ព័ត៌មានអន្ដរជាតិ

នាយករដ្ឋមន្ត្រីអ៊ីស្រាអែលទំនងប្រមុខរដ្ឋដំំបូងគេចេញសារអបអរលោកដូណាល់ ត្រាំ

បានផុស

២ years មុន

នៅ

ថ្ងៃពុធ ៦ វិច្ឆិកា ២០២៤

ដោយ

មិនដល់១ម៉ោងផងក្រោយដឹងលោកដូណាល់ ត្រាំជាប់ឆ្នោតជាថ្មី នាយករដ្ឋមន្ត្រីអ៊ីស្រាអែល លោក Benjamin Netanyahu ដែលកំពុងពង្រីកសង្គ្រាមស្ទើរពេញតំបន់មជ្ឈិមបូព៌ាប្រឆាំងនឹងក្រុមសកម្មប្រយុទ្ធនានាដែលគាំទ្រដោយអ៊ីរ៉ង់ បានចេញមុខអបអរសាទរប្រធានាធិបតីជាប់ឆ្នោតរបស់សហរដ្ឋអាមេរិកដោយបង្ហាញពីសម្ព័ន្ថភាពរបស់ពួកគេមានភាពស្អិតល្មួត។

នៅលើបណ្តាញសង្គមហ្វេសប៊ុកផ្ទាល់ខ្លួន នាយករដ្ឋមន្ត្រីអ៊ីស្រាអែល លោក Benjamin Netanyahu បានហៅថា ការវិលត្រឡប់របស់លោក ដូណាល់ ត្រាំ ជាការវិលត្រឡប់ដ៏អស្ចារ្យក្នុងប្រវតិ្តសាស្រ្ត។

លោក បានសរសេរថា ៖«ការវិលត្រឡប់ជាប្រវត្តិសាស្រ្តរបស់អ្នកទៅកាន់សេតវិមាន បានផ្តល់នូវការចាប់ផ្តើមជាថ្មីសម្រាប់អាមេរិកនិងការប្តេជ្ញាចិត្តដ៏មានអំណាចចំពោះសម្ព័ន្ធមិត្តរវាងអ៊ីស្តាអែលនិងអាមេរិក»។

នាយករដ្ឋមន្ត្រីអីស្រាអែល បានសរសេរបន្ថែមថា៖«នេះជាជ័យជម្នះដ៏ធំ»។

ក្នុងអំឡុងពេលឃោសនារកការគាំទ្រ លោក ដូណាល់ ត្រាំ មិនបាននិយាយសូម្បីម្តងអំពីការស្វែងរកការបញ្ចប់សង្គ្រាមនៅតំបន់មជ្ឈិមបូព៌ា ជាពិសេសពាក់ព័ន្ធសម្ព័ន្ធមិត្តអ៊ីស្រាអែល ដែលអាចនឹងកាត់បន្ថយការគាំទ្រ ឬក៏បន្ថយការផ្គត់ផ្គង់សព្វាវុធ។

ផ្ទុយពីអ៊ីស្រាអែល លោកដូណាល់ ត្រាំ បានបង្កើនការលើកឡើងម្តងហើយម្តងទៀត អំពីការបញ្ចប់សង្គ្រាមរវាងអ៊ុយក្រែននិងរុស្ស៊ី ដែលលោកនឹងថា បញ្ចប់ក្នុងរយៈពេលតែង១២ម៉ោង។

លោកដូណាល់ ត្រាំ អតីតប្រធានាធិបតីសហរដ្ឋអាមេរិកដែលនិយាយមិនសូវសំចៃមាត់និងបង្កជម្លោះពាណិជ្ជកម្មជាច្រើនក្នុងពេលលោកកាន់អំណាច ឆ្នាំ២០១៧ ដល់ឆ្នាំ២០២១ ត្រូវបានប្រជាជនអាមេរិកបោះឆ្នោតគាំទ្រឲ្យក្លាយជាប្រធានាធិបតីទី៤៧។

ការវិលត្រឡប់មកកាន់អំណាចជាថ្មីម្តងទៀត ក្នុងពេលដែលពិភពលោកញំញីដោយសារសង្គ្រាម ហើយសហរដ្ឋអាមេរិកនៅពីក្រោយសង្គ្រាមទាំងនោះ លោកដូណាល់ ត្រាំ ដែលពេលនេះក្លាយជាប្រធានាធិបតីជាប់ឆ្នោត បានឆ្លងកាត់រឿងអាស្រូវជាច្រើនជុំវិញអំពីហិង្សាកាលបោះឆ្នោតឆ្នាំ២០២០ និងចុងអាណត្តិរបស់លោកក្នុងឆ្នាំ២០២១ និងការសន្យាបញ្ចប់សង្គ្រាមរវាងរុស្ស៊ីនិងអ៊ុយក្រែន៕