ព័ត៌មានអន្ដរជាតិ
ឥណ្ឌាចោទប៉ាគីស្ថានពីការបំពានបទឈប់បាញ់ ហើយប្រកាសវាយប្រហារសងសឹកវិញភ្លាមៗ
យោងតាមការចុះផ្សាយរបស់សារព័ត៌មាន Economic Times នៅថ្ងៃទី១១ខែឧសភាឆ្នាំ២០២៥នេះ ប៉ុន្មានម៉ោងបន្ទាប់ពីការប្រកាសបទឈប់បាញ់ដែលសម្របសម្រួលដោយសហរដ្ឋអាមេរិក ឥណ្ឌាបានចោទប្រកាន់ប៉ាគីស្ថានថាបានរំលោភលើកិច្ចព្រមព្រៀង ដែលនាំឲ្យមានអរិភាពជាថ្មីនៅក្នុងតំបន់កាស្មៀរ។
ការបំផ្ទុះត្រូវបានគេរាយការណ៍នៅក្នុងទីក្រុង Srinagar និងផ្នែកផ្សេងទៀតនៃតំបន់កាស្មៀរដែលគ្រប់គ្រងដោយឥណ្ឌា។ រដ្ឋមន្ត្រីការបរទេសឥណ្ឌា លោក Vikram Misri បាននិយាយនៅក្នុងសន្និសីទទូរទស្សន៍មួយថា រយៈពេលប៉ុន្មានម៉ោងចុងក្រោយនេះ មានការរំលោភបំពានម្តងហើយម្តងទៀតពីភាគីប៉ាគីស្ថាន ហើយកងកម្លាំងប្រដាប់អាវុធឥណ្ឌាកំពុងបើកការវាយប្រហារឆ្លើយតបវិញភ្លាមៗ ចំពោះការរំលោភបំពានទាំងនេះ។ លោក Vikram Misri បានលើកឡើងថា៖ «យើងអំពាវនាវឲ្យប៉ាគីស្ថានចាត់វិធានការសមស្រប ដើម្បីដោះស្រាយការរំលោភបំពានទាំងនេះ និងដោះស្រាយស្ថានការណ៍ដោយភាពម៉ត់ចត់ និងការទទួលខុសត្រូវ»។
ដោយឡែក បើយោងតាមសារព័ត៌មាន Al Jazeera ជាការឆ្លើយតប ក្រសួងការបរទេសប៉ាគីស្ថាន បាននិយាយថា ខ្លួននៅតែប្តេជ្ញាចិត្តចំពោះកិច្ចព្រមព្រៀងបទឈប់បាញ់ ហើយថែមទាំងបន្ទោសឥណ្ឌាចំពោះការរំលោភបំពានទៅវិញ។ ជាគ្នានេះដែរ រដ្ឋមន្ត្រីក្រសួងព័ត៌មានប៉ាគីស្ថាន លោក Attaullah Tarar បានប្រាប់ទូរទស្សន៍ក្នុងស្រុក Geo News ថា៖ «មកទល់ពេលនេះ មិនទាន់មានការរំលោភលើបទឈប់បាញ់ណាមួយឡើយទេ»។
សូមជម្រាបជាថ្មី ភាពតានតឹងរវាងគូជម្លោះទាំងពីរបានកើនឡើងខ្ពស់ ចាប់តាំងពីថ្ងៃទី៧ខែឧសភាមក នៅពេលឥណ្ឌាបើកប្រតិបត្តិការ «Sindoor» ដោយផ្តោតលើអ្វីដែលខ្លួនបានពិពណ៌នាថាជាហេដ្ឋារចនាសម្ព័ន្ធភេរវករនៅក្នុងប្រទេសប៉ាគីស្ថាន ឆ្លើយតបទៅការវាយប្រហារភេរវកម្មនៅតំបន់កាស្មៀរគ្រប់គ្រងដោយឥណ្ឌាកាលពីថ្ងៃទី២២ខែមេសា ដែលសម្លាប់មនុស្ស ២៦នាក់។
ឥណ្ឌាអះអាងថា ការវាយប្រហារនោះបានសម្លាប់ពួកសកម្មប្រយុទ្ធយ៉ាងតិច១០០នាក់ ខណៈប៉ាគីស្ថានបានបញ្ជាក់តែពីរបាយការណ៍ស្លាប់របស់ជនស៊ីវិលប៉ុណ្ណោះ និងបានប្រកាសសងសឹកវិញ៕
ដោយ៖ ឈាង
-
ព័ត៌មានអន្ដរជាតិ៧ ថ្ងៃ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សេដ្ឋកិច្ច១៦ ម៉ោង agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ៦ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
កីឡា១ សប្តាហ៍ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានអន្ដរជាតិ១ សប្តាហ៍ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានជាតិ៥ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ២១ ម៉ោង agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
កីឡា១ សប្តាហ៍ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi