ព័ត៌មានអន្ដរជាតិ
ស្លាប់៦នាក់ បាត់ខ្លួន១៤នាក់ ក្រោយបាក់ដីអណ្ដូងរ៉ែមាសនៅឥណ្ឌូណេស៊ី
ដោយសារតែភ្លៀងធ្លាក់ខ្លាំងនៅថ្ងៃចន្ទទី១៩ខែឧសភានេះ ប្រតិបត្តិការរុករកអ្នកបាត់ខ្លួននៅក្នុងហេតុការណ៍បំណាក់ដីអណ្ដូងរ៉ែមាសមួយកន្លែងក្នុងតំបន់ Papua ប្រទេសឥណ្ឌូណេស៊ី ត្រូវបានផ្អាកជាបណ្ដោះអាសន្ន ដោយរង់ចាំបន្តធ្វើម្ដងទៀតនៅថ្ងៃអង្គារ។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Reuters។
បំណាក់ដីដែលបណ្តាលឲ្យកម្មកររុករករ៉ែចំនួន៦នាក់ស្លាប់ និង១៤នាក់ផ្សេងទៀតបាត់ខ្លួន បានកើតឡើងកាលពីល្ងាចថ្ងៃសុក្រនៅតំបន់ភ្នំ Arfak ដែលជាតំបន់ដាច់ស្រយាលហើយមានស្ថានភាពលំបាក និងមានភ្លៀងធ្លាក់ខ្លាំងជាញឹកញាប់។
ប្រតិបត្តិការជួយសង្គ្រោះ បានចាប់ផ្តើមភ្លាមៗដោយមានបុគ្គលិកយ៉ាងហោចណាស់៤០នាក់មកពីកងកម្លាំងប៉ូលិស និងយោធាក្នុងតំបន់ ដើម្បីស្វែងរកមនុស្សដែលបាត់ខ្លួន។ ទោះបីជាយ៉ាងណាក៏ដោយ ភ្លៀងធ្លាក់ខ្លាំងជាបន្តបន្ទាប់បានរារាំងកិច្ចខិតខំប្រឹងប្រែងទាំងនេះ ដែលនាំឲ្យអាជ្ញាធរផ្អាកការរុករកជាបណ្តោះអាសន្ននៅថ្ងៃចន្ទនេះ។ ការស្វែងរកត្រូវបានគេរំពឹងថានឹងបន្តនៅពេលដែលលក្ខខណ្ឌអាកាសធាតុប្រសើរឡើងនៅថ្ងៃស្អែក។
ទីភ្នាក់ងារកាត់បន្ថយគ្រោះមហន្តរាយរបស់ប្រទេសឥណ្ឌូណេស៊ី បានសម្តែងការព្រួយបារម្ភអំពីសុវត្ថិភាពនៃប្រតិបត្តិការរុករករ៉ែខ្នាតតូច ជាពិសេសប្រតិបត្តិការដែលដំណើរការក្រៅផ្លូវការ និងខ្វះស្ដង់ដារសុវត្ថិភាពត្រឹមត្រូវ។ ទីភ្នាក់ងារនេះបានសង្កត់ធ្ងន់លើតម្រូវការសម្រាប់បទប្បញ្ញត្តិតឹងរ៉ឹង និងការត្រួតពិនិត្យដើម្បីទប់ស្កាត់សោកនាដកម្មបែបនេះនាពេលអនាគត។
កាលពីខែកញ្ញាឆ្នាំ២០២៤ មនុស្សយ៉ាងហោចណាស់១៥នាក់បានបាត់បង់ជីវិត ក្រោយមានការបាក់ដីនៅអណ្ដូងរ៉ែមាសមួយកន្លែងក្នុងខេត្តស៊ូម៉ាត្រាខាងលិច ដែលបង្កឡើងដោយភ្លៀងធ្លាក់ខ្លាំង។ កាន់តែអាក្រក់ជាងនេះទៅទៀត កាលពីខែកក្កដាឆ្នាំមុន ក៏មានហេតុការណ៍បំណាក់ដីផងដែរនៅលើកោះ Sulawesi បណ្ដាលឲ្យមនុស្ស២៣នាក់បានស្លាប់៕
ដោយ៖ ឈាង
-
ព័ត៌មានជាតិ៧ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ២០ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន