ព័ត៌មានអន្ដរជាតិ
អ្នកធម្មយាត្រាជាង១លាននាក់ សម្រុកទៅទីក្រុង Mecca ទោះរលកកម្ដៅលើសពី៤០អង្សា
ទោះបីជាសីតុណ្ហភាពនៅពេលថ្ងៃត្រូវគេព្យាករថាកើនឡើងចន្លោះពី៤០ទៅ៤៧អង្សាសេក៏ដោយ ក៏អ្នកធម្មយាត្រាឥស្លាមជាង ១,៣លាននាក់បានធ្វើដំណើរទៅដល់ប្រទេសអារ៉ាប៊ីសាអូឌីត សម្រាប់ពិធីបុណ្យ Hajj ប្រចាំឆ្នាំ ដែលគ្រោងនឹងចាប់ផ្តើមនៅថ្ងៃទី៤ខែមិថុនាខាងមុខ។
ជាការឆ្លើយតបទៅនឹងសោកនាដកម្មកាលពីឆ្នាំមុនដែលអ្នកធម្មយាត្រាជាង ១ ៣០០នាក់បានស្លាប់ដោយសារកម្ដៅខ្លាំង អាជ្ញាធរអារ៉ាប៊ីសាអូឌីតបានរៀបចំអនុវត្តវិធានការសុវត្ថិភាពយ៉ាងទូលំទូលាយ។ ទាំងនេះរួមមានការដាំដើមឈើចំនួន ១០ ០០០ដើម ការដំឡើងម៉ាស៊ីនចំហាយទឹកចំនួន ៤០០គ្រឿង និងការបង្កើតផ្លូវពិសេសហៅថា «White Road» ដែលត្រូវបានរចនាឡើងដើម្បីកាត់បន្ថយរលកកម្ដៅពីព្រះអាទិត្យ។ លើសពីនេះទៀត យន្តហោះគ្មានមនុស្សបើកដែលបំពាក់ដោយបញ្ញាសិប្បនិមិត្ត(AI) កំពុងត្រូវបានប្រើប្រាស់ ដើម្បីតាមដានចលនាក្រុមមនុស្ស និងការពារការរត់ជាន់គ្នា។
ដើម្បីធានាសុវត្ថិភាពអ្នកធ្វើធម្មយាត្រា រដ្ឋាភិបាលបានបង្កើនកិច្ចខិតខំប្រឹងប្រែងដើម្បីរារាំងបុគ្គលដែលគ្មានការអនុញ្ញាតចូលរួម។ មនុស្សជិត ២៧០ ០០០នាក់ដែលគ្មានការអនុញ្ញាតត្រឹមត្រូវ ត្រូវបានរារាំងមិនឲ្យចូលទៅក្នុងទីក្រុង Mecca ឡើយ។ អ្នកល្មើសនឹងប្រឈមនឹងការផាកពិន័យរហូតដល់ ៥ ០០០ដុល្លារ និងហាមប្រាមរយៈពេល ១០ឆ្នាំមិនឲ្យចូលរួមពិធីបុណ្យ Hajj។
សូមបញ្ជាក់ថា Hajj គឺជាសសរស្តម្ភមួយក្នុងចំណោមសសរស្តម្ភទាំងប្រាំរបស់សាសនាឥស្លាម ដែលអ្នកកាន់សាសនាឥស្លាមទាំងអស់ ត្រូវអនុវត្តឲ្យបានម្តងក្នុងមួយឆាកជីវិត។
យោងតាមស្ថិតិអារ៉ាប៊ីសាអូឌីត ធម្មយាត្រា Hajj ឆ្នាំ២០២៤ មានមនុស្សជាង១,៨លាននាក់ បានមកចូលរួមក្នុងពិធីជួបជុំសាសនាដ៏ធំបំផុតមួយរបស់ពិភពលោក៕
ដោយ៖ ឈាង
ចុចអាន៖ ធម្មយាត្រា Hajj ក្រោមកម្តៅថ្ងៃជិត ៥២អង្សា, មនុស្សស្លាប់កើនដល់ជាង ១ ៣០០នាក់
អ្នកធម្មយាត្រាជាង១លាននាក់ សម្រុកទៅទីក្រុង Mecca ទោះរលកកម្ដៅលើសពី៤០អង្សា
ផ្សារចុងសប្តាហ៍ក្នុងខេត្តបាត់ដំបង ពលរដ្ឋចុះទិញបន្លែសាច់ស្រស់ៗមានប្រភពច្បាស់លាស់
នាយ ពាង ប្រកាសសុំការបរិច្ចាគឈាមបន្ទាន់ ដើម្បីវះកាត់ព្យាបាលជំងឺ ខណៈត្រូវការដល់ទៅ ៤សាក់
មហាជននិងអ្នកសិល្បៈ បង្ហាញការសោកស្តាយចំពោះមរណភាព លោក វ័រ សារុន ម្ចាស់បទ “នារីមាកស៉ី”
តៃវ៉ាន់កត់ត្រាការកើនឡើងសកម្មភាពយោធាដ៏សម្បើមរបស់ចិន រួមទាំងនាវាផ្ទុកយន្តហោះ
កម្ពុជា បន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ ខណៈកម្ដៅ៣៧°C
អ៊ុយក្រែន វាយប្រហារមូលដ្ឋានទ័ពរុស្ស៊ី ៥កន្លែង កម្ទេចយន្តហោះចម្បាំងអស់ ៤០គ្រឿង
សម្ដេចតេជោ ឈឺចាប់ខ្លាំងបំផុតនៅពេលទាហានថៃចូលមកបាញ់សម្លាប់ទាហានខ្មែរលើដីខ្មែរដែលសម្ដេចធ្លាប់ទៅដល់
សមាជិករដ្ឋសភា-ព្រឹទ្ធសភា ឈរគោរពវិញ្ញាណក្ខន្តព្រិន្ធបាលឯក សួន រោន ដែលពលីជីវិតពីការវាយឆ្មក់ពីពួកឈ្លានពាន
មេទ័ពអាល្លឺម៉ង់ ព្រមានថា រុស្ស៊ី អាចវាយ «ណាតូ» ៤ឆ្នាំទៀត
-
ព័ត៌មានជាតិ៤ ថ្ងៃ agoកម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
ព័ត៌មានជាតិ៧ ថ្ងៃ agoសពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
នយោបាយ២ ថ្ងៃ agoព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
ព័ត៌មានជាតិ២ ថ្ងៃ agoនាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
ព័ត៌មានជាតិ៤ ថ្ងៃ agoអាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ៥ ថ្ងៃ agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សន្តិសុខសង្គម៦ ថ្ងៃ agoមន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី
-
សន្តិសុខសង្គម៤ ថ្ងៃ agoសមត្ថកិច្ចចុះបង្ក្រាបសង្វៀនជល់មាន់មួយកន្លែង ឃាត់ខ្លួនមនុស្សបាន១១នាក់