ព័ត៌មានអន្ដរជាតិ

មកដឹងពីលក្ខណៈរបស់ប្រភេទយន្តហោះ Boeing 787 ដែលទើបធ្លាក់នៅឥណ្ឌា

បានផុស

១ year មុន

នៅ

ថ្ងៃព្រហស្បតិ៍ ១២ មិថុនា ២០២៥

ដោយ

ការធ្លាក់យន្តហោះរបស់ក្រុមហ៊ុនអាកាសចរណ៍ឥណ្ឌា Air India នៅថ្ងៃទី១២ខែមិថុនា នៅរដ្ឋ Gujarat ភាគខាងលិចប្រទេសឥណ្ឌា ដោយបណ្តាលឲ្យអ្នកជិះលើយន្តហោះសរុប ២៤២នាក់ដែលមិនមានសង្ឃឹមរស់រានមានជីវិត ខណៈពេលដល់ពេលនេះ មនុស្សជាង២០០នាក់ត្រូវបានបញ្ជាក់ថា ស្លាប់ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្តីរាយការណ៍របស់ BBC នេះជាលើកទីមួយហើយ ដែលយន្តហោះ Boeing 787 ធ្លាក់បែបនេះ បន្ទាប់ពីយន្តហោះរបស់ក្រុមហ៊ុនខ្នាតយក្សរបស់អាមេរិកមានរឿងអាស្រូវនូវប្រភេទយន្តហោះម៉ូដែលផ្សេងដែលធ្លាប់ធ្លាក់។

មកដឹងពីលក្ខណៈរបស់យន្តហោះប្រភេទ Boeing 787

យោងតាម BBC ម៉ូដែលនេះត្រូវបានដាក់ឱ្យដំណើរការកាលពី១៤ឆ្នាំមុន ហើយទើបតែ ៦សប្តាហ៍មុន ក្រុមហ៊ុនផលិតយន្តហោះអាមេរិកបានសរសើរពីការពិតដែលម៉ូដែលនេះត្រូវបានគេស្គាល់ថា ជា Dreamliner បានឈានដល់ចំណុចសំខាន់នៃការដឹកអ្នកដំណើរ១ពាន់លាននាក់។

រហូតមកដល់បច្ចុប្បន្ននេះ ក្រុមហ៊ុនផលិតយន្តហោះរបស់សហរដ្ឋអាមេរិក Boeing បានលើកឡើងថា ក្រុមហ៊ុនបានបញ្ចេញយន្តហោះប្រភេទ Boeing 787 មានជាង ១១៧៥គ្រឿង បានហោះហើរជិត ៥លានជើងហោះហើរ គ្របដណ្តប់ជាង ៣០លានម៉ោងទូទាំងសកលលោក។

ការធ្លាក់នេះគឺជាការវាយប្រហារមួយសម្រាប់ក្រុមហ៊ុនដែលបាននិងកំពុងតស៊ូដើម្បីជម្នះបញ្ហាជាច្រើន រួមទាំងការធ្លាក់យ៉ាងធ្ងន់ធ្ងរ ជាមួយនឹងកម្មវិធី 737 របស់ក្រុមហ៊ុន Boeing ដែលបានធ្លាក់ជាបន្តបន្ទាប់ក្នុងសេវាកម្មហោះហើរនៅក្នុងសកលលោក៕

រ៉ាន់ រើយ