ព័ត៌មានអន្ដរជាតិ

ប្រធានាធិបតីស្តីទីកូរ៉េខាងត្បូងវេតូច្បាប់ចំនួន៦តាក់តែងដោយបក្សប្រឆាំង

បានផុស

១ year មុន

នៅ

ថ្ងៃពុធ ២២ មករា ២០២៥

ដោយ

ចាប់តាំងពីទទួលភារកិច្ចជាប្រធានាធិបតីស្តីទីរបស់ប្រទេសកូរ៉េខាងត្បូង កាលពីចុងខែធ្នូឆ្នាំ២០២៤ លោក Choi Sang-mok បានប្រើសិទ្ធិវេតូ (បដិសេធ) មិនចេញក្រឹត្យដាក់ឲ្យប្រើប្រាស់ច្បាប់ចំនួន៦ដែលដឹកនាំបង្កើតដោយគណបក្សប្រជាជាធិបតេយ្យ ដែលជាបក្សប្រឆាំងដ៏ធំ។

ប្រធានាធិបតីស្តីទីកូរ៉េខាងត្បូង លោក Choi Sang-mok។ Reuter

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីក្រសួងហិរញ្ញវត្ថុ លោក Choi Sang-mok ដែលបានកាន់តួនាទីជាប្រធានាធិបតីស្តីទីបន្តពីលោក Han Duck-soo ដែលត្រូវបានសភាបោះឆ្នោតទម្លាក់កាលពីថ្ងៃទី២៧ខែធ្នូឆ្នាំ២០២៤ ស្ទើរតែត្រូវសភាដែលដឹកនាំដោយគណបក្សប្រជាធិបតេយ្យកូរ៉េ (KDP) ដោយសារតែលោកអល់ឯកក្នុងការតែងតាំងចៅក្រមតុលាការធម្មនុញ្ញតាមការស្នើរបស់រដ្ឋសភានៅដើមខែមករា។

ប៉ុន្តែភាពចម្រូងចម្រាសនៃការប៉ងបោះឆ្នោតទម្លាក់នេះបានបន្ថយកម្តៅវិញ បន្ទាប់ពីលោក Choi Sang-mok បានយល់ព្រមចេញក្រឹត្យតែងតាំងចៅក្រម២រូបសម្រាប់បំពេញជំនួសចៅក្រមដែលអស់សុពលភាពក្នុងតុលាការធម្មនុញ្ញដែលមានចៅក្រមសរុប៩រូប។

ក្នុងកិច្ចប្រជុំគណៈរដ្ឋមន្ត្រីកាលពីថ្ងៃអង្គារប្រធានាធិបតីស្តីទីរូបនេះ បានទាមទារឱ្យរដ្ឋសភាពិចារណាឡើងវិញនូវសេចក្តីព្រាងច្បាប់ចំនួនបីដែលដឹកនាំតាក់តែងឡើងដោយគណបក្សប្រឆាំង ដែលក្នុងនោះមានច្បាប់មួយស្នើឱ្យអនុម័តសម្ភារៈអប់រំដែលបង្កើតដោយបញ្ញាសិប្បនិម្មិត (AI) ។

ប្រធានាធិបតីស្តីទី Choi Sang-mok បានស្នើឲ្យសភាពិចារឡើងវិញ ដោយភ្ជាប់ជាមួយការទាមទារឲ្យការរៀបចំច្បាប់នេះធ្វើឡើងក្នុងក្របខ័ណ្ឌបក្សទាំងពីរ។

តាមការផ្សាយរបស់ Yonhap លោក Choi Sang-mok បាននិយាយក្នុងអំឡុងកិច្ចប្រជុំគណៈរដ្ឋមន្ត្រីថា៖«ខ្ញុំបានពិនិត្យដោយប្រុងប្រយ័ត្ននូវអត្ថបទច្បាប់ទាំងនេះជាមួយសមាជិកគណៈរដ្ឋមន្ត្រី» ដោយជំរុញឱ្យភាគីគូប្រជែងធ្វើការកែលម្អ និងចូលរួមក្នុងកិច្ចសន្ទនាបន្ថែមទៀតដើម្បីស្វែងរកដំណោះស្រាយកាន់តែប្រសើរឡើង។

ចាប់តាំងពីការឡើងកាន់តំណែងជាអ្នកដឹកនាំបណ្តោះអាសន្នកាលពីខែមុនមក លោក Choi បានបដិសេធលើសេចក្តីព្រាងច្បាប់ចំនួនប្រាំមួយ ដែលតាក់តែងរៀបចំឡើងដោយគណបក្សប្រឆាំង។ ក្នុងចំណោមការបដិសេធទាំងនោះ ក៏រួមទាំងសេចក្តីព្រាងច្បាប់បង្កើតក្រុមស៊ើបអង្កេតពិសេសចំនួនពីរ ដែលទាក់ទងនឹងច្បាប់អាជ្ញាសឹកដែលបរាជ័យរបស់លោកប្រធានាធិបតី Yoon Suk Yeol៕

ដោយ រ៉ាន់ រើយ