ព័ត៌មានអន្ដរជាតិ
ត្រាំ ថាក្រុមហាម៉ាសនឹងត្រូវបាន«តាមប្រមាញ់» ខណៈកិច្ចចរចាបទឈប់បាញ់នៅហ្គាហ្សាដួលរលំ
ប្រធានាធិបតីអាមេរិកលោក ដូណាល់ ត្រាំ បានស្តីបន្ទោសក្រុមហាម៉ាស ចំពោះការដួលរលំនៃកិច្ចចរចាបទឈប់បាញ់នៅតំបន់ហ្គាហ្សា ដោយអះអាងថាក្រុមនេះបដិសេធមិនធ្វើកិច្ចព្រមព្រៀងមួយ ព្រោះភ័យខ្លាចការសងសឹកបន្ទាប់ពីដោះលែងចំណាប់ខ្មាំងអ៊ីស្រាអែល។ នេះបើយោងតាមការចេញផ្សាយរបស់សារព័ត៌មានAl Jazeera នៅថ្ងៃទី២៦ខែកក្កដា។
ប្រធានាធិបតីអាមេរិក លោក ដូណាល់ ត្រាំ បាននិយាយថា ក្រុមហាម៉ាស់ គឺជាហេតុផលដែលកិច្ចចរចាបទឈប់បាញ់នៅតំបន់ហ្គាហ្សាបរាជ័យ។ ថ្លែងនៅឯសេតវិមាន លោក ត្រាំ បាននិយាយថា ក្រុមហាម៉ាស «ពិតជាមិនចង់ធ្វើកិច្ចព្រមព្រៀងទេ» ហើយបានព្រមានថា ពួកគេនឹងត្រូវបាន «តាមប្រមាញ់» ។
សហរដ្ឋអាមេរិកបានដើរចេញពីកិច្ចចរចាសន្តិភាព ដោយតំណាងរបស់លោក ត្រាំ បាននិយាយថា ក្រុមហាម៉ាសមិនមានឆន្ទៈចង់បានសន្តិភាពទេ។ អ៊ីស្រាអែលក៏បានដកអ្នកចរចារបស់ខ្លួនចេញពីកាតា ជាកន្លែងដែលការចរចាកំពុងព្យាយាមយល់ព្រមលើបទឈប់បាញ់រយៈពេល ៦០ ថ្ងៃ និងដោះលែងចំណាប់ខ្មាំងអ៊ីស្រាអែល ១០ នាក់។ ក្រុមហាម៉ាស់បានច្រានចោលការចោទប្រកាន់នេះ ដោយនិយាយថា ខ្លួនបានសហការ និងព្យាយាមឈានដល់កិច្ចព្រមព្រៀងមួយ ដោយមានការគាំទ្រពីអេហ្ស៊ីប និងកាតា។
ក្នុងពេលជាមួយគ្នានេះ មេដឹកនាំអ៊ីស្រាអែលក៏បាននិយាយអំពីផែនការដកប្រជាជនប៉ាឡេស្ទីនចេញពីតំបន់ហ្គាហ្សា នៅពេលដែលចំណាប់ខ្មាំងត្រូវបានដោះលែងផងដែរ។ រដ្ឋមន្ត្រីការពារជាតិលោក Israel Katz បាននិយាយថា ពួកគេអាចនឹងផ្លាស់ទីមនុស្សទៅជំរុំនានា មុននឹងបង្ខំពួកគេចេញ។ នាយករដ្ឋមន្ត្រីអ៊ីស្រាអែលលោក Benjamin Netanyahuក៏បាននិយាយដែរថា អ៊ីស្រាអែលនៅតែត្រូវការ «បញ្ចប់ការងារ» នៅតំបន់ហ្គាហ្សា។
អាមេរិកបានបន្ទរតាមក្រោយដោយលោក ត្រាំ បានចែករំលែកគំនិតស្រដៀងគ្នានេះថា តំបន់ ហ្គាហ្សា អាចត្រូវបានប្រែក្លាយជាកន្លែងទេសចរណ៍។ ប៉ុន្តែអ្នកជំនាញច្បាប់និយាយថា នេះអាចចាត់ទុកថាការបោសសម្អាតជាតិសាសន៍ដែលជាឧក្រិដ្ឋកម្មសិទ្ធិមនុស្សធ្ងន់ធ្ងរ។
ខណៈពេលដែលស្ថានភាពមនុស្សធម៌នៅតំបន់ហ្គាហ្សាកាន់តែអាក្រក់ទៅៗក្រោមការរារាំងរបស់អ៊ីស្រាអែល ការថ្កោលទោសអន្តរជាតិកាន់តែកើនឡើង។ ប្រទេសកាណាដា និងបារាំងបានរិះគន់ការបិទផ្លូវនេះ ដោយប្រធានាធិបតីបារាំង Emmanuel Macron សន្យាទទួលស្គាល់រដ្ឋប៉ាឡេស្ទីននៅអង្គការសហប្រជាជាតិ ខណៈត្រាំបានច្រានចោលជំហររបស់ Macron ដោយនិយាយថាវា «មិនសំខាន់ទេ» ៕
អត្ថបទ៖ ប៊ុន សុភាព
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម៦ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ