ព័ត៌មានអន្ដរជាតិ
រុស្ស៊ី ទម្លាក់គ្រាប់បែកនៅទីក្រុង Kharkiv សម្លាប់មនុស្សម្នាក់ និងរបួស៤២នាក់
គ្រាប់បែករបស់រុស្ស៊ី បានវាយប្រហារអគារអាផាតមិនមួយកន្លែងកាលពីថ្ងៃអាទិត្យនៅទីក្រុង Kharkiv ដែលជាទីក្រុងធំទីពីររបស់អ៊ុយក្រែន ដោយបង្កឲ្យមានអគ្គិភ័យ ព្រមទាំងសម្លាប់មនុស្សម្នាក់និងរបួស៤២នាក់។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Reuters នៅថ្ងៃទី១៦ខែកញ្ញា។
លោកប្រធានាធិបតី Volodymyr Zelenskiy បាននិយាយថា ការវាយប្រហារចុងក្រោយនេះ បានគូសបញ្ជាក់ពីតម្រូវការរបស់អ៊ុយក្រែនចំពោះការផ្គត់ផ្គង់សព្វាវុធពីដៃគូលោកខាងលិច ក៏ដូចជាខែលការពារដែនអាកាស ព្រមទាំងការអនុញ្ញាតឲ្យអ៊ុយក្រែនប្រើប្រាស់សព្វាវុធរយៈចម្ងាយឆ្ងាយវាយប្រហារលើគោលដៅចូលជ្រៅក្នុងប្រទេសរុស្ស៊ី ដើម្បីជួយសង្គ្រោះជីវិតមនុស្ស។
រដ្ឋអាជ្ញាក្នុងតំបន់ Kharkiv នៅភាគឦសានប្រទេសអ៊ុយក្រែន បានប្រកាសនៅលើបណ្ដាញទំនាក់ទំនង Telegram ថា សាកសពស្ត្រីអាយុ៩៤ឆ្នាំម្នាក់ត្រូវបានគេរកឃើញពីជាន់ទី៩នៃអគារ។
ចំណែកឯអភិបាលក្រុង Kharkiv លោក Ihor Terekhov បានរៀបរាប់ថា ភ្លើងដែលឆាបឆេះដោយគ្រាប់បែកត្រូវបានពន្លត់រួចហើយ។ លោកបានឲ្យដឹងថា ចំនួនអ្នករបួសមាន៤២នាក់ ក្នុងនោះមានកុមារ៣នាក់។ ដោយឡែកលោកអភិបាលតំបន់ Oleh Syniehubov បាននិយាយថាអាចនៅមានមនុស្សស្ថិតនៅក្រោមគំនរបាក់បែកនៅឡើយ។
ប្រធានាធិបតីអ៊ុយក្រែន បានបញ្ជាក់ថា គ្រាប់បែកកំណត់គោលដៅចំនួន៣គ្រាប់ផ្សេងទៀតបានវាយប្រហារភូមិមួយចំនួនក្នុងតំបន់ Kharkiv ដែលជាមជ្ឈមណ្ឌលពោរពេញដោយប្រជាជនរស់នៅ ហើយក៏ជាគោលដៅរងការវាយប្រហារជាញឹកញាប់ពីភាគីរុស្ស៊ីដែលនៅជិតព្រំដែន។
រុស្ស៊ីមិនបានឆ្លើយតបភ្លាមៗចំពោះសំណើសុំការអត្ថាធិប្បាយលើឧប្បត្តិហេតុទម្លាក់គ្រាប់បែកលើអគារស្នាក់នៅនោះទេ ប៉ុន្តែរុស្ស៊ីកន្លងមកតែងបដិសេធនូវចេតនាវាយប្រហារទៅលើជនស៊ីវិល ទោះបីជាខ្លួនបានសម្លាប់ប្រជាជនមិនដឹងអីអស់រាប់ពាន់នាក់ក៏ដោយ ចាប់តាំងពីការឈ្លានពានអ៊ុយក្រែនក្នុងឆ្នាំ២០២២។
លោក Zelenskiy បានអំពាវនាវឲ្យសម្ព័ន្ធមិត្តរបស់ខ្លួនសម្រេចចិត្តឲ្យបានយ៉ាងឆាប់រហ័ស ដើម្បីបើកដៃឲ្យអ៊ុយក្រែនអាចវាយប្រហាររយៈចម្ងាយឆ្ងាយក្នុងគោលបំណងបំផ្លាញមូលដ្ឋានយោធាអាកាសរបស់រុស្ស៊ី។ លោកបានបន្ថែមថា៖ «រាល់ការវាយប្រហាររបស់រុស្ស៊ីរបៀបនេះ រាល់ករណីនៃភេរវកម្មរបស់រុស្ស៊ី ដូចជាថ្ងៃនេះនៅទីក្រុង Kharkiv…នេះបង្ហាញថា (អ៊ុយក្រែន) ត្រូវតែមានសមត្ថភាពរយៈចម្ងាយឆ្ងាយ»។
លោក Zelenskiy បានប្រាប់ថា អ៊ុយក្រែនបានទុកក្ដីរំពឹងរង់ចាំការសម្រេចចិត្តដ៏សមស្របពីសហរដ្ឋអាមេរិក បារាំង អាល្លឺម៉ង់ និងអ៊ីតាលី ដែលការសម្រេចចិត្តរបស់ពួកគេអាចជួយសង្រ្គោះជីវិតបាន។
សូមបញ្ជាក់ថា ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយកាលពីសប្តាហ៍មុនថា លោកខាងលិចនឹងផ្ទុះសង្គ្រាមដោយផ្ទាល់ជាមួយរុស្ស៊ី ប្រសិនបើអនុញ្ញាតឲ្យអ៊ុយក្រែនវាយប្រហារទឹកដីរុស្ស៊ីជាមួយនឹងមីស៊ីលរយៈចម្ងាយឆ្ងាយដែលផលិតដោយលោកខាងលិច៕
ដោយ៖ ឈាង
មីយ៉ាន់ម៉ាសុខចិត្តដោះលែងអ្នកទោសនេសាទថៃ៤នាក់ ក្រោយសម្របសម្រួលជិតកន្លះឆ្នាំ
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៦ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?