ព័ត៌មានអន្ដរជាតិ
ឆ្នាំ២០២៣ ការទិញលក់សព្វាវុធ កើនឡើងដល់ ៦៣២ពាន់លានដុល្លារ
វិទ្យាស្ថានស្រាវជ្រាវសន្តិភាពអន្តរជាតិ Stockholm (SIPRI) បានបង្ហាញថា ការលក់អាវុធសកលបានហក់ដល់ ៦៣២ពាន់លានដុល្លារក្នុងឆ្នាំ២០២៣ កើនឡើង ៤,២% បើធៀបនឹងឆ្នាំ២០២២។ កំណើននេះ ត្រូវបានជំរុញដោយសារការកើនឡើងនៃសង្គ្រាម ជម្លោះក្នុងតំបន់ និងភាពតានតឹងភូមិសាស្ត្រនយោបាយនៅទូទាំងពិភពលោក។
សង្រ្គាមរុស្ស៊ី-អ៊ុយក្រែនដែលកំពុងបន្ត បាននាំឲ្យមានការកើនឡើងគួរឲ្យកត់សម្គាល់នៅក្នុងការផលិតអាវុធនៅអឺរ៉ុប និងអាមេរិកខាងជើង ដើម្បីបំពេញតម្រូវការការពារជាតិ។
ដូចគ្នានេះដែរ ទំនើបកម្មផ្នែកការពារជាតិក្នុងចំណោមបណ្តាប្រទេសអាស៊ី បានកើនឡើងព្រោះតែភាពតានតឹងនៅក្នុងតំបន់ឥណ្ឌូប៉ាស៊ីហ្វិក ដែលជំរុញដោយការប្រជែងអំណាច និងជម្លោះដែនសមុទ្រ។ ចំណែកឯមជ្ឈិមបូព៌ានៅតែជាចំណុចក្តៅ ដែលអស្ថិរភាពក្នុងតំបន់ បានជំរុញឲ្យរដ្ឋនានាពង្រីកការចំណាយយោធារបស់ពួកគេ។
និន្នាការដ៏សំខាន់មួយ ដែលត្រូវបានកត់សម្គាល់នៅក្នុងរបាយការណ៍ គឺកំណើនប្រាក់ចំណូលផ្នែកអាវុធ នៅក្នុងក្រុមហ៊ុនចំនួន៧៣ ខណៈកាលពីឆ្នាំ២០២២ មានត្រឹម ៤៧ក្រុមហ៊ុនប៉ុណ្ណោះ ដែលកើនឡើងប្រាក់ចំណេញ។
របាយការណ៍នេះគូសបញ្ជាក់ពីកំណើនជាសកលនៃការព្រួយបារម្ភផ្នែកសន្តិសុខ ការកើនឡើងថវិកាការពារជាតិ និងការទិញលក់អាវុធជាបន្ទាន់៕
ដោយ៖ ឈាង
-
ព័ត៌មានជាតិ៣ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ១ សប្តាហ៍ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ១ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ២ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៤ ម៉ោង agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
សន្តិសុខសង្គម១ សប្តាហ៍ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន