Connect with us

ព័ត៌មានអន្ដរជាតិ

លោក បៃដិន ជំរុញ​ឲ្យ​មាន​បទ​ឈប់បាញ់​ជា​បន្ទាន់​នៅ​ហ្គាហ្សា មុន​ចាក​ចេញ​ពី​តំណែង

បានផុស

នៅ

ប្រធានាធិបតីអាមេរិកលោក ចូ បៃដិន និងនាយករដ្ឋមន្ត្រីអ៊ីស្រាអែលលោក បេនចាមីន ណេតាន់យ៉ាហ៊ូ កាលពីថ្ងៃអាទិត្យ​ទី​១២​​ខែ​ធ្នូ​ឆ្នាំ​២០២៥បានពិភាក្សាគ្នា​តាម​​រយៈ​ការ​ហៅ​ទូរសព្ទ​អំពីកិច្ច​ចរចានៅតំបន់ហ្គាហ្សាដែលកំពុងបន្ត​ធ្វើ​​ឡើង​នៅក្នុងរដ្ឋធានី Doha នៃ​ប្រទេសកាតា។

លោក ចូ បៃដិន និង​លោក បេនចាមីន ណេតាន់យ៉ាហ៊ូ (រូបភាព៖ Getty)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេតវិមាន បាន​ប្រកាស​នៅក្នុងសេចក្តីថ្លែងការណ៍មួយថា៖ លោក បៃដិន «បានសង្កត់ធ្ងន់លើតម្រូវការជាបន្ទាន់សម្រាប់បទឈប់បាញ់នៅហ្គាហ្សា និងការវិលត្រឡប់នៃចំណាប់ខ្មាំងជាមួយនឹងការកើនឡើងនៃជំនួយមនុស្សធម៌ ដែលត្រូវបានអនុញ្ញាតដោយការបញ្ឈប់នៅក្នុងការប្រយុទ្ធក្រោមកិច្ចព្រមព្រៀង»។

លោក បៃដិន ក៏បានពិភាក្សា​គ្នា​អំពីការវិវត្ត​ក្នុងតំបន់ រួមទាំងកិច្ចព្រមព្រៀងឈប់បាញ់នៅលីបង់ ការដួលរលំនៃរបបលោក Assad នៅក្នុងប្រទេសស៊ីរី និងប្រទេសអ៊ីរ៉ង់ ផង​ដែរ។

ចំណែកលោក ណេតាន់យ៉ាហ៊ូ បានថ្លែងអំណរគុណដល់លោក បៃដិន ចំពោះ​ការគាំទ្រ​​​របស់​សហរដ្ឋអាមេរិក សម្រាប់សន្តិសុខ និងការពារជាតិរបស់អ៊ីស្រាអែល។

កាលពីសប្តាហ៍មុន លោក បៃដិន បានប្រាប់អ្នកយកព័ត៌មានថា វឌ្ឍនភាពមួយចំនួន​កំពុងត្រូវបានធ្វើឡើងនៅក្នុងកិច្ចពិភាក្សាផ្លាស់ប្តូរអ្នកទោស។ លោកប្រធានាធិបតី បាននិយាយថា គាត់សង្ឃឹមថារដ្ឋបាលរបស់គាត់អាចសម្រេច​បាន​នូវ​កិច្ចព្រមព្រៀងបែបនេះមុនពេល​ចាក​​ចេញ​ពី​តំណែង​នា​ថ្ងៃ​ទី​២០​​​ខែមករា​ខាង​មុខ។

កិច្ចពិភាក្សាផ្លាស់ប្តូរអ្នកទោស និងបទឈប់បាញ់ ដែលសម្របសម្រួលដោយកាតា អេហ្ស៊ីប និងអាមេរិក ត្រូវបានរំខានជាច្រើនលើក ដោយសារលក្ខខណ្ឌថ្មីដែលដាក់ដោយលោក ណេតាន់យ៉ាហ៊ូ។

ក្រុមប្រឆាំងអ៊ីស្រាអែល និងក្រុមគ្រួសារនៃចំណាប់ខ្មាំង បាន​ចោទ​ប្រកាន់​លោក ណេតាន់យ៉ាហ៊ូ ពីការរារាំងកិច្ចខិតខំប្រឹងប្រែងដើម្បីឈានដល់បទឈប់បាញ់នៅហ្គាហ្សា និងកិច្ចព្រមព្រៀងផ្លាស់ប្តូរអ្នកទោសជាមួយក្រុមហាម៉ាស។

កងទ័ពអ៊ីស្រាអែល បានបន្តសង្រ្គាម​របស់​ខ្លួន​​នៅ​តំបន់ហ្គាហ្សា ដែលបានសម្លាប់​មនុស្ស​ជាង ៤៦ ៥០០​នាក់ ភាគច្រើនជាស្ត្រី និងកុមារ ចាប់តាំងពីថ្ងៃទី​៧​ខែតុលា​ឆ្នាំ​២០២៣ ទោះបីជាមានសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ​អំពាវនាវឲ្យ​មានបទឈប់បាញ់ជាបន្ទាន់ក៏ដោយ។

តុលាការឧក្រិដ្ឋកម្មអន្តរជាតិ បានចេញដីកាចាប់ខ្លួន​​នាយករដ្ឋមន្ត្រី​អ៊ីស្រាអែល និងអតីតរដ្ឋមន្ត្រីការពារជាតិលោក Yoav Gallant ​កាលពីខែវិច្ឆិកា​ពីបទឧក្រិដ្ឋកម្មសង្រ្គាម និងឧក្រិដ្ឋកម្មប្រឆាំងមនុស្សជាតិ។

អ៊ីស្រាអែល​ក៏​ប្រឈមមុខ​នឹង​សំណុំរឿង​ប្រល័យពូជសាសន៍​នៅ​តុលាការ​យុត្តិធម៌​អន្តរជាតិ​សម្រាប់​សង្រ្គាម​នៅ​ហ្គាហ្សា​ផងដែរ៕

ដោយ៖ ឈាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ឡានក្រុងបុកចូលផ្ទះ
សន្តិសុខសង្គម៧ ម៉ោង មុន

ឡានក្រុងជ្រុលបុកផ្ទះពលរដ្ឋ សង្ស័យបើកបរក្នុងស្ថានភាពងងុយដេក

ព័ត៌មានជាតិ៧ ម៉ោង មុន

នគរបាលចរាចរណ៍ភ្នំពេញនឹងចាប់ផ្ដើមរឹតបន្ដឹងការអនុវត្តច្បាប់ពីថ្ងៃច័ន្ទទៅ

ព័ត៌មានអន្ដរជាតិ៨ ម៉ោង មុន

ដូណាល់ ត្រាំ សើរើ​​និង​ត្រូវការ​ដឹង​លម្អិត​ ស្តីពីការធ្វើឃាត​រូប​លោក​​

ព័ត៌មានជាតិ២០ ម៉ោង មុន

នៅរាត្រីថ្ងៃសៅរ៍ទី០៨ ខែកុម្ភៈ​នេះ ភ្ញៀវជាតិ-អន្តរជាតិមកដើរលេងកំសាន្តនៅផ្លូវថ្មើរជើង (Walk Street) ច្រើន បើប្រៀបធៀប សប្តាហ៍មុន

ព័ត៌មានជាតិ២២ ម៉ោង មុន

តុលាការដោះលែង បុគ្គល ពេជ ពិសិដ្ឋ ឱ្យមានសេរីភាពឡើងវិញ បន្ទាប់ពីទទួលស្គាល់កំហុសថាបានប្រមាថថ្នាក់ដឹកនាំរដ្ឋាភិបាល

Sokha Hotels

ព័ត៌មានពេញនិយម