ព័ត៌មានអន្ដរជាតិ
UN៖ មុនពេញក្រមុំ ១ក្នុងចំណោមមនុស្សស្រី៨នាក់ ធ្លាប់ត្រូវគេបៀតបៀនផ្លូវភេទ
យោងតាមរបាយការណ៍ពីអង្គការយូនីសេហ្វ (UNICEF) ដែលចេញផ្សាយកាលពីថ្ងៃទី៩ខែតុលា ស្ត្រីនិងក្មេងស្រីច្រើនជាង៣៧០លាននាក់ ឬស្មើនឹង១ក្នុងចំណោមមនុស្សស្រី៨នាក់នៅលើពិភពលោក ធ្លាប់ត្រូវបានគេរំលោភ ឬបៀតបៀនផ្លូវភេទ នៅមុនអាយុ១៨ឆ្នាំ។
យូនីសេហ្វ បានបញ្ជាក់ថា បើរាប់ទាំងការបៀតបៀនផ្លូវភេទតាមរយៈសម្ដី ឬអនឡាញថែមទៀត តួលេខនេះអាចកើនដល់ចំនួន ៦៥០លាននាក់ឯណោះ។ យូនីសេហ្វ បានប្រាប់ថា នេះគឺជារបាយការណ៍ស្ទង់មតិជាលើកដំបូងបំផុតដែលខ្លួនធ្លាប់ធ្វើពាក់ព័ន្ធនឹងបញ្ហាមួយនេះ។
របាយការណ៍ បានបង្ហាញថា ខណៈក្មេងស្រី និងស្ត្រីជាជនរងគ្រោះខ្លាំងជាងគេ ក្មេងប្រុស និងបុរសពី២៤០ទៅ៣១០លាននាក់ ឬប្រហែល១ក្នុងចំណោម១១នាក់ធ្លាប់ត្រូវបានគេរំលោភ ឬបៀតបៀនផ្លូវភេទក្នុងវ័យកុមារភាព។
អង្គការយូនីសេហ្វ បាននិយាយនៅក្នុងរបាយការណ៍ថា៖ «ទំហំនៃការរំលោភសិទ្ធិមនុស្សនេះគឺមានច្រើនលើសលប់ ហើយវាពិបាកក្នុងការយល់ឲ្យបានពេញលេញ ដោយសារតែការមាក់ងាយ បញ្ហាប្រឈមក្នុងការស្ទាបស្ទង់ និងការវិនិយោគមានកម្រិតក្នុងការប្រមូលទិន្នន័យ»។
យូនីសេហ្វ បានបន្ថែមថា ការរកឃើញរបស់ខ្លួនបានបង្ហាញពីតម្រូវការបន្ទាន់សម្រាប់សកម្មភាពជាសកលកាន់តែខ្លាំងឡើង រួមទាំងតាមរយៈការពង្រឹងច្បាប់ និងការជួយកុមារឲ្យស្គាល់ និងចេះរាយការណ៍អំពីអំពើហិង្សាផ្លូវភេទ៕
ដោយ៖ ឈាង
-
ព័ត៌មានអន្ដរជាតិ១ សប្តាហ៍ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
កីឡា១ សប្តាហ៍ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
សេដ្ឋកិច្ច១ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ៦ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានជាតិ៦ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ១ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
កីឡា១ សប្តាហ៍ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi
-
ព័ត៌មានជាតិ១ សប្តាហ៍ agoចាប់ពីពេលនេះពលរដ្ឋដែលត្រូវធ្វើ ឬបន្តអត្តសញ្ញាណបណ្ណមិនចាំបាច់ត្រលប់ទីលំនៅឋានដើមឡើយ