ព័ត៌មានអន្ដរជាតិ
សេតវិមាន ប្រកាសផ្អាកផ្គត់ផ្គង់សព្វាវុធមួយចំនួនឲ្យអ៊ុយក្រែន
សេតវិមាន បានប្រកាសកាលពីថ្ងៃអង្គារទី១ខែកក្កដាថា សហរដ្ឋអាមេរិកបានបញ្ឈប់ការនាំចេញអាវុធមួយចំនួនទៅកាន់ប្រទេសអ៊ុយក្រែន ដោយលើកឡើងពីការព្រួយបារម្ភអំពីកម្រិតស្តុកទុកសព្វាវុធក្នុងស្រុក និងការវាយតម្លៃឡើងវិញនៃអាទិភាពយោធា។
អ្នកនាំពាក្យសេតវិមាន លោកស្រី Anna Kelly បាននិយាយថា ការសម្រេចចិត្តនេះធ្វើឡើងតាមការពិនិត្យឡើងវិញរបស់ក្រសួងការពារជាតិ ហើយត្រូវបានផ្ដោតសំខាន់ «ដើម្បីដាក់ផលប្រយោជន៍អាមេរិកជាអាទិភាព»។ ការផ្អាកជំនួយ កើតឡើងស្របពេលដែលរុស្ស៊ីបានបង្កើនយុទ្ធនាការយោធាដ៏ខ្លាំងក្លារបស់ខ្លួនប្រឆាំងនឹងអ៊ុយក្រែនក្នុងរយៈពេលប៉ុន្មានសប្តាហ៍ថ្មីៗនេះ។
គេនៅមិនទាន់ដឹងទេថាតើសព្វាវុធប្រភេទណា ដែលនឹងត្រូវផ្អាកឡើយ ប៉ុន្តែគ្រាប់បែក និងមីស៊ីលការពារដែនអាកាស ត្រូវគេជឿជាក់ថានឹងស្ថិតក្នុងចំណោមសព្វាវុធទាំងនោះ។ នេះបើយោងតាមប្រភពរបស់ទីភ្នាក់ងារព័ត៌មាន Reuters។
ពាក់ព័ន្ធនឹងដំណឹងនៃការផ្អាកនេះ រដ្ឋាភិបាលអ៊ុយក្រែនមិនទាន់បញ្ចេញប្រតិកម្មអ្វីនៅឡើយទេ។
សហរដ្ឋអាមេរិក បានបញ្ជូនជំនួយយោធារាប់សិបពាន់លានដុល្លារទៅឲ្យអ៊ុយក្រែន ចាប់តាំងពីប្រទេសរុស្ស៊ីចាប់ផ្តើមការលុកលុយពេញទំហឹងនៅក្នុងខែកុម្ភៈឆ្នាំ២០២២ ដែលនាំឲ្យមន្ត្រីមួយចំនួនរបស់លោក ដូណាល់ ត្រាំ សម្តែងការព្រួយបារម្ភថា ស្តុករបស់សហរដ្ឋអាមេរិកនៅសល់អាវុធតិចពេក។
សូមជម្រាបថា ការផ្អាកនេះ ធ្វើឡើងបន្ទាប់ពីប្រធានាធិបតីអាមេរិក លោក ដូណាល់ ត្រាំ បានជួបជាមួយសមភាគីអ៊ុយក្រែនលោក វ៉ូឡូឌីមៀរ ហ្សេលេនស្គី ក្នុងអំឡុងកិច្ចប្រជុំកំពូលរបស់អង្គការណាតូ នៅប្រទេសហូឡង់ កាលពីសប្ដាហ៍មុន។ នៅពេលត្រូវបានសួរអំពីការបង្កើនការគាំទ្រ លោក ត្រាំ បានឆ្លើយថា សហរដ្ឋអាមេរិកនឹងពិចារណាថាតើអាមេរិកនឹងអាចជួយអ៊ុយក្រែនជាមួយខែលការពារដែនអាកាសទំនើប Patriot ដែរឬក៏អត់។
ទោះបីជាមានភាពតានតឹងកន្លងមករវាងមេដឹកនាំទាំងពីរក៏ដោយ លោក ត្រាំ បានពណ៌នាកិច្ចប្រជុំនាពេលថ្មីៗនេះរបស់ពួកគេថាមានភាពស្និទ្ធស្នាល។ នៅក្នុងខែមីនា លោក ត្រាំ បានផ្អាកជាបណ្តោះអាសន្ននូវជំនួយ និងការចែករំលែកព័ត៌មានសម្ងាត់ជាមួយអ៊ុយក្រែន។ យ៉ាងណាមិញ ការផ្អាកនោះត្រូវបានដកចេញវិញ ហើយនៅចុងខែមេសា សហរដ្ឋអាមេរិក និងអ៊ុយក្រែនបានចុះហត្ថលេខាលើកិច្ចព្រមព្រៀងមួយ ដែលផ្តល់ឲ្យក្រុងវ៉ាស៊ីនតោននូវលទ្ធភាពទទួលបានធនធានរ៉ែកម្ររបស់ក្រុងកៀវជាថ្នូរនឹងជំនួយយោធា៕
ដោយ៖ ឈាង
តារាសម្តែង Lee Seo Yi ទទួលមរណភាព ក្នុងអាយុ ៤៣ឆ្នាំ
ក្រសួងការងារ នាំយកក្រុមហ៊ុនធំៗ ទៅសម្ភាសន៍ពលករខ្មែរមកពីថៃ នៅច្រកព្រំដែន ដើម្បីផ្តល់ឱកាសការងារភ្លាមៗ
ថៃ ធ្លាប់ផ្ទុះរឿងអាស្រូវដ៏អាម៉ាស់២ដង លួចត្បូងពេជ្រក្នុងវាំង និងសម្លាប់អ្នកការទូតអារ៉ាប៊ីសាអូឌីត
UN ព្រមានពិភពលោកត្រូវតែសម្របខ្លួនទៅនឹងរលកកម្ដៅកាន់តែខ្លាំង
ឥទ្ធិពល Messi នឹងធ្វើឱ្យ Miami បាត់បង់លុយច្រើនជាង ៣០០ លានដុល្លារ បើគាត់ចាកចេញ
ក្រុមមនុស្សយកស្លាកលេខរថយន្ត ថាក់ស៊ីន ចាក់ឆ្នោត ខណៈលោកចូលខ្លួនទៅតុលាការ
ប្រធានសភាអារ៉ាប៊ីសាអូឌីតថាកម្ពុជាមានភាពថ្លៃថ្នូរ និងក្រមសីលធម៌ខ្ពស់
នាយករដ្ឋមន្ត្រីថៃ ៦រូប ធ្លាប់ត្រូវតុលាការធម្មនុញ្ញ ព្យួរតំណែង
នាយករដ្ឋមន្ត្រី ផែថងថាន ត្រូវបានព្យួរអំណាច ចំពេលស្តេចថៃតែងតាំងគណៈរដ្ឋមន្ត្រីថ្មី
លោកស្រី ផែនថងថាន៖ ខ្ញុំនឹងប្រើពេល១៥ថ្ងៃពន្យល់តុលាការថាខ្ញុំធ្វើដើម្បីជាតិលើសពី១០០%
-
ព័ត៌មានអន្ដរជាតិ៤ ថ្ងៃ agoផែថងថាន លើកយកជម្លោះព្រំដែនកម្ពុជា-ថៃនិងឧក្រិដ្ឋកម្មអនឡាញ ពិភាក្សាជាមួយ ម៉ាក្រុង
-
ព័ត៌មានអន្ដរជាតិ៧ ថ្ងៃ agoពលរដ្ឋថៃ រាប់ពាន់នាក់រត់ភៀសខ្លួន បន្ទាប់ពីយន្តហោះមីយ៉ាន់ម៉ា ទម្លាក់គ្រាប់បែកនៅព្រំដែន
-
សន្តិសុខសង្គម៥ ថ្ងៃ agoអាជ្ញាធរខេត្តព្រះវិហារ ដុតកម្ទេចចោលដូងក្រអូប១៥០០គីឡូក្រាម ដែលលួចនាំចេញពីថៃ ឆ្លងកាត់ប្រទេសឡាវចូលមកកម្ពុជាដោយខុសច្បាប់
-
ព័ត៌មានអន្ដរជាតិ១៨ ម៉ោង agoក្រុមមនុស្សយកស្លាកលេខរថយន្ត ថាក់ស៊ីន ចាក់ឆ្នោត ខណៈលោកចូលខ្លួនទៅតុលាការ
-
ព័ត៌មានជាតិ៣ ថ្ងៃ agoស្រុកសំឡូត តំបន់កសិកម្មដ៏ល្បីមានច្រកទ្វារព្រំដែន ៤ កន្លែងសម្រាប់ទំនាក់ទំនងជាមួយថៃ
-
ព័ត៌មានជាតិ៤ ថ្ងៃ agoលោកស្រី បាន ស្រីមុំ៖ អភិបាលខេត្តស្រះកែវ អត់ដឹងប្រវត្តិស្ពានព្រំ-បានប៉ាក់កាដ
-
ព័ត៌មានអន្ដរជាតិ២ ថ្ងៃ agoឆេះរោងចក្រនៅថៃ ជាប់មនុស្សច្រើននាក់ក្នុងនោះ
-
សេដ្ឋកិច្ច៦ ថ្ងៃ agoក្រុមហ៊ុនរុករកប្រេងលំដាប់ពិភពលោករបស់អាមេរិក ប្តេជ្ញាធ្វើការជាមួយកម្ពុជា