ព័ត៌មានអន្ដរជាតិ

ជប៉ុន ជួយហ្វីលីពីន ១០លានដុល្លារ ឲ្យពង្រឹងទ័ពជើងទឹក បន្ទាប់ពីប៉ះទង្គិចជាមួយចិន

បានផុស

១ year មុន

នៅ

ថ្ងៃព្រហស្បតិ៍ ៥ ធ្នូ ២០២៤

ដោយ

Chheang

នៅថ្ងៃព្រហស្បតិ៍ទី៥ខែធ្នូឆ្នាំ២០២៤ ប្រទេសជប៉ុន បានផ្តល់ជំនួយដល់ហ្វីលីពីនចំនួន ១០,៦លានដុល្លារ ដើម្បីបង្កើនសមត្ថភាពកងទ័ពជើងទឹករបស់ខ្លួន។ ជំនួយនេះ ត្រូវបានប្រកាសមួយថ្ងៃបន្ទាប់ពីហ្វីលីពីនបានលើកឡើងថា ឆ្មាំសមុទ្រចិនបាន «យាយី» នាវារដ្ឋាភិបាលរបស់ខ្លួន។

មូលនិធិដែលជាផ្នែកមួយនៃកម្មវិធីជំនួយសន្តិសុខក្នុងតំបន់របស់ជប៉ុន នឹងផ្តល់ឲ្យកងទ័ពជើងទឹកក្រុងម៉ានីលនូវទូកខ្យល់ដែលរឹងជាងមុន ប្រព័ន្ធរ៉ាដាតាមឆ្នេរសមុទ្រ និងប្រព័ន្ធកំណត់អត្តសញ្ញាណដោយស្វ័យប្រវត្តិ។

ស្ថានទូតជប៉ុន បានប្រាប់ថា កញ្ចប់ថវិកានេះ នឹងរួមចំណែកដល់ការរក្សា និងពង្រឹងសន្តិសុខក្នុងតំបន់ ព្រមទាំងសន្តិសុខនៃផ្លូវសមុទ្រសំខាន់ៗ។

សូមបញ្ជាក់ថា ហ្វីលីពីន បាននិងកំពុងពង្រីកសមត្ថភាពសន្តិសុខដែនសមុទ្ររបស់ខ្លួន និងបង្កើនទំនាក់ទំនងជាមួយសម្ព័ន្ធមិត្ត ដើម្បីទប់ទល់នឹងការអះអាងយ៉ាងចាស់ដៃរបស់ទីក្រុងប៉េកាំងចំពោះការទាមទារនៅក្នុងសមុទ្រចិនខាងត្បូង រួមទាំងតំបន់ជម្លោះរវាងប្រទេសទាំងពីរ។

ចិន បានទាមទារស្ទើរតែទាំងស្រុងនូវអធិបតេយ្យក្នុងសមុទ្រចិនខាងត្បូង ដោយច្រានចោលការទាមទាររបស់ប្រទេសផ្សេងៗ និងសេចក្តីសម្រេចអន្តរជាតិដែលថា ការអះអាងរបស់ចិនមិនមានមូលដ្ឋានច្បាប់។

កាលពីថ្ងៃពុធ ទីក្រុងម៉ានីល បាននិយាយថា ឆ្មាំឆ្នេរសមុទ្រចិនបានប្រើកាណុងបាញ់ទឹក បង្ករឿងដាក់កប៉ាល់រដ្ឋាភិបាលហ្វីលីពីនមួយគ្រឿង នៅជិតតំបន់ជម្លោះ Scarborough Shoal។

ហ្វីលីពីន បន្ថែមថា នៅថ្ងៃដដែលនោះ ក៏មានជនជាតិចិនម្នាក់ទៀត ដែលបាន «វាយឆ្មក់ដោយចេតនា» លើកប៉ាល់នាយកដ្ឋានជលផលនៅជិតតំបន់ Sabina Shoal ក្នុងប្រជុំកោះ Spratly ផងដែរ៕

ដោយ៖ ឈាង