ខណៈប្រទេសកំពុងបាតុកម្ម មីយ៉ាន់ម៉ា មានករណីឆ្លង និងស្លាប់ដោយកូវីដប៉ុន្មានហើយ

ប្រទេសមីយ៉ាន់ម៉ាបានរាយការណ៍ពីករណីឆ្លងថ្មីនៃជំងឺកូវីដ ១៩ ចំនួន ១៧ ករណីក្នុងរយៈពេល ២៤ ម៉ោងចុងក្រោយនេះ ។ បើយោងតាមការចេញផ្សាយពីក្រសួងសុខាភិបាល និងកីឡា កាលពីថ្ងៃអង្គារ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រហូតមកដល់ពេលនេះចំនួនអ្នកឆ្លងជំងឺកូវីដ ១៩ នៅក្នុងប្រទេសមីយ៉ាន់ម៉ាបានកើនឡើងដល់ ១៤២,១៧៩ នាក់ ហើយចំនួនអ្នកស្លាប់មាន ៣,២០៣ នាក់ ។

ទន្ទឹមនោះអ្នកជំងឺសរុបចំនួន ១៣១,៧៤៨ នាក់បានជាសះស្បើយ ហើយបានចេញពីមន្ទីរពេទ្យ ខណៈរហូតមកដល់ពេលនេះមានសំណាកចំនួន ១,២៦១ ត្រូវបានធ្វើតេស្តកាលពីថ្ងៃអង្គារពោលគឺធ្លាក់ចុះពីចំនួន ១០,០០០ សំណាកដែលត្រូវបានធ្វើតេស្តជារៀងរាល់ថ្ងៃនៅសប្តាហ៍ដំបូងនៃខែមុន ។

ប្រទេសមីយ៉ាន់ម៉ាហាក់ដូចជាមិនបានបង្ហាញពីការធ្វើតេស្តរកជំងឺកូវីដ ១៩ ទ្រង់ទ្រាយធំណាមួយឡើយ បន្ទាប់ពីប្រទេសនេះកំពុងជួបភាពវឹកវរដោយសារតែការធ្វើរដ្ឋប្រហាររបស់យោធាកាលពីថ្ងៃទី ១ ខែកុម្ភៈ ។

UN និយាយថា យ៉ាងហោចណាស់មានមនុស្ស ១៨៣ នាក់ត្រូវបានសម្លាប់ និងមនុស្សជាង ២,០០០ នាក់ត្រូវបានចាប់ឃុំខ្លួននៅទូទាំងប្រទេសដោយកងកម្លាំងយោធាមីយ៉ាន់ម៉ាក្នុងនោះរួមទាំងទីប្រឹក្សារដ្ឋលោកស្រី អ៊ុងសាន ស៊ូជី លោកប្រធានាធិបតី U Win Myint និងឥស្សរជនជាន់ខ្ពស់ជាច្រើនទៀតនៃគណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ ខ្លាំងទៅៗហើយ! យោធាមីយ៉ាន់ម៉ាចេញដីកាចាប់ខ្លួនប្រេសិតពិសេសប្រចាំ UN

ចុចអាន ៖ មិនធូរស្បើយឡើយ! ចំនួនបាតុករ ស្លាប់ក្នុងរដ្ឋប្រហារយោធាមីយ៉ាន់ម៉ាកើនឡើងទៀតហើយ