ដកហូតអាជ្ញាប័ណ្ណផ្សាយហើយនៅតែផ្គើន យោធាមីយ៉ាន់ម៉ាចូលបង្ក្រាបដល់អូហ្វីស

យោធាមីយ៉ាន់ម៉ាកំពុងចាត់វិធានការប្រឆាំងនឹងបណ្តាញផ្សព្វផ្សាយព័ត៌មានក្នុងស្រុកដើម្បីបញ្ឈប់ពួកគេដោយបង្ខំចំពោះការរាយការណ៍ពីការតវ៉ាប្រឆាំងនឹងរដ្ឋប្រហារកាលពីខែមុន ។

កាលពីថ្ងៃចន្ទយោធាបានដកហូតអាជ្ញាប័ណ្ណប្រព័ន្ធផ្សព្វផ្សាយឈានមុខគេចំនួន ៥ ដោយក្នុងនោះរួមមាន គេហទំព័រ Myanmar Now, សារព័ត៌មាន Khit Thit, វិទ្យុសម្លេងប្រជាធិបតេយ្យភូមា (DVB), ទូរទស្សន៍ Mizzima និងសារព័ត៌មាន 7 Day ខណៈដែលទូរទស្សន៍ Mizzima និងសារព័ត៌មាន 7 Day គឺជាសាខារបស់វិទ្យុ VOA ។

ប៉ុន្តែប្រព័ន្ធផ្សព្វផ្សាយចំនួន ៤ ក្នុងចំណោមពួកគេនៅតែផ្តល់ព័ត៌មានតាមអ៊ីនធឺណិតរហូតដល់ថ្ងៃអង្គារ ។

របាយការណ៍ក្នុងស្រុកនិយាយថា យោធាបានវាយលុកការិយាល័យរបស់ក្រុមហ៊ុនផ្សព្វផ្សាយនៅទីក្រុងយ៉ាំងហ្គោន ហើយបានឃុំខ្លួនបុគ្គលិកជាន់ខ្ពស់ ។

កងកម្លាំងសន្តិសុខបានឆ្មក់ចូលការិយាល័យសេវាកម្មព័ត៌មានអនឡាញ Myanmar Now កាលពីថ្ងៃចន្ទ និងរឹបអូសយកទិន្នន័យមេ និងកុំព្យូទ័រ ។

ចំណែកការិយាល័យរបស់ទីភ្នាក់ងារព័ត៌មាន Mizzima ត្រូវបានវាយឆ្មក់កាលពីថ្ងៃអង្គារ ហើយឧបករណ៍ធ្វើការត្រូវបានរឹបអូស ។ ប៉ុន្តែបុគ្គលិកនៅការិយាល័យទាំងពីរបានរត់គេចខ្លួនដោយគ្មានគ្រោះថ្នាក់ ។

ទន្ទឹមនឹងនេះដែរស្ថាបនិក និងនិពន្ធនាយកនៃប្រព័ន្ធផ្សព្វផ្សាយតាមប្រព័ន្ធអ៊ីនធឺណិតទាំងនោះមិនស្ថិតក្នុងចំណោមប្រព័ន្ធផ្សព្វផ្សាយទាំង ៥ ដែលដកហូតអាជ្ញាប័ណ្ណត្រូវបានឃុំខ្លួនកាលពីថ្ងៃអង្គារនោះទេ ។

យោធាចង់គ្រប់គ្រងព័ត៌មាន ប៉ុន្តែប្រព័ន្ធផ្សព្វផ្សាយកំពុងប្តេជ្ញាបន្តប្រយុទ្ធប្រឆាំងនឹងរដ្ឋប្រហារយោធា និងដើម្បីស្តារលទ្ធិប្រជាធិបតេយ្យក៏ដូចជាសិទ្ធិមនុស្សឡើងវិញ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ កាន់តែធ្ងន់ធ្ងរ! សហរដ្ឋអាមេរិកដាក់ទណ្ឌកម្មកូនៗមេដឹកនាំយោធាមីយ៉ាន់ម៉ា

ចុចអាន ៖ ស្ថានការណ៍កាន់តែក្តៅ! បាតុករមីយ៉ាន់ម៉ាហាត់សមរួចជាស្រេច ដើម្បីប្រយុទ្ធជាមួយយោធា (មានវីដេអូ)