ព័ត៌មានអន្ដរជាតិ
លោក ត្រាំ៖ កាណាដាអាចចូលរួមហ្វ្រីក្នុងគម្រោង “Golden Dome” បើព្រមក្លាយជារដ្ឋទី៥១របស់អាមេរិក
ប្រធានាធិបតីអាមេរិកលោក ដូណាល់ ត្រាំ បានលើកឡើងថា ប្រទេសកាណាដាអាចចូលរួមជាមួយគម្រោងខែលការពារមីស៊ីល «Golden Dome» ដោយមិនគិតថ្លៃ បើព្រមធ្វើជារដ្ឋទី៥១របស់សហរដ្ឋអាមេរិក។ បើមិនដូច្នេះទេ កាណាដាត្រូវចំណាយប្រាក់រហូតដល់ ៦១ពាន់លានដុល្លារឯណោះ ដើម្បីចូលរួមក្នុងកម្មវិធីពង្រឹងសមត្ថភាពការពារដ៏អស្ចារ្យមួយនេះ។
លោក ត្រាំ បានប្រកាសលើប្រព័ន្ធផ្សព្វផ្សាយសង្គមកាលពីថ្ងៃទី២៨ឧសភាថា «ខ្ញុំបានប្រាប់ប្រទេសកាណាដា ដែលចង់ក្លាយជាផ្នែកមួយនៃប្រព័ន្ធ Golden Dome ដ៏អស្ចារ្យរបស់យើងថា វានឹងត្រូវចំណាយអស់ ៦១ពាន់លានដុល្លារ ប្រសិនបើពួកគេនៅតែជាប្រទេសដាច់ដោយឡែក… ប៉ុន្តែនឹងមិនត្រូវចំណាយអ្វីទាំងអស់ បើពួកគេក្លាយជារដ្ឋទី៥១ជាទីពេញចិត្តរបស់យើង»។
មន្ត្រីកាណាដាបានច្រានចោលយ៉ាងដាច់អហង្ការចំពោះគំនិតនៃការកាត់បញ្ចូលប្រទេសខ្លួនឲ្យក្លាយជារដ្ឋរបស់អាមេរិក។ នាយករដ្ឋមន្ត្រីកាណាដា លោក Mark Carney បានរំលឹកឡើងវិញនូវអធិបតេយ្យភាពរបស់ប្រទេសកាណាដា ដោយអះអាងថា «កាណាដាមិនមែនសម្រាប់លក់ទេ»។ ឯកអគ្គរដ្ឋទូតប្រចាំអង្គការសហប្រជាជាតិ លោក Bob Rae បានរិះគន់សំណើរបស់លោក ត្រាំ ដោយប្រដូចវាទៅនឹង«ការជម្រិតយកថ្លៃការពារ» និងសង្កត់ធ្ងន់លើគោលការណ៍សមភាពអធិបតេយ្យភាពក្នុងចំណោមប្រជាជាតិនានា។
លោកត្រាំ បានប្រកាសពីគម្រោងផលិតខែលការពារមីស៊ីល «Golden Dome» កាលពីថ្ងៃទី២០ខែឧសភា ខណៈហេតុផលនៃពីក្រោយការផលិត ត្រូវគេដឹងថា គឺដោយសារតែប្រព័ន្ធដែលមានស្រាប់នាពេលបច្ចុប្បន្ន មិនអាចទប់ទល់នឹងសព្វាវុធរបស់សត្រូវដែលអភិវឌ្ឍន៍កាន់តែទំនើបពីមួយថ្ងៃទៅមួយថ្ងៃបាននោះទេ។
ប្រព័ន្ធនេះនឹងបំពាក់ជាមួយបច្ចេកវិទ្យាជំនាន់ថ្មីនៅទូទាំងដីគោក សមុទ្រនិងលំហអាកាស រួមទាំងឧបករណ៍ចាប់សញ្ញា និងប្រព័ន្ធស្ទាក់ចាប់តាមលំហផងដែរ។ មិនត្រឹមប៉ុណ្ណឹង Golden Dome មានសមត្ថភាព ស្ទាក់ចាប់មីស៊ីលដែលបាញ់ចេញពីគ្រប់កន្លែងនៅលើពិភពលោក ឬសូម្បីតែបាញ់ចេញពីលំហអាកាសក៏ដោយ។ ប្រព័ន្ធនេះ មានទំហំធំជាង Iron Dome របស់អ៊ីស្រាអែល ប៉ុន្តែអាចបម្លាស់ទីបានលឿនជាង ហើយអាចបាញ់ទម្លាក់សូម្បីមីស៊ីលល្បឿនលឿនជាងសំឡេងក្នុងអត្រាសឹងតែ១០០%។
គម្រោងនេះត្រូវបានប៉ាន់ប្រមាណថាមានតម្លៃ ១៧៥ពាន់លានដុល្លារ ប៉ុន្តែការិយាល័យថវិកាសភាអាមេរិក បានព្រមានថា ការចំណាយជាក់ស្ដែងអាចលើសពី ៥០០ពាន់លានដុល្លារក្នុងរយៈពេល ២០ឆ្នាំខាងមុខ៕
ដោយ៖ ឈាង
ចុចអាន៖ កូរ៉េខាងជើង ចាត់ទុក «Golden Dome» របស់អាមេរិក ជាការគំរាមកំហែងអវកាសដ៏គ្រោះថ្នាក់
លោក ត្រាំ៖ កាណាដាអាចចូលរួមហ្វ្រីក្នុងគម្រោង “Golden Dome” បើព្រមក្លាយជារដ្ឋទី៥១របស់អាមេរិក
អ្នកជំនាញអំពាវនាវដល់អាណាព្យាបាលទាំងអស់គិតគូរពីសុខភាពមាត់ធ្មេញរបស់កូនៗ ឱ្យបានច្រើនថែមទៀត
EU គ្រោងបញ្ជូនមន្រ្តីត្រួតពិនិត្យថ្នាំគីមីលើកសិផលទៅវៀតណាម
សភាពការណ៍នៅព្រំដែនកម្ពុជា-ថៃ សម្តេចតេជោ ស្នើឱ្យពលរដ្ឋជឿជាក់លើសមត្ថភាពរដ្ឋាភិបាល
នាយកប្រតិបត្តិក្រុមហ៊ុន Minebea៖ កម្ពុជា ជាទីតាំងដ៏ល្អបំផុត សម្រាប់ការវិនិយោគ
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
សពទាហានដែលប៉ះទង្គិចមួយទាហានថៃ បានដឹកយកទៅដល់លំនៅឋាន ដើម្បីធ្វើបុណ្យតាមប្រពៃណី
សម្ដេច យ៉ន សេងយៀត នឹងធ្វើដំណើរធម្មយាត្រាថ្មើរជើងតាមជួរភ្នំក្រវាញ ៣២ថ្ងៃ ដើម្បីពុទ្ធសាសនា និងបរិស្ថាន
សម្ដេចហ៊ុន សែន ៖ ខ្ញុំមិនចង់ឃើញការប្រយុទ្ធណាមួយកើតឡើងទេ តែខ្ញុំគាំទ្រការសម្រេចររបស់ដ្ឋាភិបាល ក្នុងការបញ្ជូនទ័ពនិង អាវុធធុនធ្ងន់ទៅកាន់ព្រំដែន
ម្ចាស់ចម្ការទុរេនសំឡូតខ្លះ រំពឹងខុស គិតថាឆ្នាំនេះបានទិន្នផលខ្ពស់
-
ព័ត៌មានជាតិ៥ ថ្ងៃ agoសពទ័ពមួកខៀវកម្ពុជា២រូប កំពុងត្រូវបានបញ្ចូនមកកម្ពុជាតាមយន្តហោះ ដែលនឹងមកដល់មាតុភូមិឆាប់ៗនេះ
-
សន្តិសុខសង្គម៤ ថ្ងៃ agoនគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
សន្តិសុខសង្គម១ សប្តាហ៍ agoជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
-
ព័ត៌មានជាតិ៣ ថ្ងៃ agoសពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
សន្តិសុខសង្គម៤ ថ្ងៃ agoតុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
សន្តិសុខសង្គម២ ថ្ងៃ agoមន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី
-
ព័ត៌មានអន្ដរជាតិ៦ ថ្ងៃ agoកូរ៉េខាងជើង យកតង់បាំងនាវាចម្បាំងដែលលិច
-
ព័ត៌មានជាតិ១៥ ម៉ោង agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ