ព័ត៌មានអន្ដរជាតិ
ក្រុមហាម៉ាស៖ ក្នុង៨ថ្ងៃ កងទ័ពអ៊ីស្រាអែលសម្លាប់ជនជាតិប៉ាឡេស្ទីនជាង៣០០នាក់នៅហ្គាហ្សា
ក្រុមហាម៉ាសបានចោទប្រកាន់កងទ័ពអ៊ីស្រាអែលថា បានសម្លាប់ជនជាតិប៉ាឡេស្ទីនជាង៣០០នាក់នៅភាគខាងជើងតំបន់ហ្គាហ្សាក្នុងរយៈពេលប្រាំបីថ្ងៃកន្លងមកនេះ។ នេះបើយោងតាមការចេញផ្សាយរបស់ទីភ្នាក់ងារព័ត៌មានXinhua នៅថ្ងៃទី១៤ខែតុលានេះ។
នៅក្នុងសន្និសិទសារព័ត៌មានដែលធ្វើឡើងនៅមន្ទីរពេទ្យ Al-Aqsa ក្នុងទីក្រុង Deir al-Balah កណ្តាលហ្គាហ្សា លោក Ismail al-Thawabta ប្រធានការិយាល័យប្រព័ន្ធផ្សព្វផ្សាយបានពណ៌នាស្ថានភាពនៅភាគខាងជើងហ្គាហ្សា ថា ការវាយប្រហាររបស់អ៉ីស្រាអែលជា «ឃាតកម្មជាប្រព័ន្ធ និងការឡោមព័ទ្ធទាំងស្រុងប្រឆាំងនឹងជនស៊ីវិល»។
លោកបានបន្ថែមថា កងទ័ពកំពុងព្យាយាមបំផ្លាញប្រព័ន្ធថែទាំសុខភាពក្នុងគោលបំណងប្រែក្លាយតំបន់ហ្គាហ្សាភាគខាងជើងទៅជាតំបន់រងការបំផ្លិចបំផ្លាញទាំងស្រុង។ លើសពីនេះកងទ័ពអ៊ីស្រាអែលបានរារាំងក្រុមជួយសង្គ្រោះពីការទាញយកសាកសពចេញពីផ្លូវថែមទៀត។ លោក Al-Thawabta បានចោទប្រកាន់ថា សកម្មភាពទាំងនេះកំពុងត្រូវបានអនុវត្ត «ជាប្រព័ន្ធ ដោយចេតនា និងដោយមានការគាំទ្រយ៉ាងពេញទំហឹងពីរដ្ឋបាលសហរដ្ឋអាមេរិក»។
លើសពីនេះក្រុមហាម៉ាស បាននិយាយកាលពីថ្ងៃអាទិត្យថា ការបន្តប្រតិបត្តិការយោធារបស់អ៊ីស្រាអែលនៅភាគខាងជើងហ្គាហ្សាគឺជា «ទង្វើនៃការសម្លាប់រង្គាល» ដោយព្រងើយកន្តើយនឹងច្បាប់ ឬកាតព្វកិច្ច និងមានសំអាងលើការគាំទ្ររបស់អាមេរិក។
ជាមួយគ្នានេះទីភ្នាក់ងារជំនួយ និងការងាររបស់អង្គការសហប្រជាជាតិសម្រាប់ជនភៀសខ្លួនប៉ាឡេស្ទីននៅតំបន់ជិតបូព៌ាបានបង្ហោះលើបណ្តាញសង្គម X ថា ការបាញ់ផ្លោងជាបន្តបន្ទាប់ ការវាយប្រហារតាមអាកាស និងការប៉ះទង្គិចគ្នាដោយប្រដាប់អាវុធនៅភាគខាងជើងហ្គាហ្សាកាន់តែខ្លាំងឡើងក្នុងសប្តាហ៍មុន បណ្ដាលឲ្យមនុស្សជាង ៤០ម៉ឺននាក់កំពុងស្វែងរកទីជំរកថ្មី។ ក្នុងនោះជំរុំ Jabalia គឺជាតំបន់ដែលរងផលប៉ះពាល់ខ្លាំងបំផុត ដោយមានរបាយការណ៍អំពីក្រុមគ្រួសារដែលជាប់គាំងជាច្រើន ខណៈកាផ្ដល់ជំនួយមនុស្សធម៌ទៅកាន់ Jabalia នៅតែបន្តត្រូវបានបដិសេធ។
បើតាមក្រសួងពារជាតិអ៊ីស្រាអែល (IDF) បានអះអាងកាលពីថ្ងៃអាទិត្យថា ក្នុងរយៈពេលមួយថ្ងៃកន្លងមក កងទ័ព IDF បានបន្តប្រតិបត្តិការទូទាំងតំបន់ហ្គាហ្សាហើយបានវាយប្រហារគោលដៅប្រហែល៤០ និងបានសម្លាប់ពួកសកម្មប្រយុទ្ធរាប់សិបនាក់។
សូមរម្លឹកថា អ៊ីស្រាអែលបាននិងកំពុងបើកការវាយលុកទ្រង់ទ្រាយធំប្រឆាំងនឹងក្រុមហាម៉ាសនៅតំបន់ហ្គាហ្សា ដើម្បីសងសឹកនឹងការវាយលុករបស់ក្រុមហាម៉ាស់ឆ្លងកាត់ព្រំដែនភាគខាងត្បូងអ៊ីស្រាអែលកាលពីថ្ងៃទី៧ខែតុលា ឆ្នាំ ឮ២០២៣ ដែលបណ្ដាលឲ្យ១២០០ នាក់ត្រូវបានសម្លាប់ និងប្រហែល ២៥០ នាក់ត្រូវបានចាប់ធ្វើជាចំណាប់ខ្មាំង។
បើយោងតាមក្រសួងសុខាភិបាលនៅហ្គាហ្សាបានឲ្យដឹងថា ចំនួនអ្នកស្លាប់នៅប៉ាឡេស្ទីនពីការវាយប្រហាររបស់អ៊ីស្រាអែលដែលកំពុងបន្តកើនឡើងតំបន់ហ្គាហ្សាស្ទ្រីប បានកើនឡើងជិត៤៣០០០នាក់ហើយ៕
អត្ថបទ៖ ប៊ុន សុភាព
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៧ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ