ព័ត៌មានអន្ដរជាតិ
បណ្តាប្រទេស អាស៊ី កំពុងញាប់ដៃញាប់ជើងរកប្រភពវ៉ាក់សាំង គ្រាដែលឥណ្ឌាផ្អាកផ្គត់ផ្គង់ឲ្យ COVAX
បណ្តាប្រទេសនៅអាស៊ីជាច្រើនកាលពីថ្ងៃអង្គារកំពុងញាប់ដៃញាប់ជើងស្វែងរកប្រភពវ៉ាក់សាំងការពារជំងឺកូវីដ ១៩ បន្ថែម បន្ទាប់ពីឥណ្ឌារឹតត្បិតការនាំចេញវ៉ាក់សាំងទើបបណ្ដាលឲ្យគម្រោង COVAX ដែលគាំទ្រដោយអង្គការសុខភាពពិភពលោក (WHO) ខ្វះការផ្គត់ផ្គង់ ។
កូរ៉េខាងត្បូង ឥណ្ឌូនេស៊ី និងហ្វីលីពីន គឺស្ថិតក្នុងចំណោមប្រទេសដែលរងផលប៉ះពាល់ដោយការពន្យារពេលនៃការដឹកជញ្ជូនវ៉ាក់សាំង ខណៈដែលពួកគេគឺទទួលបានតិចជាងការសន្យាក្រោមកម្មវិធី COVAX ។
ប្រទេសឥណ្ឌាដែលជាអ្នកផលិតវ៉ាក់សាំងធំជាងគេលើពិភពលោកបានផ្អាកជាបណ្ដោះអាសន្នលើការនាំចេញវ៉ាក់សាំងរបស់ក្រុមហ៊ុន AstraZeneca ដែលត្រូវបានផលិតដោយវិទ្យាស្ថាន Serum ឥណ្ឌា (SII) ខណៈដែលក្រុមមន្រ្តីផ្តោតលើការឆ្លើយតបតម្រូវការក្នុងស្រុកដែលករណីឆ្លងកំពុងកើនឡើង ។
SII បានសន្យាថានឹងបញ្ជូនវ៉ាក់សាំងចំនួន ៩០ លានដូសទៅកាន់គម្រោង COVAX នៅខែមីនា និងមេសា ហើយខណៈពេលនេះវាមិនទាន់ច្បាស់នោះទេថាតើចំនួនប៉ុន្មាននឹងត្រូវបានបង្វែរសម្រាប់ការប្រើប្រាស់ក្នុងប្រទេសឥណ្ឌា ខណៈ SII ក៏បានព្រមានជាមុនផងដែរថា ការពន្យាពេលនៃការដឹកជញ្ជូនគឺជៀសមិនរួចនោះទេ ។
ទន្ទឹមនោះប្រទេសកូរ៉េខាងត្បូងបានបញ្ជាក់ថា ខ្លួននឹងទទួលបានវ៉ាក់សាំងតែ ៤៣២,០០០ ដូសប៉ុណ្ណោះក្នុងចំណោមវ៉ាក់សាំងចំនួន ៦៩០,០០០ ដូសតាមការសន្យា ហើយពួកគេកំពុងពិភាក្សាជាមួយក្រុមហ៊ុន AstraZeneca ដើម្បីពន្លឿនការដឹកជញ្ជូនវ៉ាក់សាំងដែលបានទិញតាមរយៈកិច្ចព្រមព្រៀងដាច់ដោយឡែកមួយផ្សេង ។
បន្ថែមពីនេះប្រទេសហ្វីលីពីន និងវៀតណាមបានស្នើឲ្យវិស័យឯកជនជួយលើការនាំចូលវ៉ាក់សាំង បន្ទាប់ពីការផ្គត់ផ្គង់វ៉ាក់សាំងពីគម្រោង COVAX ចូលមកប្រទេសវៀតណាមបានធ្លាក់ចុះ ៤០ ភាគរយពោលចំនួន ៨១១,២០០ ដូស ។ ចំណែកនៅប្រទេសឥណ្ឌូនេស៊ី វ៉ាក់សាំងចំនួន ១០.៣ លានដូសពីគម្រោង COVAX ទំនងជាត្រូវពន្យារពេលរហូតដល់ខែឧសភា ។
ទាំងហ្វីលីពីន និងឥណ្ឌូនេស៊ីបច្ចុប្បន្នកំពុងពឹងផ្អែកយ៉ាងខ្លាំងលើវ៉ាក់សាំងពីក្រុមហ៊ុនចិន Sinovac ក្នុងយុទ្ធនាការចាក់វ៉ាក់សាំងការពារជំងឺកូវីដ ១៩ របស់ខ្លួន ហើយហ្វីលីពីន និងវៀតណាមក៏ជាប្រទេសបានអនុម័តប្រើប្រាស់វ៉ាក់សាំង Sputnik V របស់រុស្ស៊ីរួមជាមួយប្រទេសជាង ៥០ ផ្សេងទៀតផងដែរ ។
ស្របពេលជាមួយគ្នានេះប្រទេសឥណ្ឌាមិនបានផ្តល់ព័ត៌មានលម្អិតស្តីពីរយៈពេលផ្អាកនៃការនាំចេញវ៉ាក់សាំងនោះទេ ប៉ុន្តែអង្គការ UNICEF ដែលជាដៃគូចែកចាយរបស់គម្រោង COVAX បាននិយាយកាលពីចុងសប្តាហ៍ថា ការចែកចាយអាចនឹងបន្តឡើងវិញនៅខែឧសភា ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ WHO ជំរុញប្រទេសអ្នកមានបរិច្ចាគវ៉ាក់សាំង ១០ លានដូសជាបន្ទាន់ដល់ប្រទេសក្រីក្រ
ចុចអាន ៖ WHO ថា ជំងឺកូវីដ ១៩ បំប្លែងខ្លួនថ្មីកំពុងជំនួសវីរុសប្រភេទដើម
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង