Connect with us

ព័ត៌មានអន្ដរជាតិ

រុស្ស៊ី ដាច់ចិត្ត ទម្លាយវីដេអូនៃការហ្វឹកហ្វឺនទ័ពកូរ៉េខាងជើង 

បានផុស

នៅ

ក្រោយទីក្រុងព្យុងយ៉ាងទទួលស្គាល់ជាសាធារណៈថា ខ្លួនពិតជាបញ្ជូនទាហានទៅជួយកងកម្លាំងលោកពូទីន ច្បាំងនឹងអ៊ុយក្រែនមែននោះ ស្រាប់តែប្រព័ន្ធផ្សព្វផ្សាយរុស្ស៊ី ដាច់ចិត្ត ទម្លាយវីដេអូបង្ហាញពីទ័ពកូរ៉េខាងជើង កំពុងហ្វឹកហ្វឺនត្រៀមប្រយុទ្ធនៅឯតំបន់ Kursk។

កូរ៉េខាងជើង កំពុងហ្វឹកហ្វឺនត្រៀមប្រយុទ្ធនៅឯតំបន់ Kursk (រូបថត៖ Rossiyskaya Gazeta)

តាមរយៈវីដេអូដែលចេញផ្សាយកាលពីថ្ងៃចន្ទទី២៨ខែមេសាឆ្នាំ២០២៥ គេឃើញទាហានកូរ៉េខាងជើងពាក់ឯកសណ្ឋានយោធារុស្ស៊ី កំពុងហ្វឹកហាត់ការវាយឆ្មក់ ការបោសសម្អាតលេណដ្ឋាន ការពារបន្ទាយ បាញ់ស៊ីប និងការប្រឆាំងទៅដ្រូនអត្តឃាតរបស់សត្រូវនៅឯទីលានហ្វឹកហាត់ក្នុងខេត្ត Kursk។

ទាហានទាំងនោះក៏មានកាន់កាំភ្លើង AK-12, កាំភ្លើងយន្ត RPK-74, កាំភ្លើងប្រឆាំងរថក្រោះ RPG-7,  កាំភ្លើងស៊ីប SVD, កាំភ្លើងខ្លីពាក់កណ្តាលស្វ័យប្រវត្តិនិងគ្រាប់បែកដៃផងដែរ។

កូរ៉េខាងជើង កំពុងហ្វឹកហ្វឺនត្រៀមប្រយុទ្ធនៅឯតំបន់ Kursk (រូបថត៖ ក្រសួងការពារជាតិរុស្ស៊ី)

មុននេះ កាសែតរដ្ឋកូរ៉េខាងជើង​ Rodong Sinmun បានចុះផ្សាយនៅទំព័រមុខតែម្តង ដោយបញ្ជាក់ពីការទទួលស្គាល់ជាផ្លូវការថា កូរ៉េខាងជើង ពិតជាបញ្ជូនទ័ពទៅជួយរុស្ស៊ី ប្រយុទ្ធនឹងកងកម្លាំងអ៊ុយក្រែន នៅក្នុងសង្គ្រាមមែន ខណៈការបញ្ជូននេះ ត្រូវបានបញ្ជាដោយមេដឹកនាំ គីម ជុងអ៊ុន ផ្ទាល់តែម្តង។

ក្នុងសេចក្តីថ្លែងការណ៍ដែលចុះផ្សាយដោយកាសែតខាងលើ, គណបក្សពលករកូរ៉េខាងជើង បានចាត់ទុកការដាក់ពង្រាយនោះថា ជាការបង្ហាញអំពីមិត្តភាពសកម្មប្រយុទ្ធដ៏រឹងមាំកម្រិតខ្ពស់បំផុតរវាងកូរ៉េខាងជើងនិងរុស្ស៊ី។

ក្រោយមក វិមានក្រឹមឡាំង ក៏បញ្ជាក់​ថា រុស្ស៊ី​បាន​ត្រៀមផ្តល់ជំនួយយោធាដល់កូរ៉េខាងជើងវិញ ប្រសិនបើចាំបាច់ ស្របតាមកិច្ចព្រមព្រៀងភាពជាដៃគូយុទ្ធសាស្ត្រដែលបានចុះហត្ថលេខារវាងប្រជាជាតិទាំងពីរក្នុងខែវិច្ឆិកា​ឆ្នាំ​២០២៤។

លោក វ៉្លាឌីមៀរ ពូទីន ប្រធានាធិបតី​រុស្ស៊ី និង​លោក គីម ជុងអ៊ុន មេ​ដឹក​នាំ​កូរ៉េ​ខាង​ជើង (រូបថត៖ AP)

អ្នកនាំពាក្យវិមានក្រឹមឡាំងលោក Dmitry Peskov សង្កត់ធ្ងន់ថា កិច្ចព្រមព្រៀងនេះ មានកាតព្វកិច្ច​​តម្រូវ​ឲ្យ​ប្រទេសទាំងពីរផ្តល់ការគាំទ្រគ្នាទៅវិញទៅមក ក្នុងគ្រាចាំបាច់។ ការចូលរួមរបស់ទាហានកូរ៉េខាងជើងក្នុងកិច្ចខិតខំប្រឹងប្រែងរបស់រុស្ស៊ី ដើម្បីដណ្តើមយកមកវិញនូវតំបន់ព្រំដែន Kursk បានបង្ហាញ​ច្បាស់​អំពីប្រសិទ្ធភាពនៃកិច្ចព្រមព្រៀងភាពជាដៃគូយុទ្ធសាស្ត្រ​នេះ។

របាយការណ៍កន្លង​មក បង្ហាញថា ទាហានកូរ៉េខាងជើងប្រហែល ១០ ០០០​ ទៅ​ ១២ ០០០​នាក់ត្រូវបានដាក់ពង្រាយ ដោយ​ក្នុង​នោះ​មាន​ស្លាប់​និងរបួស​​ប្រហែល ៤ ០០០​នាក់។ ជាការតបស្នងវិញ រុស្ស៊ី បានផ្គត់ផ្គង់សព្វាវុធដល់កូរ៉េខាងជើង ដោយបង្កើនការព្រួយបារម្ភក្នុងចំណោមមន្ត្រីអាមេរិក និងកូរ៉េខាងត្បូងអំពីការផ្ទេរបច្ចេកវិទ្យាយោធាដែលមានសក្តានុពល ដែលអាចបង្កើនសមត្ថភាពនុយក្លេអ៊ែររបស់ទីក្រុងព្យុងយ៉ាង៕

សូមទស្សនាវីដេអូ៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សុខ សុវណ្ណ

ចុចអាន៖ អន្តរជាតិប្រតិកម្មខ្លាំងៗ ក្រោយកូរ៉េខាងជើង ទទួលស្គាល់ បញ្ជូនទ័ពទៅជួយច្បាំងរុស្ស៊ី

Helistar Cambodia - Helicopter Charter Services
Sokimex Investment Group
ព័ត៌មានជាតិ៤ ម៉ោង មុន

ស៊ីម៉ាក់ បំផ្ទុះគ្រាប់បែកចង្កោម សេសស់​ពី​សង្គ្រាម១២០គ្រាប់ ក្រោយរកឃើញក្នុងរណ្ដៅ

ព័ត៌មានជាតិ៦ ម៉ោង មុន

ទិវា​ចងចាំ​នឹង​​ប្រារព្ធ​​ឡើង ក្នុង​កម្រិត​ធំ​ជាងឆ្នាំមុន ដោយ​មាន​អង្គទូត និង ពលរដ្ឋ​ចូល​រួម​ជិត១ម៉ឺននាក់

ព័ត៌មានជាតិ៧ ម៉ោង មុន

កូន​ស្វា​ដ៏​កម្រ ស្ទើរផុតពូជ៣ក្បាល ត្រូវ​ពលរដ្ឋ​សង្រ្គោះរួច​ប្រគល់​ជូនជំនាញមន្ទីរ​បរិស្ថាន​

ព័ត៌មានជាតិ៧ ម៉ោង មុន

ដំណើរជិះកង់សប្បុរសធម៌ តារារិទ្ធ ត្រូវចាត់ទុកជាបេសកកម្មដ៏មានតម្លៃ និងបានការយកចិត្តទុកដាក់ពីរដ្ឋមន្ត្រីព័ត៌មាន

ព័ត៌មានអន្ដរជាតិ១០ ម៉ោង មុន

ខេត្តភូកេតប្រទេសថៃប្រកាសអាសន្នទឹកជំនន់

ព័ត៌មានជាតិ១៥ ម៉ោង មុន

រតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ

ព័ត៌មានអន្ដរជាតិ១៦ ម៉ោង មុន

រថយន្តក្រុង​រដ្ឋ​ដឹកអ្នកដំណើរជាង​៥០នាក់​​ ធ្លាក់​ចូល​ជ្រលងភ្នំ​នៅស្រីលង្កា​ មិនទាន់​ដឹង​មូលហេតុ​

ព័ត៌មានអន្ដរជាតិ២០ ម៉ោង មុន

ហ្សេលេនស្គី ព្រមជួបពូទីន ទល់មុខ នៅតួកគី តែមានលក្ខខណ្ឌមួយ 

ព័ត៌មានជាតិ១៧ ម៉ោង មុន

ពលរដ្ឋ ថា ទុរេនមួនថងវៀតណាម លក់ជាច្រើនកន្លែងក្នុងខេត្តត្បូងឃ្មុំ តែគ្មានការត្រួតពិនិត្យ

ព័ត៌មានអន្ដរជាតិ១១ ម៉ោង មុន

រុស្ស៊ីប្រើ​ដ្រូន​ជាង​១០០​គ្រឿង​វាយ​អ៊ុយក្រែន មិន​ខ្វល់​ពី​ការ​គំរាម​និង​បទ​ឈប់បាញ់​អឺរ៉ុប

Sokha Hotels

ព័ត៌មានពេញនិយម