ព័ត៌មានអន្ដរជាតិ
Elon Musk លូកមាត់លូក ក រឿងសង្គ្រាមនៅអ៊ុយក្រែន ទាមទារឲ្យ ហ្សេលេនស្គី រៀបចំការបោះឆ្នោត
មហាសេដ្ឋីលំដាប់ពិភពលោក Elon Musk បានគាំទ្រជាសាធារណៈចំពោះការអំពាវនាវឲ្យអ៊ុយក្រែនរៀបចំការបោះឆ្នោត ស្របតាមការកត់សម្គាល់នាពេលថ្មីៗនេះរបស់ប្រធានាធិបតីអាមេរិក លោក ដូណាល់ ត្រាំ ថ្វីត្បិតប្រទេសមួយនេះកំពុងស្ថិតនៅក្នុងសង្គ្រាមទប់ទល់នឹងការឈ្លានពានពីរុស្ស៊ីក៏ដោយ។
សេចក្តីថ្លែងការណ៍មួយរបស់លោក Musk ដែលជាទីប្រឹក្សាជាន់ខ្ពស់របស់លោក ត្រាំ ត្រូវបានបង្ហោះនៅលើបណ្ដាញសង្គម X កាលពីថ្ងៃទី១៩កុម្ភៈថា៖ «លោក ហ្សេលេនស្គី (ប្រធានាធិបតីអ៊ុយក្រែន) មិនអាចទាមទារធ្វើជាតំណាងឆន្ទៈរបស់ប្រជាជនអ៊ុយក្រែនបានទេ លុះត្រាតែគាត់ស្តារសេរីភាពសារព័ត៌មាន និងបញ្ឈប់ការលុបចោលការបោះឆ្នោត»។
នៅក្នុងសារនោះ លោក Musk បានភ្ជាប់ជាមួយការចែករំលែកមួយពាក់ព័ន្ធនឹងការរៀបចំការបោះឆ្នោតអាមេរិក ក្នុងអំឡុងព្រឹត្តិការណ៍សង្គ្រាមស៊ីវិល និងសង្គ្រាមលោកលើកទី២។
លោកប្រធានាធិបតី ត្រាំ ថ្មីៗនេះបានរិះគន់ប្រធានាធិបតីអ៊ុយក្រែនលោក វ៉ុលឡូឌីមៀរ ហ្សេលេនស្គី ដោយសំដៅលើគាត់ថាជា «ជនផ្តាច់ការ» បន្ទាប់ពីការព្យួរការបោះឆ្នោតរបស់អ៊ុយក្រែនដោយសារតែសង្រ្គាមដែលកំពុងបន្ត។ លោក ត្រាំ បានសង្កត់ធ្ងន់លើភាពចាំបាច់សម្រាប់អ៊ុយក្រែន ដើម្បីធ្វើការបោះឆ្នោតដើម្បីរក្សាភាពស្របច្បាប់តាមលទ្ធិប្រជាធិបតេយ្យ។
ជាការឆ្លើយតប លោក ហ្សេលេនស្គី បានបង្ហាញពីបំណងចង់ឲ្យមានការសន្ទនាក្នុងន័យស្ថាបនាជាមួយសហរដ្ឋអាមេរិក និងបានកោតសរសើរចំពោះការគាំទ្រពីសភាអាមេរិក។ លោកក៏បានលើកឡើងអំពីការផ្អាកការបោះឆ្នោត ដោយនិយាយពីបញ្ហាប្រឈមដែលបង្កឡើងដោយជម្លោះបច្ចុប្បន្ន និងសង្កត់ធ្ងន់លើតម្រូវការសម្រាប់ការធានាសន្តិសុខសម្រាប់អ៊ុយក្រែន។
ការអត្ថាធិប្បាយរបស់លោក ត្រាំ បានទាញឲ្យមានប្រតិកម្មខុសៗគ្នាពីមេដឹកនាំអន្តរជាតិ។ សម្ព័ន្ធមិត្តអ៊ឺរ៉ុប និងគណបក្សសាធារណរដ្ឋមួយចំនួនរបស់អាមេរិក បានប្រកែកថា អ៊ុយក្រែនមានហេតុផលត្រឹមត្រូវក្នុងការផ្អាកការបោះឆ្នោតអំឡុងពេលមានការឈ្លានពាន ហើយថា ការរិះគន់លើលោក ហ្សេលេនស្គី គឺជារឿងខុស។
ការវិវឌ្ឍទាំងនេះ កើតឡើងចំពេលដែលការចរចាសន្តិភាពរវាងអាមេរិក និងរុស្ស៊ីកំពុងបន្ត ដោយមានការព្រួយបារម្ភអំពីការដកអ៊ុយក្រែនចេញពីកិច្ចពិភាក្សាមួយចំនួន។ ស្ថានភាពនេះ គូសបញ្ជាក់អំពីបញ្ហាដ៏ស្មុគស្មាញនៃការទូតអន្តរជាតិ និងបញ្ហាប្រឈមដែលអ៊ុយក្រែនកំពុងជួបប្រទះ ក្នុងការធ្វើឲ្យមានតុល្យភាពអភិបាលកិច្ចផ្ទៃក្នុងជាមួយនឹងសម្ពាធពីខាងក្រៅ៕
ដោយ៖ ឈាង
-
ព័ត៌មានអន្ដរជាតិ៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានជាតិ៧ ថ្ងៃ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៥ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ៥ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត