ព័ត៌មានអន្ដរជាតិ
អ្នកជំនាញថា ការពាក់ម៉ាសអាចកាត់បន្ថយហានិភ័យប្រតិកម្មអាឡ័កស៊ីធ្ងន់ធ្ងរ
អ្នកជំនាញបានលើកឡើងថា ម៉ាសឬរបាំងមុខដែលយើងពាក់នៅពេលចេញទៅតាមទីសាធារណ អាចជួយការពារពីប្រតិកម្មអាឡ័កស៊ីធ្ងន់ធ្ងរនៅរដូវក្ដៅនេះបានដែរ។
លោកវេជ្ជបណ្ឌិត Do-Yeon Cho សាស្ត្រាចារ្យរងផ្នែករោគវិទ្យានៅសាកលវិទ្យាល័យ Alabama នៅ Birmingham មានប្រសាសន៍ថា ការស្រាវជ្រាវនៅឆ្នាំ ២០២០ បានបង្ហាញថារោគសញ្ញានៃជំងឺរលាកទងសួតឬអាឡ័កស៊ី ក្នុងចំណោមគិលានុបដ្ឋាយិកាត្រូវបានកាត់បន្ថយយ៉ាងខ្លាំង ដោយសារពួកគេបានប្រើប្រាស់របាំងមុខនិងម៉ាសក្នុងកំឡុងពេលជំងឺកូវីដ។
លោកបានសម្គាល់ឃើញថា ប្រភេទនៃការគ្របលើមុខមិនថាមួយណា សុទ្ធតែអាចជួយកាត់បន្ថយភាពផុយស្រួយនៃប្រតិកម្មអាឡ័កស៊ីដែលអាចចូលទៅក្នុងច្រមុះនិងមាត់។
ទន្ទឹមនឹងការពាក់របាំងមុខ មានអ្វីផ្សេងទៀតដែលយើងអាចធ្វើបានដើម្បីកាត់បន្ថយរោគសញ្ញាប្រតិកម្មអាឡ័កស៊ី ដោយការកំណត់អត្តសញ្ញាណអាឡ័កស៊ីលើរាងកាយ។ ប្រសិនបើអាឡ័កស៊ីទៅនឹងលំអងផ្កា ចូរកាត់បន្ថយសកម្មភាពចេញក្រៅផ្ទះ។ ការប្រើថ្នាំអាឡ័កស៊ីអាចរារាំងរាងកាយមិនឲ្យបញ្ចេញជាតិអ៊ីស្តាមីននិងសារធាតុគីមីដទៃទៀត ដែលបង្កឲ្យមានរោគសញ្ញាអាឡ័កស៊ី កាន់តែធ្ងន់ធ្ងរថែមទៀត។
លោកវេជ្ជបណ្ឌិតបានណែនាំថា “គួរប្រញាប់ដូរសំលៀកបំពាក់ពេលមកដល់ផ្ទះនិងលាងច្រមុះជាមួយទឹកអំបិល។ បោសសំអាតកន្លែងគេងនិងបោកខោអាវក្នុងទឹកក្ដៅជាមួយសាប៊ូ ងូតទឹកនិងកក់សក់រាល់ថ្ងៃមុនពេលចូលគេង ដើម្បីលាងសម្អាតជាតិ pollens ” ។
ស្ថិតក្នុងពេលនេះសីតុណ្ហភាពអាចនឹងក្ដៅជាងមុន ដើមឈើប្រាកដជាអសកម្មហើយបញ្ចេញលំអងទៅក្នុងអាកាស ធ្វើឲ្យអ្នកដែលងាយអាឡ័កស៊ីអាចប្រតិកម្មខ្លាំងជាងមុន។ វិធីល្អគឺត្រូវពាក់ម៉ាសឬរបាំងមុខពេលចេញក្រៅការពារទាំងលំអងផ្កានិងជំងឺកូវីដ៕
ប្រែសម្រួល៖ សាង ស្រីល័ក្ខ
ប្រភព៖upi.com
ចុចអាន៖អ្នកជំនាញព្រមានគ្រោះថ្នាក់ដោយការពាក់ម៉ាស អំឡុងសីតុណ្ហភាពក្ដៅខ្លាំង
-
សន្តិសុខសង្គម៦ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៤ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានអន្ដរជាតិ១ សប្តាហ៍ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ៣ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៥ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៣ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
កីឡា៣ ថ្ងៃ agoអ្នកគាំទ្រប្រមាណ ៧ ពាន់នាក់ទស្សនាការប្រកួតមិត្តភាព រវាងក្រុមតារាកម្ពុជា និងសសយក ខេត្តបន្ទាយមានជ័យ
-
ព័ត៌មានអន្ដរជាតិ២២ ម៉ោង agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស