ព័ត៌មានអន្ដរជាតិ
បាតុករកូរ៉េខាងត្បូងទ្រង់ទ្រាយធំនឹងប្រមូលផ្តុំនៅមុខរដ្ឋសភាដាក់សម្ពាធឲ្យដកដំណែង លោក Yoon
ទីភ្នាក់ងារព័ត៌មាន Yonhap របស់កូរ៉េខាងត្បូងទើបរាយការណ៍ថា បាតុករដ៏ច្រើនគ្រោងនឹងធ្វើបាតុកម្មនៅថ្ងៃសៅរ៍នៅភាគខាងលិចទីក្រុងសេអ៊ូលដើម្បីអំពាវនាវឱ្យមានការបណ្តេញលោកប្រធានាធិបតី Yoon Suk Yeol ជុំវិញភាពចលាចលនៃច្បាប់អាជ្ញាសឹកដែលលោកបានប្រកាសយ៉ាងតក់ក្រហល់កាលពីយប់ថ្ងៃអង្គារ។
ការរៀបចំការធ្វើបាតុកម្មនេះនៅចំពេលដែលរដ្ឋសភារៀបចំកិច្ចប្រជុំបោះឆ្នោតបណ្តេញប្រធានាធិបតីចេញពីអំណាចនៅល្ងាចថ្ងៃសៅរ៍នេះ ទោះបីជាមានការចេញមុខសុំទោសជាសាធារណៈរបស់លោក Yoon Suk Yeol នៅព្រឹកថ្ងៃសៅរ៍នេះ ដោយអះអាងថា លោកនឹងមិនធ្វើឲ្យមានរឿងបែបនេះកើតឡើងម្តងទៀតនោះទេ។
ដោយយោងតាមភ្នាក់ងារប៉ូលីសក្រុងសេអ៊ូល Yonhap បានឲ្យដឹងថា ការប្រមូលផ្តុំគ្នាទ្រង់ទ្រាយធំគ្រោងនឹងធ្វើឡើងនៅទីលានYeouido ជាកន្លែងដែលរដ្ឋសភាតាំងនៅនៅពេលរសៀល ដោយផ្នែកខ្លះនៃតំបន់នោះនឹងត្រូវបិទច្រក។
ប្រធានាធិបតីកូរ៉េខាងត្បូង បានប្រកាសច្បាប់អាជ្ញាសឹកក្នុងគ្រាអាសន្ននៅក្នុងការសម្រេចចិត្តដែលមិននឹកស្មានដល់កាលពីយប់ថ្ងៃអង្គារ ប៉ុន្តែក្រោយមកបានលុបចោលប៉ុន្មានម៉ោងក្រោយមក ខណៈដែលសភាដែលគ្រប់គ្រងដោយគណបក្សប្រឆាំងបានបោះឆ្នោតបដិសេធ។
ការប្រកាសរបស់ប្រធានាធិបតីកូរ៉េខាងត្បូងដែលមានប្រវត្តិជាអ្នកកាន់កិច្ចការច្បាប់អស់រយៈពេល២៧ឆ្នាំ កើតមាន ក្រោយសភាកូរ៉េដែលគ្រប់គ្រងសំឡេងភាគច្រើនដោយគណបក្សប្រជាធិបតេយ្យបានបោះឆ្នោតច្រានចោលសំណើចំណាយថវិការបស់ប្រធានាធិបតីរហូតដល់ជិត៣ពាន់លានដុល្លារក្នុងឆ្នាំបន្ទាប់ ហើយប្រធានាធិបតីបានចោទពួកគេថា ជាក្រុមប្រឆាំងរដ្ឋ និងក្រុមគាំទ្រកូរ៉េខាងជើង។
តាមសេចក្តីរាយការណ៍ដដែល សហព័ន្ធសហជីពកម្មករកូរ៉េ (KCTU) ដែលជាសហជីពធំជាងគេមួយក្នុងប្រទេស គ្រោងនឹងចូលរួមក្នុងការប្រមូលផ្តុំធ្វើបាតុកម្មនេះ។
ទោះបីមានការសុំទោសជាសាធារណៈរបស់ប្រធានាធិបតី លោកទំនងមិនអាចរួចផុតពីការបណ្តេញចេញពីតំណែងឡើយ ដោយសារប្រធានគណបក្សអំណាចប្រជាជន (PPP)របស់ប្រធានាធិបតី ក៏បានស្នើឲ្យព្យួរអំណាចប្រធានាធិបតីឲ្យបានឆាប់ ព្រោះបារម្ភខ្លាចលោក ប្រកាសប្រើច្បាប់អាជ្ញាសឹកជាថ្មីម្តងទៀត ដែលនាំហានិភ័យខ្ពស់ដលប្រទេសជាតិនិងប្រជាជន៕
ដោយ រ៉ាន់ រើយ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៧ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន