ព័ត៌មានអន្ដរជាតិ

អាជ្ញាធរនឹងដាក់ទោសម្ចាស់ដ្រូនដែលប៉ះពារយន្តហោះក្នុងប្រតិបត្តិការពន្លត់អគ្គីភ័យនៅ Los Angeles

បានផុស

២ years មុន

នៅ

ថ្ងៃសៅរ៍ ១១ មករា ២០២៥

ដោយ

យន្តហោះពន្លត់អគ្គីភ័យដែលប្រតិបត្តិការនៅលើភ្លើងឆេះព្រៃតំបន់ Palisades បានប៉ះជាមួយយន្តហោះគ្មានមនុស្សបើក (ដ្រូន) ហើយអាជ្ញាធរអាចដាក់ពិន័យម្ចាស់ដ្រូនជាប់គុករយៈពេល១ឆ្នាំនិងពិន័យជាប្រាក់ចំនួន៧៥០០០ដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងការចុះផ្សាយរបស់ Sky News រដ្ឋបាលអាកាសចរណ៍សហព័ន្ធ (FAA) បានចេញសេចប្រកាសមួយឲ្យដឹងថា យន្តហោះដែលប្រតិបត្តិការក្នុងបេសកកម្មពន្លត់អគ្គីភ័យនោះ បានចុះចតដោយសុវត្ថិភាព បន្ទាប់ពីការប៉ះទង្គិចជាមួយដ្រូន ហើយ FAA កំពុងតែស៊ើបអង្កេតឧបត្តិហេតុដែលបានកើតឡើង។

តាមការចុះផ្សាយដែលស្រង់ខ្លឹមសារពីសេចក្តីប្រកាសរបស់ FAA វាជាបទល្មើសចំពោះការរំខានកិច្ចខិតខំប្រឹងប្រែងពន្លត់អគ្គីភ័យនៅទីសាធារណៈដែលអ្នកប្រព្រឹត្តនឹងត្រូវទទួលទោសជាប់គុករហូតដល់១២ខែ ហើយ FAA ក៏នឹងអាចពិន័យម្ចាស់ដ្រូននោះរហូតដល់ទឹកប្រាក់៧៥០០០ដុល្លារ ចំពោះសកម្មភាពរំខាននេះចំពោះការឆ្លើយតប់ការពន្លត់ភ្លើងឆេះព្រៃ។

Sky news បានស្រង់សេចក្តីប្រកាសនោះថា៖«FAA ចាត់ការរឿងនេះដោយតឹងរឹងបំផុតនិង ពិចារណាចាត់វិធានការអនុវត្តយ៉ាងបន្ទាន់ចំពោះបទល្មើសបែបនេះ»។

យោងការចេញផ្សាយរបស់ CNN យន្តហោះដែលបានបុកជាមួយដ្រូនស៊ីវិលនោះជា ប្រភេទយន្តហោះ CL-415 ដែលផ្ទុកទឹកបានច្រើនដែលគេហៅថា “Super Scooper” របស់កាណាដាដែលប្រតិបត្តិការពន្លត់អគ្គីភ័យនៅ Palisades កាលពីថ្ងៃព្រហស្បតិ៍។ វាអាចផ្ទុកទឹកបានរហូតដល់ ១៥០០ហ្កាឡុន ដើម្បីទម្លាក់នៅកន្លែងភ្លើងឆេះ៕

ដោយ រ៉ាន់ រើយ