប្រទេសទាំងនោះបានបដិសេធមិនទទួលស្គាល់ការបោះឆ្នោតដែលប្រកាសថា លោកជាប់ឆ្នោតជាថ្មី។

ប្រមុខការទូតរបស់ប្រទេសវ៉េណេស៊ុយអេឡា ប្រចាំប្រទេសអាហ្សង់ទីន សាធារណរដ្ឋដូមីនីក កូស្តារីកា ប៉ាណាម៉ា ប៉េរូ អ៊ុយរូហ្គាយ និងឈីលី ត្រូវបានរដ្ឋាភិបាលរបស់ លោក នីកូឡាស់ ម៉ាឌូរ៉ូ បានកោះហៅចូលមកកាន់ប្រទេសវិញ ដែលជាការតវ៉ាការទូតមួយ។

ក្រសួងការបរទេសវ៉េណេស៊ុយអេឡា បានថ្កោលទោសសេចក្តីថ្លែងការណ៍របស់ប្រទេសទាំងនោះអំពីការបោះឆ្នោតប្រធានាធិបតីវេណេស៊ុយអេឡាថា ជាការជ្រៀតជ្រែកក្នុងកិច្ចការក្នុងស្រុករបស់ប្រទេស។

សេចក្តីថ្លែងការណ៍របស់ក្រសួងការបរទេសដែលត្រូវបានផ្សព្វផ្សាយ បានបន្ថែមថា៖«រដ្ឋាភិបាលវ៉េណេស៊ុយអេឡារក្សាសិទ្ធិក្នុងការចាត់វិធានការនយោបាយ និងផ្លូវច្បាប់ ដើម្បីធានាការការពារសិទ្ធិសម្រេចដោយខ្លួនឯង។ រដ្ឋាភិបាលវ៉េណេស៊ុយអេឡានឹងទប់ទល់នឹងសកម្មភាពណាមួយដែលគំរាមកំហែងដល់សន្តិសហវិជ្ជមាន(Peaceful co-existence)»។

វ៉េណេស៊ុយអេឡាបានរៀបចំការបោះឆ្នោតប្រធានាធិបតីរបស់ខ្លួននៅថ្ងៃទី២៨ខែកក្កដា ដែលប្រទេសជាច្រើនក្នុងតំបន់នោះចាត់ទុកថា គ្មានតម្លាភាព និងភាពត្រឹមត្រូវ។

ទីភ្នាក់ងារព៍តមានរុស្ស៊ី TASS បានផ្សាយថា យោងតាមក្រុមប្រឹក្សាជាតិរៀបចំការបោះឆ្នោតដោយមាន ៨០% នៃសន្លឹកឆ្នោតត្រូវបានរាប់ ប្រមុខរដ្ឋដែលកំពុងកាន់អំណាច Maduro ទទួលបាន ៥១,២% នៃសន្លឹកឆ្នោត។ គូប្រជែងដ៏សំខាន់របស់គាត់គឺលោក Edmundo Gonzalez ដែលតំណាងឱ្យគណបក្សស្តាំនិយមជ្រុល ទទួលបាន ៤៤,២%។