ព័ត៌មានអន្ដរជាតិ

ក្មេងជំទង់ឬក្រុម Gen Z នៅចិនសម្រុកទិញសត្វចិញ្ចឹមថ្មមកលួងលោមផ្លូវចិត្ត

បានផុស

២ years មុន

នៅ

ថ្ងៃចន្ទ ៩ កញ្ញា ២០២៤

ដោយ

និន្នាការចម្លែកមួយកំពុងរីករាលដាលក្នុងចំណោមយុវវ័យចិនឬហៅថាក្រុម Gen Z (មនុស្សដែលមានអាយុ២០ឆ្នាំ) នៅពេលដែលពួកគេមិនមានលទ្ធភាពចិញ្ចឹមសត្វឆ្កែនិងឆ្មា ប៉ុន្តែនៅតែត្រូវការសត្វចិញ្ចឹមជាមិត្តលួងលោមភាពឯកា។មនុស្សវ័យក្មេងជាច្រើនបានភ្ជាប់ភ្នែក សំលៀកបំពាក់ ឈ្មោះ និងសូម្បីតែប្រារព្ធខួបកំណើតសម្រាប់ថ្មរបស់ពួកគេ ដោយចាត់ទុកពួកវាដូចជាសត្វចិញ្ចឹម ខណៈដែលអ្នកចិត្តសាស្រ្តជឿថា នេះឆ្លុះបញ្ចាំងពីភាពឯកោនៃយុវជនជំនាន់បច្ចុប្បន្ន។

ក្មេងជំទង់ស្រីម្នាក់សុំមិនបញ្ចេញឈ្មោះ បានចែករំលែកជាមួយសារព័ត៌មានថា ដំបូងឡើយនាងមានអារម្មណ៍ថា ការចិញ្ចឹមថ្មមិនសមហេតុផល និងគ្មានប្រយោជន៍ ប៉ុន្តែបន្ទាប់ពីបានសាកល្បងវា នាងចាប់ផ្តើមយល់ពីអារម្មណ៍របស់មនុស្សដែលចាត់ទុកថ្មជាសត្វចិញ្ចឹមដែលត្រូវមើលថែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាក៏ដោយ មកដល់សព្វថ្ងៃនិន្នាការនេះបានរីកចម្រើនយ៉ាងខ្លាំង ដែលអ្នកគាំទ្របានបង្កើតមគ្គុទ្ទេសក៍ថែទាំថ្មសម្រាប់សត្វចិញ្ចឹម ហើយយុវជនមួយចំនួនថែមទាំងបានបើកអាជីវកម្មដោយផ្អែកលើគំនិតនេះទៀតផង។ ក្មេងស្រីម្នាក់ដែលមានរហស្សនាមថា Tu បានសហការជាមួយកន្លែងយកថ្មដើម្បីជ្រើសរើសថ្មដែលមានរាង និងទំហំសមស្រប។

នាងជ្រើសរើសដោយផ្ទាល់, លាងសំអាតនិងច្នៃវាលក់តាមអ៊ីនធឺណិត។ នាងក៏បានរៀបចំគ្រឿងបន្ថែមតូចៗជាច្រើន ដើម្បីធ្វើឲ្យថ្មមានរូបរាងដូចជាសត្វចិញ្ចឹម ហើយថែមទាំដាក់អត្តសញ្ញាណប័ណ្ណដ៏ស្រស់ស្អាត និងដាក់ឈ្មោះថ្មនីមួយៗ ដោយផ្អែកលើលក្ខណៈរបស់វា។

ក្នុងរយៈពេលត្រឹមតែពីរខែ ក្មេងស្រីដដែលនាងទទួលបានការបញ្ជាទិញច្រើនជាង ១ពាន់ ដោយប្រាក់ចំណូលប្រចាំខែលើសពី ១០ពាន់យន់។ លើសពីនេះ ទីផ្សារក៏មានផលិតផលជាច្រើនពីសត្វចិញ្ចឹមថ្ម ដូចជា ក្រែមលាបស្បែក សំលៀកបំពាក់ ភេសជ្ជៈ កាបូបយួរដៃ ឈុតធ្វើដំណើរ។ យោងតាមបុគ្គលិក Taobao បានឲ្យដឹងថា ចំនួនហាង និងការលក់សត្វចិញ្ចឹមថ្មនៅលើវេទិកាបានកើនឡើងយ៉ាងខ្លាំងនៅឆ្នាំនេះ។ អ្នកប្រើប្រាស់ត្រូវបានប្រមូលផ្តុំជាចម្បងនៅក្នុងទីក្រុងសៀងហៃ ដែលជាកម្មសិទ្ធិរបស់មនុស្សជំនាន់ដែលកើតនៅចន្លោះឆ្នាំ ១៩៩៥ និង ២០០០ ប្រហែល ៨០% ជាស្ត្រីទាំងអស់។

យ៉ាងណាមិញ វេជ្ជបណ្ឌិត Duan Xiaowen នៃនាយកដ្ឋានជំងឺធ្លាក់ទឹកចិត្ត មជ្ឈមណ្ឌលសុខភាពផ្លូវចិត្តនៃសាលាវេជ្ជសាស្ត្រ Zhejiang University បានអត្ថាធិប្បាយថា ការរក្សាសត្វចិញ្ចឹមគឺជាការពេញនិយមក្នុងចំណោមមនុស្សវ័យក្មេង ដោយសារតែពួកគេតែងតែមានអារម្មណ៍ឯកោ និងចង់បានការអនុវត្តន៍ដៃគូ និងការទទួលយកអារម្មណ៍។ សត្វចិញ្ចឹមក្លាយជាប្រភពនៃការលួងលោមចិត្តពិខាងក្នុងសម្រាប់ពួកគេ។ ជាពិសេស នៅពេលដែលលក្ខខណ្ឌសេដ្ឋកិច្ចមិនអនុញ្ញាតឲ្យរក្សាឆ្មា ឬឆ្កែ ពួកគេងាកទៅរកសត្វចិញ្ចឹមថោកជាង ដូចជាថ្មសត្វចិញ្ចឹមជាដើម៕