ព័ត៌មានអន្ដរជាតិ
Macron៖ លោកខាងលិចនិងអឺរ៉ុប កំពុងប្រឈមការបាត់បង់ទំនុកចិត្ត បើដោះស្រាយជម្លោះនៅអ៊ុយក្រែន និងហ្គាហ្សា មិនចេញឆាប់ៗ
ថ្លែងក្នុងកិច្ចប្រជុំកំពូល Shangri-la នៅប្រទេសសិង្ហបុរីកាលពីថ្ងៃសុក្រទី៣០ខែឧសភាឆ្នាំ២០២៥ ប្រធានាធិបតីបារាំង Emmanuel Macron បានព្រមានខ្លាំងៗថា សហរដ្ឋអាមេរិកនិងអឺរ៉ុប កំពុងប្រឈមនឹងការបាត់បង់ភាពជឿជាក់របស់ពួកគេហើយ និងត្រូវរងការចោទប្រកាន់ថាមាន «ស្តង់ដារទ្វេ» ប្រសិនបើពួកគេដោះស្រាយសង្គ្រាមនៅអ៊ុយក្រែននិងហ្គាហ្សា មិនចេញក្នុងពេលឆាប់ៗនេះទេនោះ។
ជុំវិញសង្គ្រាមអ៊ុយក្រែន លោក Macron និយាយថា «ប្រសិនបើយើងអនុញ្ញាតឲ្យរុស្ស៊ី ចូលកាន់កាប់ផ្នែកមួយនៃទឹកដីអ៊ុយក្រែន ដោយគ្មានការរឹតបន្តឹង ឬដោយគ្មានប្រតិកម្មណាមួយពីពិភពលោកនោះ តើនឹងមានអ្វីកើតឡើងនៅតៃវ៉ាន់? តើអ្នកនឹងធ្វើអ្វីនៅថ្ងៃដែលរឿងបានកើតឡើងនៅហ្វីលីពីន?»។
លោកបន្តថា ««អ្វីដែលជាប់ពាក់ព័ន្ធក្នុងប្រទេសអ៊ុយក្រែន គឺជាភាពជឿជាក់រួមរបស់យើងដែលថាយើងនៅតែអាចរក្សាបាននូវបូរណភាពទឹកដីនិងអធិបតេយ្យភាពរបស់ប្រជាជន។ គ្មានស្តង់ដារពីរទេ។ មនុស្សជាច្រើននៅអាស៊ីព្រួយបារម្ភអំពីអស្ថិរភាពក្នុងតំបន់ ប្រសិនបើចិនព្យាយាមប្រើកម្លាំងបង្រួបបង្រួមជាមួយតៃវ៉ាន់។ ចិនក៏ប៉ះទង្គិចកាន់តែខ្លាំងជាមួយហ្វីលីពីនជុំវិញការទាមទារនៅសមុទ្រចិនខាងត្បូងដែរ»។
ទន្ទឹមនោះ លោក Macron ក៏លើកឡើងអំពីស្តង់ដារពីរ លើសង្រ្គាមនៅហ្គាហ្សាផងដែរ ដោយទទួលស្គាល់ថា លោកខាងលិចបានបើកដៃដល់អ៊ីស្រាអែលពេក។ លោកបានសង្កត់ធ្ងន់លើសារៈសំខាន់នៃការខិតខំឆ្ពោះទៅរកបទឈប់បាញ់ និងការទទួលស្គាល់គ្នាទៅវិញទៅមកនៃរដ្ឋប៉ាឡេស្ទីន។ លោកនិយាយថា «ប្រសិនបើយើងបោះបង់ចោលតំបន់ហ្គាហ្សា ប្រសិនបើយើងចាត់ទុកថាមានច្រកឥតគិតថ្លៃសម្រាប់អ៊ីស្រាអែល ទោះបីជាយើងថ្កោលទោសការវាយប្រហារភេរវកម្មក៏ដោយ តែយើងនៅតែសម្លាប់ភាពជឿជាក់របស់យើងនៅក្នុងពិភពលោកទាំងមូលដដែល»។
សូមជម្រាបថា ប្រធានាធិបតីបារាំងគឺជាមេដឹកនាំអឺរ៉ុបដំបូងគេ ដែលថ្លែងសុន្ទរកថាគន្លឹះក្នុងកិច្ចសន្ទនានេះ។ Shangri-la ឆ្នាំនេះគឺជាលើកទី២២ហើយ ដែលរៀបចំឡើងដោយវិទ្យាស្ថានអន្តរជាតិសម្រាប់ការសិក្សាយុទ្ធសាស្ត្រ និងមានអ្នកចូលរួមមកពី៤៧ប្រទេស រួមទាំងរដ្ឋមន្ត្រី ប្រមុខកងកម្លាំងការពារជាតិ និងអ្នកសិក្សាល្បីៗ។
ក្នុងចំណោមភ្ញៀវធំៗដែលចូលស្តាប់ក្នុងជំនួបកំពូលនេះ ក៏រួមមានទាំងរដ្ឋមន្ត្រីការពារជាតិអាមេរិក Pete Hegseth ផងដែរ៕
អត្ថបទ៖ សុខ សុវណ្ណ
ចុចអាន៖ Macron ចេញមុខបកស្រាយថា លោកនិងភរិយាគ្រាន់ញោះគ្នាលេងប៉ុណ្ណោះ
-
សន្តិសុខសង្គម៤ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច២ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៧ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ សប្តាហ៍ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៦ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ៧ ថ្ងៃ agoកុលបុត្រកុលធីតា ៣២៨រូប ចូលរួមពិធីបួសនៅវត្តព្រះឥន្ទទេព ដើម្បីតបស្នងសងគុណ និងអបអរសាទរវិសាខបូជា
-
ព័ត៌មានជាតិ២២ ម៉ោង agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៣ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី