ព័ត៌មានអន្ដរជាតិ
រថយន្តប្រធានាធិបតីស៊ែប៊ី កំពុងបើកសុខៗស្រាប់តែរបូតកង់១គ្រាប់
យោងតាមសារព័ត៌មាន RT រថយន្តដែលកំពុងដឹកប្រធានាធិបតីស៊ែប៊ី លោក Aleksandar Vucic បានរបូតកង់១គ្រាប់ចេញពីឡាន ខណៈកំពុងធ្វើដំណើរនៅតាមដងផ្លូវ ដែលនេះគឺជាឧបទ្ទវហេតុដ៏កម្រកើតឡើងនៅលើប្រមុខដឹកនាំយ៉ាងដូច្នេះ។
ទីភ្នាក់ងាររដ្ឋស៊ែប៊ី បច្ចុប្បន្នកំពុងចាប់ផ្តើមការស៊ើបអង្កេតលើហេតុការណ៍នេះ។ ថ្វីត្បិតកង់របូតចេញពីរថយន្តក៏ពិតមែន តែអ្នកបើកបរដែលកំពុងធ្វើដំណើរក្នុងល្បឿនលឿន បានបញ្ឈប់រថយន្តដោយសុវត្ថិភាព។ ក្រោយមកក្រុមសន្តិសុខបានត្រួតពិនិត្យរថយន្ត ហើយក៏ពុំមានសេចក្ដីរាយការណ៍អំពីការរងរបួសអ្វីដែរ ចំណែកឯលោកប្រធានាធិបតីវិញត្រូវបានផ្ទេរទៅរថយន្តមួយគ្រឿងទៀត ដើម្បីធ្វើដំណើរបន្ត។
ចំពោះហេតុការណ៍នេះ លោក Vucic ផ្ទាល់បាននិយាយថា គេមិនទាន់ដឹងថា នេះបណ្ដាលមកពីរថយន្តខូច ឬខុសបច្ចេកទេសអ្វីឡើយ ដោយរឿងនេះនឹងត្រូវស៊ើបអង្កេតដោយសមត្ថកិច្ច។
ហេតុការណ៍នេះ កើតឡើងកាលពីថ្ងៃទី៨ខែកុម្ភៈ ខណៈលោក Vucic កំពុងធ្វើដំណើរនៅតាមផ្លូវទៅកាន់ភូមិ Mokrina ក្នុងទីក្រុង Kikinda។
ជាការកត់សម្គាល់ ឧបទ្ទវហេតុនេះ បានកើតឡើងខណៈពេលដែលលោក Vucic កំពុងដោះស្រាយបាតុកម្មប្រឆាំងរដ្ឋាភិបាលនៅក្នុងប្រទេសស៊ែប៊ី។ ចាប់តាំងពីខែវិច្ឆិកាឆ្នាំ២០២៤ ក្រុមនិស្សិតបាននាំគ្នាធ្វើបាតុកម្ម ដោយចោទប្រកាន់រដ្ឋបាលលោក Vucic ពីបទពុករលួយ។
កំហឹងនៃបាតុករ បង្កឡើងក្រោយព័ត៌មាននៃការបាក់រលំដំបូងអគារមួយកន្លែងនៅទីក្រុង Novi Sad ដែលបានសម្លាប់មនុស្សចំនួន ១៤នាក់។ ពួកគេលើកឡើងថា ការបាក់រលំនេះបណ្ដាលមកពីអសមត្ថភាព និងអំពើពុករលួយនៅក្នុងជួររដ្ឋាភិបាល។ បាតុកម្មនេះ បានធ្វើឲ្យនាយករដ្ឋមន្ត្រីស៊ែប៊ី លោក Miloš Vučević ចុះចេញពីតំណែងកាលពីថ្ងៃទី២៨ខែមករាឆ្នាំ២០២៥៕
ដោយ៖ ឈាង
វីតាល់ សហការជាមួយមជ្ឈមណ្ឌលជាតិឈាម រៀបចំយុទ្ធនាការបរិច្ចាគឈាមស្ម័គ្រចិត្តជាលើកទី១ នៅខេត្តសៀមរាប
មិនពេញចិត្តតម្លៃទូទាត់សំណងធានារ៉ាប់រង អាចប្តឹងមកនិយ័តករធានារ៉ាប់រងកម្ពុជា
រាជរដ្ឋាភិបាលកម្ពុជា បង្កើតពានរង្វាន់ជាលើកដំបូង វាយតម្លៃរោងចក្រសហគ្រាស នៅកម្ពុជា ដែលមានភាពសុខសាន្ត ដើម្បីអបអរទិវាពលកម្មអន្តរជាតិ១ឧសភា
មនុស្សរាប់សិបម៉ឺននាក់តម្រង់ជួរ១០គីឡូដីនៅស្រីលង្កា ដើម្បីចាំមើលធ្មេញស័ក្ដិសិទ្ធិមួយគ្រាប់
កម្ពុជាប្ដេជ្ញាសម្រេចឱ្យបានគោលដៅគ្មានជំងឺគ្រុនចាញ់ មុនដាច់ឆ្នាំនេះ
សមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
Breaking News៖ អគ្គិភ័យកំពុងឆេះឃ្លាំងស្តុកម៉ាស៊ីនត្រជាក់នៅខណ្ឌច្បារអំពៅ
ប៉ូឡូញ ចល័តយន្តហោះចម្បាំងយ៉ាងបន្ទាន់បំផុត ក្រោយរុស្ស៊ី វាយអ៊ុយក្រែន កៀកព្រំដែនខ្លួន
លោក ទីវ តារារិទ្ធ ត្រូវបង្ខំចិត្តវិលមកកម្ពុជាវិញភ្លាមៗ ព្រោះតែលក្ខខណ្ឌតម្រូវស្នើសុំ Visa
រុស្ស៊ីគំរាមម្តងទៀត! សង្គ្រាមលោកលើកទី៣ អាចផ្ទុះ បើណាតូ ហ៊ានបញ្ជូនទ័ពទៅ អ៊ុយក្រែន
-
ចរាចរណ៍៣ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានអន្ដរជាតិ១ សប្តាហ៍ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានជាតិ២០ ម៉ោង agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ២ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
សុខភាព៤ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ២ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
សន្តិសុខសង្គម១ ថ្ងៃ agoនគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម
-
ព័ត៌មានអន្ដរជាតិ១ សប្តាហ៍ agoខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា